Misee 4:1 - BII BILA

¹ «Palɛi pum co hunɔɔ tiiya, mì pembii Cɛi-Mɛlɛka-o co coo-e i hiow pembun bɛndon bandei, mì i hiow pembun pɔmbɔn kpow helɔɔ. Lon vannda súúlan kpow a vanin kɔlan ifili-filiei ni.

Misee 4:1 Referans Kwoze

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Condii lisai 22:27

Vanaa bala fondoa dianin mà pim, vanaa co Mɛlɛka nuwviaa-a sangalanin ndu. Màá la viow yoomu!

Sakari 8:3

Le hee, Ya Mɛlɛka soaa nuaa ni, I co muungoo Yerusalɛm, i co hunɔɔ vɛlɛ calle o kobio Siɔn nin. Yerusalɛm sɔlanin diolan aa Kobi lo o lediom coo-o. Pembii Mɛlɛka-Nɔ-Kpaayaa-Kpow-vo i veelunnin aa Pembii Diandɛi.

Condii lisai 86:9

Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

Dɛnnda kiilaa 2:17

‹Hala dimi aa: O palɛi mɛɛlɛi, i saŋnin Kɔl nuu vanndacieea kpow coo. Poaa niaa a cuavaa niaa laandua siŋnunnin vanaa-tɛɛngaa-diom Hala-a. Langbaa felengia niaa canin vunduan, bɛndua yuuvɛiya sɔlnin lɔan.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Esekiɛl 43:12

Tɔŋ Cɛi-Hala co kon o pembei tullo-o co hoo ni: lɛŋnde balu cɛi kon-nden kpow ledianda-diandaa le co ni. A toɲa, tɔŋ cɛi kon co kon ni.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Esai 54:2

«Cɔɔlu fonda cɛi-kola-toandaa nɔmndo kuundiaa, mà tondu kolala n'vìì fondala nɔmnda calaalan-ndan. Toandu lan a siòòŋii bɔnɔ le! Bɛndi yoei nɔmnde mà baŋ pikin nɔmndon kpáŋ!

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.

Daniɛl 7:27

Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Daniɛl 7:18

Kɛ vanaa diandaa Ó-Hiow-Ɲɔɔn-Kpow-vo-a sɔlanin masalen, mì le va le nda le fɛɛn a fɛɛn.›

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Daniɛl 2:35

O kon, mí cilinnde, puulu loamaa, daɲan, volin humbon a sianion cuinun kpow o lepilɔɔ, mí n siŋnun mɛɛ foeende va o kpele lɔaa n'mallo coo a vɔɔlen nuaa yɛ. Mí hoeiye kɔandu mun selemenden, hali foofoo lo le. Mí pow soŋ kon piɔmndo-o siŋnun pembii bɛnduei, mí i pia lɛŋnden ca.

Daniɛl 2:28

Kɛ Hala pilɛ co o halataala, o cɔɔmuu sɔɔn kɔndɔfillon-ndo. Ndu cɔmnin nɔm masaa Nebukanɛsar ɲɛ yɔŋnunnin siɔdii laci-o ni. Lɔma n sɔl-lan a vunduma n ce o kpele nɔmndo coo-an ma yɔŋnun man ni:

Esekiɛl 40:2

O vunduma ya va cɔu-van nin, mí cannun mí Mɛlɛka kɔa a ya o lɛŋnde Israɛl-ten nin, mó kɔ kɛsi ya o pembii vilɛi-vilɛiye coo, mí ca tangultan lapum a ba too lon maa cɛila vaa o kobi nin.

Esekiɛl 38:16

A heelunin mà kuel, vanaa nia, Israɛlla maa yumbuyumbu co kɔlan lɛŋnden kumbɔɔ mɔku-mɔku-o. O telenndan mɛɛlulan ken tosannin ni. I yaanin nɔm le kɔlan lɛŋnde nilen delɔɔ coo, haliko mi vanaa-mangalaa-isɔɔa sina ya, lɔ́ɔ́ ya cɔmnin nda diondɔɔ nuu a nɔm o kɔɔ-o, nɔm Kɔk pɛɛn!›

Yeremi 48:47

Kɛ paale vanin mì mingi Moab maa paandu.» Sɔɛi Mɛlɛka dimi a Moabua o kɔɔ-e co ken ni.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Esai 43:6

I dimulnin lɛŋnde luaŋ-nden aa: «Mingi nda o nda lo!» I dimulnin vɛlɛ lɛŋnde too len aa: «Kungulan nda coo le!» Faŋa poaa niaa nɛɛ nda co o lɛŋnde nin kɔɔli-kɔɔli-a mà mingi nda o nda lo. Faŋa cuavaa niaa laandua lɛŋnde mɛɛlu ma mingi nda nanu,

Esai 27:13

Paale len a hɔŋnin bulu bɛndoo, o kon, vanaa va ɲawvo o lɛŋnde Asiri len nin-nda a vanaa va o ɲaanɔnndo nin o lɛŋnde Esipte len nin-nda hunnin, mà hun baŋ vulan Mɛlɛka o labɛngunin o pembii diandɛi coo, Yerusalɛm ciee.

Condii lisai 110:3

Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

O Kandɔɔ 49:1

Mí Yakɔb veelu poaa ndɔa, mó dimul nda aa: «La cuungian nɛɛ pilɛ mì cɔm niaa ɲɛ yɔŋnunnin niaa siɔdii laci-o.

2Piɛr 3:3

Ɲɛ tasoo, la sínà maa o palɛi mɛɛlɛi, vanaa mam vannda-a kuinin taw, mà mam niaa. A vanin kelaa o yeemɛi ndɛi nda pila-e coo,

Daniɛl 10:14

I hin nihau le nɔm ɲɛ hun yɔŋnunin yungu nɔmndo o siɔdii lacio nin-ndo dimullo, kani vundulen le co vɛlɛ le telen kon.›

Daniɛl 7:22

háá telen Bɛndu Yuu Masindɛ-Sindɔɔ hin le yamɛi kiolɔɔ-o, mó ke vanaa diandaa Ó-Hiow-Ɲɔɔn-Kpow-vo-a di. Mɛɛ telenndo tiiya, mí vanaa diandaa sɔla masalen.

Condii lisai 48:1

Condei. Condii poaa Kore-a.

Esai 56:7

I kɔanin a nda o pembii nii diandɛi coo, I nɛŋinin nda kɔltan o cɛi ni lepiɛiyo nin, mì cɛl sálàla loamaala ndala nda solinin o fonda ni solia lasálàá coo lan. Kani Cɛi nuu veelunnin aa Cɛi lepiɛiyo le vannda súúlan kpow.

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Sakari 14:10

Tàndá balu Yerusalɛm-ndo kpow siŋnunnin dɛɛlaa vesɛiyo, cɔnɔnndo Keba háá tiiyaa Rimɔn, Yerusalɛm a ba too. Yerusalɛm sɔlanin heeloo mo lo o fonda ndɔɔ. Kandɔɔ a dio Bɛnyamɛn-ndo háá o fonda dio tasoo, kɔlan háá o dio lasɔngio, keiyo a cɛi coocoo Hananeɛl-lo, kɔlan háá o doolala nda vayia mɔiyan le masaa-a.