Misee 4:3 - BII BILA

³ Ndu vanin yamanɔɔ le vanaa súúla bɔɔ-bɔɔ ni, ndu vanin vana kialaa n'yamaa le vanaa-mangalaa-isɔɔa kpaayaa ni, hali a co nɛɛ levil lándan-nda. A cɔawnin dɛndɛlan a mɔɔn ndan cɔwvon, mà cɔw lɛɛnndan a bálta ndalan. Vanaa-mangalaa-isɔaa kɛ́-kɛ̀ a simulan ndɛnin a cɔw le. Vana pɛɛkuu lɛnin cɔw le.

Misee 4:3 Referans Kwoze

Esai 2:4

Ndu kialunin yamɛi vanaa-mangalaa-isɔɔa tɛɛn ni, ndu vanin vana dimi diom mɛɛlaa vanaa súúla celen tɛɛn-ndo ni. A cuanin mɔɔn ndan cɔwvon mà cɔw dɛndɛla vaalan a mun, a cɔawnin vɔlɔtɔlan a bálta ndalan. Kani vanaa-mangalaa-isɔɔ súú-súù a cue lɛnin mɔɛi cɔwve le kɔlan a celen delɔɔ coo a cɔwvo le, vana-vana pɛi lɛnin cɔwvo le.

Osee 2:18

Mɛlɛka dimi aa: «Paale len, o veelunin ya aa: ‹Pɔnɔ nuu›, o veelu lɛnin ya aa: ‹Vana ni bɛndoo› le.

Dɛnnda kiilaa 17:31

Kani o cii paalen kiolɔɔ, paale o kialunin vannda kpow iyama o sandei nin-nden, vana o hɛli-o tosanin kon ni. O cɔm vannda kpow tɔɔmasele kon a tindi o tindi ndu fulaa vanvílɛ́iya tɛɛn-ndo.»

Esai 65:25

Tun yondoo a saa téndóó a dianin o fonda pilɔɔ, yàlàá dianin billo maa naw. Kɛwvo ndu ndu, cundoo vanin ɲɛdiaa ndɔɔ ni. Dɛnɛ vɔɔndo a dɛnɛ kɔlvesɛi tosan ndɛnin o pembii diandɛi coo le». Mɛlɛka soo lende ni.

Condii lisai 98:9

Mɛlɛka o hɔl! Kani o co hunɔɔ lɛŋnden iyama kiolɔɔ. O kialunin nden iyama o sandei nin, mò kelu vannda iyama a toɲaa.

Condii lisai 96:13

Mɛlɛka o hɔl! Kani o co hunɔɔ, o co hunɔɔ le lɛŋnden yamɛi kiolɔɔ. O kialunin lɛŋnden iyama o sandei nin, mò kelu vannda iyama mɛɛ toɲa ndɔɔ co yɛ.

Dɛnnda cɔɔmuanndan 19:11

O kon mí ca halataalaa o kumbianndo, mí so humboo fula. Vana va lecoo-o diolan aa Vana toɲaa a Vana lo o lediom coo-o, o co yamɛi kiolɔɔ o sandei nin, mo va cɔlɔbaa.

Sakari 14:3

O kon, Mɛlɛka fulanin ceen, mò cɔlɔba vanaa-mangalaa-isɔaa kan, mɛɛ o cɔlɔba o paale cɔwlen coo yɛ.

Sakari 9:10

O ciinin ɲɛla ɲaanannda soa nan-ndan o tàndá cuavaa-imamaa Efraim-nda nin o ciinin soa cɔwva Yerusalɛm, o yiminin kpaasiaala cɔwlan kpow. O yɔngunin vanaa-mangalaa-isɔɔa kpow kɔlɲuloo. Masale ndɔlen le kandunnin o mɛmma hɛlii bɛnduan, mì le kɔ tiiya háá o mɛmma ihɛllan mediteranee. Masale ndɔlen le cannin o pee bɛndoo Efrate, mì le kɔ tiiya háá nɛɛ lɛŋnden le mɛɛlu-a.»

Yɔɛl 3:2

Hali cɛa piaandua a à laandua coo, i tuisinin Kɔl nuu o palɛi ken nin.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Esai 60:12

Kani te vanaa-mangalaa-isɔɔa a masalen a hun kɛɛ pɛ le nɔm baalaa tosallo, a tɛɛmbunnin nda mà ɲum mundu.

Esai 51:5

Dɛnɛ sandaa nuu co nin kpɛɛlun, cinda nuu co fula ceen, bala nilan la kialunin yamɛi vannda súúlan kpow, lɛŋii co o mɛnndan tɛɛn-nde kɛsinin kɔllo ya coo, i luɛinin ya o ba bɛngu.

Esai 25:3

Lelan vanaa-mangalaa-isɔaa kpaayaa co nɔm biiloo ni, kobila kpaayala vanaa súúla celeŋaa nɔ iɲíí le-a nɔ siòòŋii nɔmnde.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Condii lisai 82:8

Éé Hala, cɔn ma kelu lɛŋnden iyama, kani vanaa-mangalaa-isɔɔa kpow, kɛ́ nɔmndo nda co ni.›»

Condii lisai 72:7

O palɛi ndɔɛi bɛngu, dɛnɛ sandaa puinin. Te paangei co vɔ pɛ, kɔlɲuloo kuinin.

Condii lisai 46:9

La hun mì la tofa dɛnnda Mɛlɛka tosa lan, dɛnɛ tambɛi o tuisi o lɛŋnden coo-o pɛɛn.

1Samiɛl 2:10

Mɛlɛka co a hiilɛi o halataala le yaamɔaa ndɔa tɛɛmbuuo, kani ndu co yamɛi lɛŋnden kpede kiolɔɔ ni. Ndu lueì masa vanaa ndɔa yoomuan ni, mò cɔɔlu vana o hɛli-o masalen.»

Condii lisai 72:3

Pembun bɛndon cuunin vannda kɔlɲuloo, mì pembun pɔmbɔn cuu nda dɛnɛ sandaa.

Sakari 8:20

Ya Mɛlɛka-Nɔ-Kpaayaa-Kpow-vo dimi ni aa: Vanaa súúla celennda a vanaa co icali o kobilan taw nin-nda hunnin vɛlɛ.

Condii lisai 46:10

Ndu cii cɔwlan ni háá o lɛŋnden mɛɛlulan, mò tɛɛmbuu kpaasiaa, mò yimiyimi kɔɔn, mò lom ɲɛla ɲaanannda soa nan-ndan.

Osee 2:20

Paalelen, i yiinin kpemaa le vanaa nia. I yiinin ndu a visia yondoa a á yowva coocoo, mì yii ndu vɛlɛ a visia pɔm-pɔmbɔa kela lɛŋ-nda. I yiminin kpaasiaalan, mɔɔn cɔwvon, a ɲɛm cɔwvon kpow, mì ke vanaa nia pɛngio, mà vannun nila ɲulu.