Misee 4:10 - BII BILA

¹⁰ La somisomin a ɲɛ nɛyaa, mì la ŋɔnga maa vanalanɔ nda sɔɔnguu lekɔɔ le volɔɔ. Kani la bɛnda mi la mal kobio sisa, mì la kɔ kila calta niaalan yondoo nin, mì la kɔɛ bɛɛ háá Babilɔn. Lon niaa co lakɔ baŋaa sɔla ni, lon Mɛlɛka hialunin niaa yaamɔaa niaa o ba ni.

Misee 4:10 Referans Kwoze

Esai 48:20

Lelan la faŋan Babilɔn mì la kɔɛnnun! La ɲaanun mì la faŋan Kaldea tɛɛn! La yonda sɔɛi he a kɔlkɛndɔɔ, la sɛŋi yoongoo ho! La cɔm vannda a ndi o kɔɔ háá nɛɛ lɛŋnden le mɛɛlu-a, la dimi aa Mɛlɛka baŋa cuavaa vana ndɔ baala Yakɔb-a!

Osee 13:13

Sangaa toalnin nda coo mɛɛ dembe vialaa nɛi vanalanɔɔ nuaa yɛ. O co cɛlɛkpɛa nɔ kɔlkalu le nda co le. Telenndo tiiya bɛɛ le violɔɔ kala nda-o, a cɛl le keleŋaa fulaa ndu o dembe le.

Osee 2:14

I tɛɛmbuunin nakɔla n'rɛsɛnnda ndɔlan a nakɔla n'voosula ndɔla o va dimio aa: ‹Sámáá nia ke ya lan ni› lan. I co lan siinguu bundɔɔ mì visia yondoa de lan.

Esai 45:13

Ya pila cua Siris o sandii nii nin ni. I peelunin nɛila ndɔlan kpede. O minginin kobi nuu tangul, mò ke vanaa niaa co o cɛlen nin-nda hɔ́ɔ́yɛi. O venin a bɔnɔ le, o venin vɛlɛ a ɲɛ-sɔlaa le.» Mɛlɛka-Nɔ-Kpaayaa-Kpow-vo soo lende ni.

Esai 43:14

Nuaa Mɛlɛka, vana niaa baŋaa, o co O-Diandaa Israɛlla-o dimi ni aa: «Le niaa ya vem vanaa cɔwva, le kɔlan Babilɔn delɔɔ coo a cɔwvo nuaa ni, I tuisi vanaa va ɲaanɔnndo-a kpow, a toɲa, i tuisi Kaldea va heelɔnndo o dɛ̀ndɛ̀la mamɛnndan nin-nda.

2Masaa 20:18

‹A biinin vɛlɛ poaa nɔmaa n velu-a, a n solin o ipulu kɛsɛ-kɛsɛ-a, mà tɛɛndiaa nda bosilan le nda kɛsio cumullo o cɛi lemasaa nin Babilɔn.›»

Dɛnnda cɔɔmuanndan 12:14

Kɛ mí kumbannda kovɛ bɛndoo tan tiɔn la kennun vanalanɔ kon, haliko mo cɛn coocoo, mo kɔɛ o lɛŋnde veselɛilen nin, o fonda toosian le ndu-o. O kon mò kɔ va baloo sɔlaa lon o vɔsilan tan yáá a tala bɛngu, mò kɔ va tambálakáà levil polon.

Yeremi 15:21

I baŋanin nɔm vanaa vɔɔnda o ba, mì ciindiaa nɔm vanaa diyaa o ba.»

Condii lisai 106:10

Mó ciindiaa nda vanáà nɔ nɛyɔnndo a nda-a o ba, mó baŋa nda yaamɔɔa o ba.

2Dɛnnda lemasalan 36:20

Mí Nebukanɛsar bii vanaa lo yoomu-a, mó kɔannun a nda Babilɔn. Mó kɔ siinguu nda cɛa ndɔa a cɛa poaa ndɔa, má lo o cɛle len nin háá telen masalen Pɛrse le sɔla yoomuan-ndo.

2Dɛnnda lemasalan 33:11

O kon, mí Mɛlɛka viam simlacia vanaa cɔvaa masaa Asiri-a, má del nda coo a cɔwvo, má bii Manase. Má vow ndu ciliŋun tundanndon, má yii ndu a yɔlɔn n'daɲan, má kɔa a ndu Babilɔn.

2Masaa 25:4

mí Babilɔnnda buli soondo o kpaki kobio. A balɔɔ Babilɔnnda ndáà balu kon kobio sɔ́-o kpow, ɲumndan tolɔɔ, mí vanaa cɔwva Yuda kpow a ɲaanun. Má kei o nɛi va o dio va o kpakila tiɔnndan tɛɛn-ndo-o, o nakɔ masaa ikɛi. Mí masaa Sedekia ndu kei a nɛi óò kɔɛ a ba bóllo Yurdɛn-ndo, mí ndu bɛɛ ɲaanun.

Yeremi 29:20

Kɛ niaa niaa, la tuei sɔɛi Mɛlɛka-e, niaa kɛ́-kɛ̀ ya fula Yerusalɛm mì la va Babilɔn nanu o biyɔɔ nin.

Yeremi 48:41

Kobilan la biinun, kpakilan la del yaamɔɔa o ba. O kon mì vanaa cɔvaa hiow cɔwvo caa-a va sangaa mɛɛ vanalanɔɔ sanga o violɔɔ nuaa yɛ.

Yeremi 52:27

Mí ndu diw nda Ribla lon, o lɛŋnde Hamat len nin. Nuaa nda kɔɛ a Yudaa levil polon ni, má faŋan lɛŋnde ndalen.

Misee 5:3

O cannin mò siŋnun simlacinɔ nda a kpaaya Mɛlɛka-o a á biilu diola Mɛlɛka Hala ndɔɔ. Vanaa ndɔa vanin icali nila ɲulu, kani kandɔɔ nihau, o co va biiloo sɔlaa háá o lɛŋnden mɛɛlulan.

2Dɛnnda lemasalan 36:23

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin. Lelan, vanaa co vanaa ndɔa o niaa tɛɛn-nda, a hèèlú Yerusalɛm. Màá Mɛlɛka Hala ndaa va nda ikɛi!›»

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

Yeremi 13:4

«Cɔn a yáwle n pendu mì le co nɔm o caŋ-nden, mà kɔɛ o peo Efrate, mà kɔ vion nden o tɛɛngii pow bandiláà nin.»

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.