Misee 4:13 - BII BILA

¹³ La cɔn, niaa vanaa co Siɔn-nda! La cɔn mì la lɔɔ maalon. I siinguunin niaa maa leela icilin, mì kindi bɛngula niaalan maa buukula idaɲa. La vɔɔciaanin vanaa súúla bɔɔ-bɔɔ. O kon, la handu tanaa o ɲɛ-sɔlaa ndaa coo le Mɛlɛka, la ke Maalii, o co lɛŋnden kpow bollen-ndo bolofaa ndaa.

Misee 4:13 Referans Kwoze

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Esai 23:18

Kɛ sala ndɔ kon a ɲɛ-sɔlaa ndɔ nɔɔlɛi kon solinnin sálàà le Mɛlɛka. Vana cuungiaanin ɲɛm mun te, vana mandanin mun te. Kɛ ɲɛm mun vanin baloo le vanaa co vallo tosaa Mɛlɛka o hɔl-la ni, haliko ma de ma pim ca. Ɲɛm mun koni vanin vɛlɛ ɲɛ cuɛinan kɛndɔɔ le nda ni.

Esai 18:7

O telen kon nin, vanaa-mangalaa-isɔɔa nɔ kan dialun kalan a yoomuan-nda cuunin Mɛlɛka-Nɔ-Kpaayaa-Kpow-vo keo, vanaa co kan kpúlúnkùmaa kandɔɔ háá hau-va, vanaa-mangalaa-isɔɔa nɔ kan kɔɔle ningilɛilen-nda, a co kan vannda bɛpɛlaa-a, a lɛŋnde ndalen le co lekilikilialen a peelan-nden pɛɛn. A hunnin a ɲɛm-kéan mun nɛɛ diola Mɛlɛka lan la co piɔlnɔnndo-a, Hala-Nɔ-Kpaayaa-Kpow-vo pɛɛn, o pembei Siɔn coo.›»

1Korɛntea 16:2

O niaa tɛɛn, vana-vana kɛsi ɲɛ pum landɔ o ndu lo cɛinin mɛɛ o tiw ba yɛ le hunɔɔ a ndu o paale tasele co o lɔ́ɔ́ o lɔ́ɔ́ bɛngu len, haliko la cum telen ya kɔanin-ndo le ɲɛm mun cuungiaa le.

Sakari 6:5

Mí mɛlɛkanɔ kon mulul-la aa: ‹Hoiyun sala hiɔɔlun fula o halataala-on co mun ni. N co fulaa nɛɛ n va isisi Maalii lelɛŋ kpow-vo laci-a.›

Sakari 4:14

Mó dimul-la aa: ‹Vanaa ŋiɔŋaa sɔla pɔla diandaa ma va isisi Maalii nɔ lɛŋnden kpow-vo o hɔl le ndu baalaa tosallo-a ni.›»

Yeremi 51:33

Diom Mɛlɛka-Nɔ-Kpaayaa-Kpow-vo dimi-o co hoo ni, Hala Israɛlla aa: «Babilɔn taanin, a yɔkpia ndu maa kpele lɔaa-n'mal nda toosiaa le maalon lɔɔ-o. O lo cɔɔlu cobe, mì telen ndɔ koavaa tiiya.»

Condii lisai 68:29

Òó Hala! Tosa mɛɛ kpaaya nɔmndo co yɛ. Cɔm naa kpaaya nɔmndo mɛɛ n tosa paandu yɛ.

Yosue 6:19

Volion, sianion, ɲɛm toosian a daɲan-ndon a n toosian a cilinndon-ndon kpow n siŋnunnin teengen le Mɛlɛka, mun luɛinin o bolofaa Mɛlɛka-o nin.»

Esai 5:28

Kɔɔn ndan n co n'siɛɛmbiaa siembu-siembu, kpaasiaala ndalan la co lamiingaa kpow, vana ca ko buukula soa ndaa aa powtan ni, vana ca ko bɛngula ɲɛla ɲaanannda ndala soa nan-nda hiŋnɔnndo aa felenfelenndo ni.

Condii lisai 72:10

Masaa co Tarsis-a a masaa co o lɛŋii co o mɛmma ihɛllan tɛɛn-nde coo-a a vanin ndu ɲɔɔn cuuo. Masaa Saba a masaa Seba a yoonin ndu ɲɛm-kéan cuuo.

Tɔŋ miingua 33:25

Màá sɔkɔma niaan ma va a cilinndon a á daɲan! Màá yoomuan ma lo niaa o n'dial háá piɔ́m niaa!»

Esai 21:10

Éé niaa, niaa co yungu nuu-a, a lɔɔ niaa mɛɛ vana lɔaa maalon o kpele lɔaa n'mallo coo yɛ! Ɲɛ ya tuei Mɛlɛka-Nɔ-Kpaayaa-Kpow-vo o sondo-o, o co Hala Israɛlla-o, ndu ya tɛɛngul niaa nuaa ni!

Yeremi 51:20

Mí Mɛlɛka dimul Babilɔn aa: «Maa kundua n co le ya ni, ɲɛ cɔwvo lekɛ́ndɛi. A nɔm ya pesipesi vanaa-mangalaa-isɔɔa ni, mí tɛɛmbuu masɛi.

Osee 10:11

Maa naw téndé sɔla manda kɛndɔɔ-o, óò yeema maalon nɛiyo-o polale Efraim-nden le va ni. Mɛɛ ya ce kɛsii ndɛi kɛndɛi, mi vow nda yɔm lebollo o labolo le baalaa, mì polale Yuda len le vàá, mì cuavaa-imamaa Yakɔb-a koŋ ɲɛ vàà kon.

Habakuk 3:12

Nɔm Mɛlɛka, a co lɛŋnden balɔɔ a hiilɛi, a co vanaa-mangalaa-isɔɔa pesio a labɛngu a kɔltuwvo.

Condii lisai 24:1

Condii David-e. Mɛlɛka nɔ lɛŋnden a ɲɛm co lecoo-on ni, ndu koni nɔ vɛlɛ ceendo a ɲɛ-ɲɛ co lecoo ni.

Misee 5:7

Cuavaa tɔ̀a Yakɔb-a vanin vanaa súúla celeŋaa sɛ́lɛ́ bɛndua tɛɛn mɛɛ yàlàá va visia yondoa tɛɛn nuaa yɛ, mɛɛ yàlà téndóó va kunda cɔlua letùúa tɛɛn nuaa yɛ. Nɛɛ-nɛɛ o kei pɛ, o kpuva, o sɛɛsiaa, vana co mo hɛlu ndu ɲɛ o ba le.

Sakari 12:3

Paale len, i siinguunin Yerusalɛm maa pow lusulaa le vanaa-mangalaa-isɔɔa súúlan kpow. Vanaa cuanin ndu-a kpow boolunnin taw. Vanaa-mangalaa-isɔɔa kpow a cuungiannin le ndu cɔlɔbaa.

Sakari 12:6

Paale len, i siinguunin vanaa co bolii lapangɛi Yuda-a maa yinndacieele yinnde bɛndoo o yɔmnde tɛɛn, te kon te maa tɛngɛ biyaa o tumbula n'maltan tɛɛn. A diwnin vanaa-mangalaa-isɔaa balu nda o ba kɛndɔɔ a o ba mɛllo coo-a kpow. O kon Yerusalɛm lonin o fonda ndɔɔ Yerusalɛm.