Misee 4:6 - BII BILA

⁶ «Mí Mɛlɛka dimi aa: ‹Paale vanin, i mɔɔsiaanin saa nia voosian-nda, i cuungiaanin a co a saŋnannda-a, a yáà bɛpɛla-a pɛɛn.

Misee 4:6 Referans Kwoze

Sofoni 3:19

O telen kon, i saangiaanin vanaa tósal niaa dɛnɛ vɔɔndo-a kpede. I cɛwnin saa laandua namtaa mà cinda, i minginin a nda sɛŋi-a cuungiaa nɛɛ pilɛ. I siinguunin yungu nuu vanaa tɔ́ɔ́ bɛndu-a a vanaa bɛndua o lɛŋii nda vanin o siɛmbulan nin-nde kpow nin.

Nsaŋ 10:16

I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.

Esai 56:8

Maalii Hala co Israɛlla ndáà tow-va cuungiaa-o soo, mó dimi aa: «I cuungiaanin vɛlɛ vanaa celen o vanaa ndɔa co nin a cuungiannda-a ikɛi!

Condii lisai 147:2

Mɛlɛka co Yerusalɛm mingi tangul, o co vanaa va o biyɔɔ nin Israɛl-la bɔɔŋiaa.

Luke 19:10

Kani Po vanacieo hin le vanaa va o lou nin-nda nuwviaa, mò ciindiaa nda.»

Misee 2:12

Mí Mɛlɛka dimi aa: «A toɲa, i mɔɔsiaanin niaa kpow, niaa cuavaa Yakɔb-a pɛɛn. I mɔɔsiaanin niaa nɛɛ pilɛ, niaa Israɛlaa tɔ̀a lonin yoomu-a pɛɛn. I mɔɔsiaanin niaa o hèéo nin maa n'saa, maa cɔlua nda mal o bil puiyaa nin-nda, mì la siŋnun vɛlɛ sɛ́lɛ́ bɛndoo sɔkɔ-sɔkɔ.

Esekiɛl 36:24

I faŋanin niaa vanaa-mangalaa-isɔɔa tɛɛn, mì soli niaa o lɛŋnden kpow nin, mì mingi niaa cuungiaa o lɛŋnde niaalen nin.

Yeremi 31:8

I co nda cua o lɛŋnde maluaŋnden mì mingi nda, mì cuungiaa nda fulaa o lɛŋii levil-ville nin. Vana-vana vanin ndon: vanaa sumɛiya a namtaa, komsaa a vanaa lafolia, sɛ́lɛ́ bɛndoo pila nda cuungiannin ndon ni.

Yeremi 3:18

O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»

Condii lisai 38:17

Kani mí dimi aa: «Màá vannda ha dɔawnun ɲaale a dɛnɛ nuu o kɔɔ le! Te i siɛla pɛ, màá a heelun ya coo le!»