Misee 4:4 - BII BILA

⁴ Vana-vana vanin icali o rɛsɛŋun ndɔn a o voosun ndɔn bɛngu, vana venin le nda kpeeŋiaa le, kani Mɛlɛka-Nɔ-Kpaayaa-Kpow-vo cii dimi.

Misee 4:4 Referans Kwoze

Sakari 3:10

Paale len, la veelannin vellaa-velle le calle a kɔlɲuloo o tumnda n'rɛsɛnndan a o voosoei bɛngu. Ya Mɛlɛka-Nɔ-Kpaayaa-Kpow-vo dimi lende ni.›»

Esekiɛl 39:26

O kon, a pɔɛɛnunnin siɛmbula kei nda coo lan, mà pɔɛɛnun a nila kalula ndáà tosal-la lan kpede. A calnin o lɛŋnde ndalen nin o nila ɲulu nin, vana-vana hin ndɛnin nda kɔltan hiiluu le.

Esai 1:20

Kɛ te la simul-la pɛ mì la siŋnun vanaa nila kalua, mɔɛi cɔwve co niaa cii diw kpede. Ya Mɛlɛka o sondo sɔɔn mun co fulaa ni.»

Esai 54:14

Dɛnɛ sandaa siminin nɔm yili. Mandan ma kpakpala dɛnɛ kɔlvesɛiyo. Siòòŋii bii nɔm le ɲɛ-ɲɛ le, buulan le kɔl yoloma-yolomaa le, o lueinin nɔm nin te.

Esekiɛl 34:28

A ve lɛnin pungapungaa vanaa-mangalaa-isɔɔa tɛɛn te. Visia (biyaa) co o lɛŋnde ndalen nin-nda som ndɛnin nda le, a vanin icali nila ɲulu, vana-vana vueinun ndɛnin nda le.

Esai 58:14

mɛɛ la siinguu Mɛlɛka kɔlkɛndɛ niaa. O kon, i kɔanin a niaa o fondala yesala co o lɛŋnden nden nin-ndan coo. I dɔawnin niaa balo a kɛ́ Yakɔb fuɲa niaa mama-o. Kani Mɛlɛka o sondo sɔɛi he i fula ni.

Esai 40:5

O kon, biilu Mɛlɛka-o fulanin ceen, o telen pilɛ kon, vanndacieea kpow canin ndu. Kani Mɛlɛka o sondo sɔɛi he fula ni.

Esekiɛl 38:11

A diminin aa: ‹I heelu vɔ mì kɔ del lɛŋnde co lekumbiaalen coo, mì del vanaa co icali o ba ndaa coo nila ɲulu o calta ndalan nin-nda coo. Vanaa co kan icali kpow o kobila co lakungaa a kpaki le lan nin-nda, à kobila ndalan la nɔ kan masɔkɔ a lakoŋ te-a pɛɛn.

Esekiɛl 34:25

I yiinin kpema kɔlɲuloo a nda mì faŋa visia yondoa biyaa o lɛŋnden nden nin. O kon saa nia calnin nila ɲulu o lɛŋnde veselɛilen nin, mà va lɔan o bundɛlan nin.

Esai 26:16

Mɛlɛka, a nuwviaa nɔm telen nda va o sangaa nin-ndo, telen n soŋ nda le nda silaa-o, má piɛi nɔm taw-taw.

Tɔŋ lasálàá 26:6

I lueinin kɔlɲuloo o lɛŋnden nin. La hini pɛ, ɲɛ-ɲɛ kpeeŋiaanin niaa le. I ciinin visia biyaa o lɛŋnden nin, a vɛlɛ cɔwvo luei lɛnin o lɛŋnde niaalen nin te.

SƐBƐ YƆB-O 11:19

Tuma n vannunnin pɛngio-o, vana-vana tɔɔndannin le nɔm kpeeŋiaa le. Vannda taw a kindinnin le nɔm hɛnanndo.

Condii lisai 72:3

Pembun bɛndon cuunin vannda kɔlɲuloo, mì pembun pɔmbɔn cuu nda dɛnɛ sandaa.

Esai 17:2

Vannda piawnin kobilan Aroɛr, mì la malnun cɔlua o ba, mì la siŋnun bɛ̀mɛ́lta ndalan. Lon nda vanin hinilan pɛngio ni, vana-vana venin le nda vueinɔnndo le.

Esai 22:25

Mɛlɛka-Nɔ-Kpaayaa-Kpow-vo dimi aa: «Paale len, ciŋɔle tɔlnun o fonda kàlà-kálàá len le sungunnin, mì le yom, mì le del. Volɔɔla lusulaala va ndu coo lan la tambunnin, kani Mɛlɛka soo ni.»

Esai 36:16

La yaŋ Esekia nilan te, kani nuaa masaa Asiri dimi ni aa: «La nuwviaa duaa a kɔlɲuloo ya o ba, la yɔngun ya, o kon o niaa tɛɛn, vana-vana dianin rɛsɛŋun ndɔn a voosun ndɔn tɔnɔ, vana-vana lonin mɛmma soon kólaa ndɔɔ kolɔɔ

Yeremi 30:10

Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»

1Masaa 5:5

Tuma Salomɔn va masaa-o, Yudaa nda Israɛlla kpow a vannun a kɔlɲuloo. Cɔnɔnndo Dan tiiyaa Bɛɛr-Seba, vana-vana va calnɔnndo o rɛsɛŋun ndɔn bɛngu a o voosun ndɔn bɛngu.

Talelan 3:25

A buulannin le dɛnɛ isiòòn voolu vana-o le, a buulannin le vanaa kɔlvesɛiya del vana coo-a le,

Esai 32:17

Vali dɛnɛ sandaa tosanin-ndo vanin kɔlɲuloo ni, kɔmnde dɛnɛ sandaa le vanin vaa o ba coo yili a vannɔnndo nila ɲulu le fɛɛn a fɛɛn ni.

Yeremi 23:4

I handunin nda vanaa mandaa n'cɔlua kpeekpeiya coo. A vueinunnin nda le, a lueinin nda isiòòn te. O kɛ́-kɛ̀ laasian ndɛnin mò lo le.» Sɔɛi fula Mɛlɛka o sondo-e co ken ni.

Misee 5:3

O cannin mò siŋnun simlacinɔ nda a kpaaya Mɛlɛka-o a á biilu diola Mɛlɛka Hala ndɔɔ. Vanaa ndɔa vanin icali nila ɲulu, kani kandɔɔ nihau, o co va biiloo sɔlaa háá o lɛŋnden mɛɛlulan.

Sofoni 3:13

O Israɛlla tɛɛn yɛ, vanaa lonin yoomu-a tosa lɛnin dɛnɛ sandaa lepɛŋ te. A dimi lɛnin lacòò le. Vana tui lɛnin sɔɛi huiyaa vana fula nda o lasondo le. Kɛ a vanin cɔlua ndaa yɔɔ diólan, mì nda pila hinin pɛngio a kɔlɲuloo. Ɲɛ-ɲɛ hiiluu lɛnin nda kɔltan te.»