Misee 4:11 - BII BILA

¹¹ Nihau, vanaa-mangalaa-isɔaa bɔɔ-bɔɔ a yiinan le niaa hinullo. À co dimio aa: ‹Màá kobi ndaa tambu labɛɛ! N tofan tambii Siɔn-nde kpendekele.›

Misee 4:11 Referans Kwoze

Abdia 1:12

Niaa Edɔmnda, niáà bɛnda mí niáà naŋ kɔl le puapilɛa niaa, Yudaa, tofaa o tuma dɛnɛ palaa kon nin te. Niáà bɛnda bɛɛ mí niáà naŋ kɔl tuma nda va kon piɔllo-o le. Niáà bɛnda mi niáà dimi diomnda vɔɔnndan a nda tuma nda va kon o mɔnɛi nin-ndo le.

Misee 7:10

Yaamɔɔ nuu canin ken, mì siɛmbulan la bii ndu mɔ́ɔ̀yɔ̀ɔ̀. Ndu yaamɔɔ kon va ya dimullo ni aa: ‹Kuɛɛ nɛ Mɛlɛka Hala nɔmndo co yɛ?› Yaamɔɔ nuu nɛwnunnin a labɛngu maa looli co o nɛilan coo-o, mì ce ken a lehɔl kpendekele.

Yeremi 52:4

Vɔsi Sedekia suili vɔsilan laŋɔmahiɔɔlu o masalen-ndo, paangii tɔ́ndɔɛi va malɔ tɔ́, mì Nebukanɛsar cua vanaa ndɔa cɔwva kpow, mó hinul Yerusalɛm. Mí vanaa ndɔa cɔwva kila dɔ́ɔ́ngɔ́ ndaa Yerusalɛm ciee-lekɔɔ, má tiila kobio, má yaŋ yaŋɔɔ cɔwvo o kobi kalaa balɔɔ sɔ́.

Condii lisai 129:5

Màá vanaa nɔ nɛyɔnndo a Siɔn-nda kpow mulin, mà muungu a siɛmbulan!

Esai 10:7

Kɛ o co lende le ndu masaa Asiri ce dɛnɛ kon te. O co lende le yiyan co ndu o kɔl-lo co le few, yiyan co ndu o kɔl-lo daama co le tɛɛmbuuo, a le vanaa-mangalaa-isɔɔa taw-taw diwvo ni.

Esai 17:12

Má cè dɛnɛ palaa dɛ! Sɛ́lɛ́ bɛndu cuu cɔm too co vɔngaa! A co vɔngaa sɔkɔsɔkɔ mɛɛ mɛmma ihɛllan ma kuŋ nuaa yɛ! Vanaa-mangalaa-isɔɔa co bɔɔluuo vɔkɔ-vɔkɔ! A co bɔɔluuo mɛɛ mɛmma co hiovɔɔ a yoomuan-ndan ma kuŋ nuaa yɛ! Vanaa-mangalaa-isɔɔa co bɔɔluuo vɔkɔ-vɔkɔ! A co bɔɔluuo mɛɛ mɛmma co hiovɔɔ a yoomuan-ndan ma kuŋ nuaa yɛ.

Esai 29:7

Mɛɛ lɔma sɔlaan ma co nuaa yɛ, mɛɛ vundule yilɛnnden le tosan icɔl nuaa yɛ, lende koni ɲɔɔ tosalannin sɛ́lɛ́ bɛndu vanaa-mangalaa-isɔaa vanin cɔwvo tosaa a kobio Ariɛl-la ni, lende koni ɲɔɔ tosalannin vanaa cɔvaa co lenin-nda ni, lende kungala-saasaala nda baŋ le ndu delɔɔ coo a cɔwvo lan la vanin ni, lende vanaa tiila ndu-a vanin ni.

Esekiɛl 26:3

Lelan nuaa Maalii, o co Mɛlɛka-o dimi ni aa: ‹Nɔm kobio Tir, má cè ya nɔm kuello. I yaanin vannda sɛ́lɛ́ bɛndoo taw mà kɔ del nɔm coo mɛɛ mɛmma ihɛllan ma biiŋun a kpaayaa nuaa yɛ.

Condii lisai 83:5

A co dimio aa: «N kɔnnun, n kɔ ciinun vanaa-mangalaa-isɔɔa ha, o kon, vana loonun ndɛnin a diola Israɛlla o kɔɔ le.»

Esekiɛl 38:17

Nuaa maalii, o co Mɛlɛka-o dimi ni aa: ‹Mò va maa a nɔm o kɔɔ yáà soo sindɛ a sondola vanaa nia baalaa, vanaa-tɛɛngaa-diom Mɛlɛka-a Israɛl ni? Vanaa kan tɛɛnguunin diom Hala kon lɔ́ɔ́ levil, o co nin vɔsilan taw-taw, má dimi maa i yaanin nɔm le kɔlan vanaa nia delɔɔ coo.

Sakari 12:3

Paale len, i siinguunin Yerusalɛm maa pow lusulaa le vanaa-mangalaa-isɔɔa súúlan kpow. Vanaa cuanin ndu-a kpow boolunnin taw. Vanaa-mangalaa-isɔɔa kpow a cuungiannin le ndu cɔlɔbaa.