Misee 3:8 - BII BILA

⁸ Kɛ ya ya, i co o piaa cá a yoomuan, yoomuma fula Kɔl Hala-o o ba-an. I nɔ dío a yoomuan le cuavaa Yakɔb dɛnɛ vɔɔn ndaa cɔmndo, a le Israɛlla haki ndaa cɔɔmullo.»

Misee 3:8 Referans Kwoze

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

1Korɛntea 2:4

Sɔɛi nii a pɛɛku nuu ve fula o kɔlkalu ivanacieeya nin a o sɔɔn bii vana kɔllo-on nin te. Kɛ kpaaya Hala Kɔl-Diandaa tosa ni mí kon yɔŋnun,

Esekiɛl 43:10

Lelan, nɔm Po vanacieo, tɛɛsial cuavaa Israɛlla mɛɛ Cɛi-Hala-o ho co yɛ, haliko mi siɛmbulan la bii nda le hakila ndalan, ma tuu mɛɛ cɛiyo ho tangulun yɛ.

Esekiɛl 16:2

«Po vanacieo sei, cɔm kobio Yerusalɛm dɛnnda ndɔla nɔɔlɛilan.

SƐBƐ YƆB-O 32:18

Kani i nɔ yiyanndan taw, kɔl nuu co ya suukoo le ɲɛ ya nɔ o kɔl-lo dimio.

Matie 7:29

Kani kpaaya bɛndoo pila va o pɛɛku ndɔɔ nin ni, o ve maa pɛɛkula vanaa ndaa pɛɛkaa latɔŋnda le.

Esekiɛl 22:2

«Nɔm Po vanacieo sei, a kialunin pá yamɛi? A kialunin pá yamɛi kobi diuvaa n'vanndo ho? Cɔm ndu dɛnnda ndɔla nɔɔlɛilan kpow!

Esekiɛl 20:4

Nɔm Po vanacieo, a kialunin pá yamɛi ndɛi, a kialunin ndi? Cɔm nda dɛnnda nɔɔlɛila fuɲaa ndaa tosa lan.

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

Yeremi 20:9

Te i dimi pɛ aa: ‹I pel-lɛnin ndu ladio le, i suu lɛnin o diola ndɔlan te›, ɲɔɔ lom ya o kɔllo nin maa leyin. Mì kindin le biuvɔnndo, kɛ i tiwba le.

Yeremi 1:18

I kɛsi nɔm hau lɛŋnden nden kpow coo maa kobi kpaaya bɛndu, maa sungbule icilin, maa kpaki n'daɲa masaa Yuda kpow coo, simlacia ndɔa kpow, vanaa-solia-lasálàà ndɔa a vanaa co o lɛŋnden nin-nda coo.

Yeremi 6:11

I co o piaa cá a kɔltuw Mɛlɛka-o, i nɔla ndu mandanndo o kɔl te. «Cuiŋi ndu cuaambɔa co o nɛilan coo-a coo, a kundala cuaa felengia coo. Kani a kɔanin a nda kpow o biyɔɔ nin: caa piaandua a vanlaandua, vanaa yuuvɛiya a vanaa yuuva nin taw-va.

Marke 3:17

Nsaki po Sebede-o nda Nsaŋ puapilɛ ndɔ, nda Yeesu ndóò veelu ni aa Boanɛrsɛs, kon co dimio ni aa poaa letaŋnda,

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Esai 61:2

O vem ya le yondaa a vɔsi kɛndɛi Mɛlɛka-e fulanin ceen-ndo o kɔɔ, a á paale Hala naa minginin màá len o kɔɔ, le vanaa co o dɛnɛ palaa nin-nda kpow ɲɔɔloo.

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.

Esekiɛl 23:36

Mí Mɛlɛka dimul-la aa: «Po vanacieo sei, a kialunin pá yamɛi Ohola nda Oholiba-e? Tɛɛsial nda dɛnnda nɔɔlɛila nda tosa lan kpow,