Misee 5:1 - BII BILA

¹ Éé nɔm Bɛtlɛhɛm Efrata! À co bɛɛ ciee pɔmbɔ o cieon co o tàndá Yuda-o nin-ndon kpow tɛɛn nuaa, kɛ o nɔm nin ya solinin vana bɛnda mo tosa masalen Israɛlla kpow coo-o ni. Vana kon pɛn, ó fula o yungu kɔɔlima ndɔan ma kandun kabi sindɛ-sindɛ-o nin-ndo.

Misee 5:1 Referans Kwoze

Cɛɛŋɔnnda Yeremi lan 3:30

O bɛnda mò tɛilu vana co ndu lɔɔ-o kpannde, mò pim siɛmbula nda co ndu tuisio lan.

SƐBƐ YƆB-O 16:10

Vannda kumbil-la sondola ndalan váankpándán. A co ya kpaŋndon lɔɔ le ya siɛmbulan tuisio. Nda kpow a yiinan le ya ciŋilanndo.

2Korɛntea 11:20

Vannda co niaa cɔu maa n'cɛ, a co tɔnɔ niaa dioo, a co niaa ɲɔɔn poondia o laba, a co niaa kuundianndo coo, mà va niaa hɔlla lɔɔ, mì co kon cɛlɔɔ.

Dɛnnda kiilaa 23:2

Mí Ananias bolle vana-solia-lasálàá dimul vanaa va Pol ikɛi-ya le ndu Pol sondoo lɔɔ.

Nsaŋ 19:3

O kon kɔɔli, má va ndu kɔlan o hɔl a ndu dimullo aa: «Masa Yuifia isɛ!» Má va ndu kpaŋndon lɔɔ.

Nsaŋ 18:22

Mɛɛ Yeesu dimi lende, mí vana pilɛ o kpalilaa cumulaa va lon-nda tɛɛn soli baa, mó lɔaa ndu kpaŋnde, mó dimul ndu aa: «Nuaa n mulul bolle vanaa-solia-lasálàá ni?»

Matie 26:67

O kon kɔɔli, má tufu ndu lɔluan o hɔl, má kuindikuindi ndu. Mí vannda pum lɔaa ndu kpaŋnde, má dimul ndu aa:

Esai 33:22

Kani Mɛlɛka co vana kialaa n'yama naa ni, ndu co vana yɔngu naa tɔŋndan-ndo ni. Mɛlɛka co masa naa ni, ndu co vana naa ciindiaa ni.

Tɔŋ miingua 28:49

Mɛlɛka cuanin vanaa-mangalaa-isɔɔa pum nɛɛ levil, nɛɛ lɛŋnden le mɛɛlu-a le hunɔɔ niaa biyɔɔ o cɛlen nin, la tuinin sɔɛi ndɛi mangalɛi le. A coŋnin niaa coo mɛ̀ɛ́-mɛ̀ɛ́ kovɔ́ɔ̀ toal ɲɛ o va mɛngɛlaa-o coo nuaa yɛ.

Matie 27:30

Má va ndu lɔluan tufɔɔ coo, má cua kpɛ̀ndɛ̀len, má va ndu bollen lɔɔ a len.

Matie 5:39

Kɛ ya, i co niaa dimul: la simul vanaa kɔlvesɛiya le. Te vanndo lɔɔ pɛ nɔm kpaŋii ba kɛndɛi, mulul ndu vɛlɛ kpaŋnde pilɛi.

Habakuk 3:16

Ya, i tuei vooko-vooko kon mí yɔŋnun yoloma-yoloma. Cɔcɔn ɲiiya ya kpà-kpà, mí paalan la sia ya o n'dial, I co ɲiiyaa tuŋ, i co nɔla kpeŋanndo le. I co cumndo háá mì ce paale dɛnɛ palaalen, paale naa n kɔ delnin vanaa co naa delɔɔ coo-a coo len.

Habakuk 1:6

I co vannda vomɔɔ fulaa Babilɔn, kani nda nɔ iɲíí le, a nɛi vɛlɛ kɔl fula le. A kei kan vannda delɔɔ coo, mà poondiaa ɲɛm ndan-nda pɛɛn.

Amɔs 2:3

I diwnin vana kialaa n'yamaa ndaa, mì diw simlacia a ndu latulu.» Lende Mɛlɛka dimi ni.

Esekiɛl 24:2

«Po vanacieo sei, sɛva paalen nden hau, sɛva len kpafii. Kani paalen nden hau masaa Babilɔn del Yerusalɛm coo ni.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Esai 10:6

I mal ndu le vanaa sina Hala le-a kuello, I yɛɛ ndu le kɔlan vanaa tuulu ya kɔllo-a delɔɔ coo, haliko mo poondiaa nda ɲɔɔn o ba, mò nɛw nda a labɛngu mɛɛ vana nɛw loolio o nɛilan coo yɛ.

Esai 8:9

Lelan, niaa vanaa-mangalaa-isɔɔa, la yonda bɛɛ yonda cɔwvo, la co cuvɔɔ yomiyomi. Niaa vanaa co icali levil-la, la yaŋ nilan! La bɛɛndian le cɔwvo, kɛ la co cuvɔɔ yomiyomi!

2Masaa 24:2

O kon mí Mɛlɛka viam kundala vanaa del vannda coo-a, má kɔ del Yehoyakim coo. Kundala Mɛlɛka vem lan-ndan la yɔŋnun ndan ni: Kaldea, Aramiia, Moabua a Amɔnnda. Ndáà kɔɛ le Yuda tɛɛmbuuo maa mɛɛ Mɛlɛka ndóò dimi sɔɛi ken a sondo vanaa ndɔa baalaa yɛ, vanaa-tɛɛngaa-diom Hala-a pɛɛn.

1Masaa 22:24

Fɔ́ɔ́fɔ̀, mí Sedekia po Kenaana-o sɔɔnguu, mó lɔaa Misee kpaŋnde, mó ɲuna aa: «Vɛ̀ɛ̀ kɔl Mɛlɛka-o looku yɛ fulaa ya nin le kɔlan nɔm sɔɔn mun dimullo?»

O Kandɔɔ 35:19

Mí Rasɛl vu, má kumbu ndu o nɛi Efrata-o coo, Bɛtlɛhɛm pɛɛn.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Tɔŋ miingua 33:27

Nɛɛ viannannda Hala co le fɛɛn a fɛɛn-ndo co ni. Bala ndɔlan la co lahavaa lebɛngu yɔŋii niaa del. O co yaamɔaa niaa tovɔɔ niaa laci, mò va niaa dimullo aa: ‹La tɛɛmbuu nda!›

Masaa kialaa n'yamaa 17:7

Langbanɔ felengoo pum va icali Bɛtlɛhɛm o tàndá Yuda-o nin, leviinɔɔ o va ni.

Talelan 8:23

Kabi sindɛ-sindɛ o toosiaa ya ni, O kandɔn kon ɲɛ-ɲɛ ndóò ve vɔ le.

Esai 9:5

Kani cɛlɛkpɔɔ vilun naa, hɔ́ɔ́ piaandoo yɔngun naa, masalen kpow le vanin ndu o congú, o nɔnin diolan aa: ‹Ɲaa-fàngà, vana silaa nɔ velan too. Hala-Kpaayaa, fuɲa fɛɛn-fɛɛndo, masa kɔlɲuloo.

Esekiɛl 21:32

Bémbélan, labémbé láà labémbé! I siinguunin (Yerusalɛm) labémbé kposon. Ɲɔɔ mangalannin pɔɔ kpede lɔ́ɔ́ pá mì vana nɔ yamɛi o ba-o hin, o kon mì sɔɔ ndu vali kialaa n'yamaa o ba.»

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.