Misee 4:5 - BII BILA

⁵ Telen vannda súúlan kpow co kelaa le hɛnan halaa ndaa tosaa-o, naa bɛɛ n kelan le hɛnan Mɛlɛka, o co Hala naa-o-o tosaa le fɛɛn a fɛɛn.

Misee 4:5 Referans Kwoze

Sakari 10:12

I lueinin Israɛlla yoomuma fula ya Mɛlɛka o ba-an, a vanin kelaa o diola ya Mɛlɛka lan bɛngu. Ya Mɛlɛka dimi lende ni.»

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

Esai 2:5

Niaa cuavaa Yakɔb-a, la hun mì n kɔɛnnun o ɲɛ-tengaa Mɛlɛka-o nin!

Condii lisai 48:14

La mɛɛndian-ndɔ kpakila ndɔlan, mì la tofa fondala ndɔla mayoomulan ɲɛkɛndɛi, le vanaa hun vialunnin-nda dimullo

Kolɔsea 2:6

Lelan, mɛɛ niaa cɛl Maalii Yeesu Krista nuaa yɛ, la kela niko mɛɛ dɛnnda ndɔlan la co yɛ.

Esai 26:8

Éé Mɛlɛka! N co nɔm cumndo o nɛi tɔŋnda nɔmndan la cɔm naa-o coo, yeemɛi co naa o lakɔl taw-taw le diola nɔmndan piɔlɔɔ a le loonɔnndo a nɔm o kɔɔ.

2Masaa 17:34

Háá paalen nden, a connun-ndɔ o naamula ndala paandulan nin tuŋ. A nɔ siòòŋii Mɛlɛka le, a co kela o silala ndalan coo kpeekpei le, a co vɛlɛ kela o tɔŋndan a o silala Mɛlɛka yɔngu cuavaa Yakɔb-a lan coo le, Yakɔb ndóò ke diolan aa Israɛl-lo pɛɛn.

2Masaa 17:29

Kɛ mí vanaa-mangalaa-isɔaa kan a cɔaw piɔmaa ndaa o kobila yɛ́-yɛ́la nda va icali nin-ndan nin, má kɛsi nda o tongola máánndan nin o tombun Samaria ndáà soli-on.

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

Condii lisai 71:16

Éé Maalii, Mɛlɛka nuu, i hunnin mì cɔm dɛnnda kpaayala nɔmndan. I cɔmnin sandii nɔmnde, sandii nɔmnde kínɛí.

Dɛnnda kiilaa 14:16

Paandu, mó mal vanndacieea kpow kelaa mɛɛ nda yeema yɛ.

Esai 26:13

Òó Mɛlɛka Hala naa! Vanaa bɛndua celen co maa nɔm te-a a tosa masalen naa coo. Kɛ nɔm pilɛ kpé tosa ni mì n va diola nɔmndan piɔlɔɔ.

Tɔŋ miingua 27:10

Lelan, la bii diom ndɔɔ mì la kela o tɔŋnda ndɔlan a o silala ndɔla ya co niaa hau yɔngoo lan coo.»

Condii lisai 20:6

O kon, n yondanin a ɲaaloo le mala n sɔlanin-ndo. N heelunin lɛfɛ landaa le diola Hala naa lisaa. Màá Mɛlɛka muli sɔɔn n ɲunannin ndu-on kpow!

Yeremi 32:40

I yiinin kpema fɛɛn-fɛɛndo a nda. I mulul-lɛnin nda kɔɔ le. I tosalnin nda dɛnɛ kɛndɔɔ mì tosa ma vo ya o kɔlta ndalan nin, o kon a kue lɛnin ya levil te.