Misee 5:12 - BII BILA

¹² I puusiaa piɔmaa niaa a powta sálàla niaalan. O kon, la beŋ ndɛnin vulan ɲɛm niaa pila sɛl-lon o labɛngunin te.

Misee 5:12 Referans Kwoze

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Esai 2:20

Paale len, vanndacieea viwlulnin tɔngannda a cówva piɔmaa nda cɔw a volion-nda, a piɔmaa nda cɔw a sianion le nda sooloo-a.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Esai 2:18

Piɔmnda kpow a ve lɛnin te.

Esai 27:9

Nuaa cuavaa Yakɔb-a sɔlanin baŋaa a tɛɛmbuu ndaa ni, tofa vɔ kɔmnde fulanin o haki nda malnin nda-o nin-nden, Mɛlɛka siinguunin powta nda cɔw máánnda soolaalan-ndan, maa powta humbula cuinun mì la cacun maa cundu lan, yɔmii soolɛi a piɔmaa nɔ tuulaa maa lepala-a la muungu lɛnin isisi lɔ́ɔ́-lɔ́ɔ̀ le.

Tɔŋ miingua 18:14

Kani vanaa-mangalaa-isɔaa niaa co kan kɔlan lɛŋnden hiɔlɔɔ o ba-a co vanaa viamaa yavaa a mandea nilan yaŋɔɔ. Kɛ niaa, Mɛlɛka Hala niaa yeema mi la tosa dɛnɛ vaa lende le.

Esai 44:17

Yɔmii tɔ̀ɛi lo ndu pɛ o ba, o cua ken o sɛl piɔmndo, o siinguu piɔm kon hala ndɔɔ, o baŋ vulan piɔm kon o labɛngunin, o sooluu ndu, o piɛi ndu aa: «Baŋa ya, kani nɔm co hala nuu kpeekpei ni!»

Esekiɛl 16:41

A loamnin cɛila nɔmndan a yinnden. A tuisinin sanga bɛndu-bɛndoo nɔm coo vanlaandua taw-taw o hɔl. Lende ya kuunanin nɔm suunda lotalotaa ni, o kon, lɔ́ɔ́-lɔ́ɔ̀ nin bɛɛ a sala lɛnin vana le.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»