Misee 4:8 - BII BILA

⁸ Kɛ nɔm, pembei Yerusalɛm, nɔm co hoo maa bàndó le lɛŋnden kpalillo-o, o lo cobe ma muungu o masale nɔmnde paandulen coo. Yerusalɛm siŋnunnin vɛlɛ kobi lebollo le masalen kpow.›»

Misee 4:8 Referans Kwoze

Esai 1:26

I minginin vanaa kialaa n'yamaa niaa o vali ndaa nin mɛɛ nda va paandu yɛ. I minginin vanaa silaa niaa o vali ndaa nin mɛɛ ndáà va o kandɔɔ yɛ. O kon kɔɔli niko, a veelunin kobi niaa aa kobi dɛnɛ sandaa, kobi lo o lediom coo-o.

Sakari 9:10

O ciinin ɲɛla ɲaanannda soa nan-ndan o tàndá cuavaa-imamaa Efraim-nda nin o ciinin soa cɔwva Yerusalɛm, o yiminin kpaasiaala cɔwlan kpow. O yɔngunin vanaa-mangalaa-isɔɔa kpow kɔlɲuloo. Masale ndɔlen le kandunnin o mɛmma hɛlii bɛnduan, mì le kɔ tiiya háá o mɛmma ihɛllan mediteranee. Masale ndɔlen le cannin o pee bɛndoo Efrate, mì le kɔ tiiya háá nɛɛ lɛŋnden le mɛɛlu-a.»

Dɛnnda cɔɔmuanndan 22:5

Ɲumma ve lɛnin te, a nɔ lɛnin mako a ɲɛ-tengaa fitina le, a nɔ lɛnin mako a ɲɛ-tengaa lepaa le, kani Mɛlɛka Hala teengiaanin nda ni, mà tosa masalen le fɛɛn a fɛɛn.

Sakari 9:12

Lelan, niaa vanaa kaasoaa nɔ tiindanndo-a, la muungu o kobi niaa kungan a kpakio-o nin. Hau vɛlɛ i co ndi dimi, i vangalanin dɛnɛ kɛndɛ niaa bɛmbɛ lediin le sanga niaa sɔla-o.

Abdia 1:21

Vanaa baŋa vannda-a helnin o pembei Siɔn coo le masalen tosaa o pembii Esau-ve coo. O kon Mɛlɛka vanin masaa kpeekpei.

O Kandɔɔ 35:21

O kon kɔɔli, mí Israɛl puusiaa dɔ́ɔ́ngɔ́ ndɔɔ o fonda kon, mó kɔ simi cɛi-kola-toandaa ndɔɔ Mikdal-Edɛr lekɔɔli.

Efɛsea 1:21

Mó kɛsi ndu bollen masɛi kpow coo, kpaayalan kpow, vanaa mayoomua kpow a simlacia kpow coo, a le diola kɛ́-kɛ̀ co piɔlnɔnndo, o co ko le telenndo ho daama le, kɛ le telen co hunɔɔ-o bɛɛ.

Marke 12:1

O kon mí Yeesu kandu sɔɛi o nda lo o taloo nin, mó dimi aa: «Langbanɔɔ pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

2Samiɛl 5:7

Kɛ mí David bii fonda mayoomoo Siɔn, lelan nda ke fonda kon diolan ni aa Kobi David-o.

Kundalan 24:19

Vana fulanin o pulun Yakɔb-on nin-ndo siŋnunnin masa tɔ́ɔ́ bɛndoo. Ndu diwnin vanaa lonin yoomu o kobilan nin-nda ni.»

Matie 21:33

«La yaŋ vɛlɛ nilan o tale celen. Simlaci yungoo pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Daniɛl 7:18

Kɛ vanaa diandaa Ó-Hiow-Ɲɔɔn-Kpow-vo-a sɔlanin masalen, mì le va le nda le fɛɛn a fɛɛn.›

Esai 5:2

Mó vayia ɲɔɔ, mó faaŋiaa powtan, mó tɔal tɔlɔɔ kɛndɛ-kɛndɔɔ pum lon. Mó tangul bàndóó o nakɔ n'rɛsɛn kon tɛɛn, o kon kɔɔli, mó toaw doolaa. O va tiindanndo maa nakɔ kon koamnin rɛsɛŋun kɛndɔn, kɛ mó koam rɛsɛŋun vɔɔnndon.

Esai 10:32

O paale pilɛle len nin, a simnin Nɔb ma vueinun vanaa co o pembei Siɔn coo-a a laba, vanaa co icali o pembei Yerusalɛm coo-a pɛɛn.

Condii lisai 48:3

Yerusalɛm co o heelaa o naŋɔɔ nin, o co kɔlkɛndɔɔ yɔngoo o lɛŋnden kpow coo. O pembei Siɔn coo, i co a ba luaŋ-ndo-e, lon kobi Masa bɛndoo co ni.

Condii lisai 61:3

I co o lɛŋnden mɛɛlulan mì co nɔm veeloo, kani sanga kɔllo co ya coo. Yɔɔ ya o pow kpova ya nɔla tiiya coo loo coo.

Misee 2:12

Mí Mɛlɛka dimi aa: «A toɲa, i mɔɔsiaanin niaa kpow, niaa cuavaa Yakɔb-a pɛɛn. I mɔɔsiaanin niaa nɛɛ pilɛ, niaa Israɛlaa tɔ̀a lonin yoomu-a pɛɛn. I mɔɔsiaanin niaa o hèéo nin maa n'saa, maa cɔlua nda mal o bil puiyaa nin-nda, mì la siŋnun vɛlɛ sɛ́lɛ́ bɛndoo sɔkɔ-sɔkɔ.

Nehemi 3:25

Mí Palal po Usai-yo ndu va baalaa tosaa kandɔɔ o sɔngilen kɔlan tiiyaa háá o cɛi coocoo va o bɛ́ɛ̀ lemasaa laci-o, bɛ́ɛ̀ va o cɛi kaasoo ikɛi-yo. Pedaya, po Pareɔs-o va baalaa tosaa ndu ikɛi.

Condii lisai 24:7

Niaa diola luɛyaalan, la kumbi koŋnda niaalan, niaa diola fɛɛn-fɛɛnndan, la kumbin mì Masa tɔ́ɔ́ bɛndoo luɛi.

Condii kɛndɛ-kɛndɛi 4:4

Vana ca ko kɛsii nɔmnde aa cɛi coocoo masaa David tangul le ɲɛm cɔwvon kɛsio lenin-ndo ni. Kɔ̀ɔ̀la cɔwlan vàá pilɛ la co lalɛɛndua lon, lon ɲɛm cɔvun kuubaa cɔwva kpow n co ni.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.