Misee 4:9 - BII BILA

⁹ «Le yɛɛ nɛ niaa co yɛ niko yondaa? Masa co macoaa o niaa lo le? Mò va maa lou vana nɔm silaa lo ni? Ŋɔnga yɛɛ n co yɛ niko hoo a ɲɛ nɛyaa maa vanalanɔ nda sɔɔnguu lekɔɔ le volɔɔ?

Misee 4:9 Referans Kwoze

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Osee 10:3

O kon a diminin aa: «N nɔ masa le, kani n ke Mɛlɛka lebɛɛ le. Kɛ náà n nɔ bɛɛ masaa, kpeku yɛɛ o solul-lɛnin naa?»

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Cɛɛŋɔnnda Yeremi lan 4:20

Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.

Yeremi 50:43

Masaa Babilɔn tueyɔɔ sɔɛi ken, mó vu diallon, mó buulan maa vanalanɔ demboo co nɛiyo le violɔɔ-o.

Yeremi 22:23

A connun icali yili o ba nɔmndo coo Liban, má tangul vɛɛnnde nɔmnden o yɔmii sɛɛdrei tullo. Kɛ a ŋɔnganin telen ɲɛ nɛyaa voolunin nɔm-ndo, telen n vanin sangaa maa vanalanɔ co violɔɔ-o.»

Yeremi 4:21

Háá telen kuɛɛ ya va yɛnin lɛfɛ cɔwvo cɔu, mì va diom bulu cɔwvo tueyɔɔ?

Esai 26:17

Maa mɛɛ vanalanɔ pulei biŋin le violɔɔ-o ɲumbuɲumbun a caŋndo telen o va hɔ́ɔ́ violɔɔ-o nuaa yɛ, lende naa n va nɔm o hɔl ni, nɔm Mɛlɛka pɛɛn.

Esai 21:3

Lelan, caŋnda co ya nɛiyo mì va ɲiiya nákà-nàkà, ɲɔɔ co ya nɛiyo taw mɛɛ demboo nɛi vanalanɔ o volɔɔ nuaa yɛ. Ɲɛsuan ma kindun ya ten-ten a ɲɛ ya tueyɔɔ-o. I co ɲiiyaa nákà-nàkà a ɲɛ ya cɔu-vo.

Esai 13:8

Siòònde bii nda taw, ɲɛsuan ma kindun nda mì ɲɔɔ va nda nɛiyo mɛɛ demboo nɛi vanalanɔɔ telen vialaa nuaa yɛ. A co tofanndo vellaa-velle a kɔndɔfillo, hɔlaa ndaa diw vaŋ maa leyin.

Nsaŋ 16:21

Telen vialaa tiiya pɛ le vanalanɔɔ, mɔnɛi bii ndu le telen ndɔ tiiya-o, kɛ te o velu pɛ hɔ́ɔ̀, o loonun ndɛ a ɲɛ nɛyaa kei ndu coo-o le. Kani o co va a ɲaaloo le vanaciee yoomaa o velu-o.

Dɛnnda cɔɔmuanndan 12:2

O va a folio, mó va koŋullo a pulii nɛyɛi le violɔɔ.

Yeremi 48:41

Kobilan la biinun, kpakilan la del yaamɔɔa o ba. O kon mì vanaa cɔvaa hiow cɔwvo caa-a va sangaa mɛɛ vanalanɔɔ sanga o violɔɔ nuaa yɛ.

Osee 13:13

Sangaa toalnin nda coo mɛɛ dembe vialaa nɛi vanalanɔɔ nuaa yɛ. O co cɛlɛkpɛa nɔ kɔlkalu le nda co le. Telenndo tiiya bɛɛ le violɔɔ kala nda-o, a cɛl le keleŋaa fulaa ndu o dembe le.

Misee 5:3

O cannin mò siŋnun simlacinɔ nda a kpaaya Mɛlɛka-o a á biilu diola Mɛlɛka Hala ndɔɔ. Vanaa ndɔa vanin icali nila ɲulu, kani kandɔɔ nihau, o co va biiloo sɔlaa háá o lɛŋnden mɛɛlulan.

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

Yeremi 30:10

Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»