Misee 3:9 - BII BILA

⁹ «Niaa sei! La yaŋnun sɔɛi he, niaa simlacia co cuavaa Yakɔb-a coo-a. Niaa simlacia cuavaa Israɛlla, niaa nɔ nɛyɔn dɛnɛ sandaa mí la va sandei tundɔɔ-a pɛɛn.

Misee 3:9 Referans Kwoze

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Talelan 17:15

Vana ke vana kɔlvesɛiyo dí-o nda vana yaala vana tɛɛmbuu isɔɔ loo-o, nda ŋiɔn kpow a nɛinun bɔɔ Mɛlɛka.

Tɔŋ miingua 27:19

Màá dangaa va vana kilul miallo, vííyo a vanalanɔ pɔnɔ ndɔ vi-o yamɛi lakafɛi-yo coo! Vannda kpow a cɛlnin aa: ‹Amiina!›

Misee 3:1

O kon mí dimi aa: «La yaŋ nilan, niaa simlacia cuavaa Yakɔb-a, niaa simlacia Israɛlla. Vɛ̀ɛ̀ o co niaa le óò bɛnda mí niáà sina dɛnɛ sandaa tosaa le?

Osee 5:1

«Niaa vanaa-solia-lasálàá, la yaŋ nilan o sɔɛi he. Niaa simlacia Israɛlla, la tuei-yɔ. Niaa co o cɛi lemasaa nin-nda bɛɛ, la yaŋnun-ndɔ. Niáà bɛnda le vannda pɛɛkoo le dɛnɛ sandaa tosaa ni. Kɛ mí la yɔŋnun yaŋɔɔlen le yungu ni co Mispa-o, mí la yɔŋnun yala toandaa o pembei Tabɔr coo.

Yeremi 5:28

A luɛi cuɛiyan, má celul celoo pila. À nɔ lapɛɛngu o dɛnɛ vɔɔndo tosaa nin te. À kilu yaman sandaa le. À suu le vííya dí ndaa yɔngu le, te ndáà soaa pɛ le nda, vííya va dí ndaa sɔla. À cue sɔɛi vanaa bala fondoa balan latiɔn te.›

Tɔŋ lasálàá 26:15

te la kɛɛ pɛ silala nilan, mì la pɛɛsa nɛila nilan, te kela o tɔŋndan nilan kpow coo le, te la tɛɛmbuu pɛ kpema nuu,

Fulaa 3:16

Lelan, kɔ ma kɔ cuungiaa kaasoŋaa kɔlkalua o Israɛlla tɛɛn, mà dimul nda aa Mɛlɛka, Hala fuɲaa niaa mamaa Abraham, Isaak a Yakɔb cɔmnun ya, mó dimul-la aa: ‹I mɛɛndan niaa, mí ca mɔnɛi nda co niaa lueiyo o lɛŋnde Esipte len nin-nde.›

Talelan 18:5

Dɛnɛ vɔɔndo o co le vana kɔlvesɛiyo simndan kɔɔli o kɔɔsɔɔ nin ni, mì vana tuŋ vana tɛɛmbuu isɔɔ loo dí ndɔɔ.

Talelan 21:7

Kɔlvesɛi vanaa kɔlvesɛiya dɔw nda yɛɛvɛ, kani a cɛl le dɛnɛ sandaa tosaa le.

Esekiɛl 44:23

Vanaa-solia-lasálàà kan pɛɛkunin vanaa nia le yɛ́-yɛ́ɔ sinaa ɲɛ dindin le vali Mɛlɛka-o a ɲɛ co le vali Mɛlɛka loo tɛɛn, a cɔmnin nda hiyanndo ɲɛ dindu loo a ɲɛ dendu-o tɛɛn.

Misee 1:1

Sɔɔn Mɛlɛka dimul Misee fula Moresɛt-o-on co mun ni. O palɛi Yotam, Ahas a Esekia a va masalen tosaa Yuda-o o dimul ndu mun ni. A Samari a á Yerusalɛm o kɔɔ o ce vundule len ni.

Nehemi 13:17

Mí soaa a vanaa bɛndua Yuda, mí ɲuna nda aa: ‹Vɛ̀ɛ̀ la co pá dɛnɛ vɔɔn niaa co hoo tosaa-o bilaa biyɔɔ? La co paale pɛngiaalen lebɛɛ ke mɛɛ o bɛnda yɛ le.

Talelan 17:23

Ɲɛm kean sɔɔsɔɔ-on hɛnan vanaa kɔlvesɛiya biyɔɔ ni, le dɛnɛ sandaa faŋaa o fonda ndɔɔ.

Amɔs 5:7

A co lólòó vowvo o yaman kiolɔɔ nin, a co dɛnɛ sandaa nɛwvo lɛŋ.