Misee 3:7 - BII BILA

⁷ Vanaa dimi sɔɔn vaa siɔdii-a kpow a viannin hɔlla, mì siɛmbulan la bii vanaa viamaa yavaa. Kani Hala mulul lɛnin nda le.

Misee 3:7 Referans Kwoze

Sakari 13:4

Paale len, te vanaa-tɛɛngaa-diom Hala-a tɛɛnguu pɛ diom Hala-o, siɛmbulan la biinin nda le vunduma ndama nda ce-an. A vownun ndɛnin domala bɛndula iyiin-ndan, le sɔɔn lacòòvan dimio le.

Esai 44:25

I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.

Amɔs 8:11

Maalii, o co Mɛlɛka-o dimi aa: «Tofa vɔ, palɛi pum co hunɔɔ tiiya, i tuisinin yima fofolan o lɛŋnden nden coo. Yima man yɛ, o venin pɛŋnde ɲɛdiaa le, o venin pɛŋnde mamɛn te. Kɛ yiaan a bolola vesɛilan le sɔɔn Mɛlɛka-on tueyɔɔ.

Esekiɛl 24:17

Ŋɔɔcian o kɔl nin, kɛ tosa sɔɔn biisin vanvílɛ́iya le. Vownun mɔsil nɔm vilɛiyo, vownun samtala nɔmndan o n'pelu, kumbu hɔlaa nɔmnda tálá co lebɛngu-o le, dia ɲɛdiaa biisi caanda le.»

1Samiɛl 28:6

Mó ɲuna Mɛlɛka, kɛ Mɛlɛka mulul ndu le, o mulul ndu o lɔma sɔlaa nin te, o mulul ndu o urim nin te, o suu o vanaa-tɛɛngaa-diom Hala lo le ndu sɔɛi ken dimul te few.

Tɔŋ lasálàá 13:45

Fɔ mì vana nàà kon bii-o vownun volɔɔla ndɔla cuɛinanndan lasɛɛsiɛilan, mò puusiaa yiinde ndu o lebol, mò kumbu siayii co o milinndo bɛngu-e, mò yonda aa: ‹Vana nɔɔlɛiyo! Vana nɔɔlɛiyo!›

Misee 7:16

Vanaa-mangalaa-isɔɔa canin ndan, mì siɛmbulan la bii nda. O kon, a kpaaya bɛndoo kpow, à handunnin balan o lasondo, mì nilan la baŋul nda.

Esekiɛl 24:22

O kon, niaa bɛɛ la tosanin mɛɛ ya (Esekiɛl) tosa yɛ. La kumbunin hɔlaa niaa tálá co lebɛngu-o le, la dinin ɲɛdiaa biisi caanda le.

Condii lisai 74:9

N co lɛ latɔɔmasele cɔ le. Vanaa-tɛɛngaa-diom Hala-a co lɛ le, nduyɛ o naa tɛɛn, vana-vana sina telen dɛnndan ndan la cuunin-ndo le.

1Samiɛl 28:15

Mí Samiɛl ɲuna Saul aa: «Le yɛɛ nɛ n kpeeŋiaa yɛ ya, mà soli ya ceen?» Mí Saul muli aa: «A buulanndo pila ya co nuaa ni, kani Filistia hinul-la a cɔwvo. Nduyɛ Hala mulul-la kɔɔ, o co lɛ ya mulul te, o va a vana-tɛɛngaa-diom Hala-a o kɔɔ, o va o lɔma sɔlaa nin. Lelan ya veelu nɔm ni, mà cɔm ya ɲɛ ya bɛnda le tosaa-o.»

1Samiɛl 14:37

Mí Saul ɲuna Hala aa: «Vɛ̀ɛ̀ o bɛnda mì kuel Filistia? Vɛ̀ɛ̀ a malnin pá nda naa Israɛlla o ba?» Kɛ o mulul ndu ɲinkon te.

1Samiɛl 9:9

Paandu, o lɛŋnde Israɛl-ten nin, te vannda ndáà yeema pɛ le Hala isɔɔ ɲuna, nuaa ndáà dimi ni aa: «N kɔnnun o vana sina sɔɔn viannanndon-ndo lo.» Vana-tɛɛngaa-diom Hala-o paalen nden hau ndáà veelu lɔ́ɔ́ kon ni aa vana sina sɔɔn viannanndon-ndo.

Fulaa 9:11

Vanaa mangalaa Esipte a nɔla lɛ le hunɔɔ simndan Moise o hɔl o kon te, kani nda bɛɛ mí piɔŋndan la fula nda mɛɛ la fula Esiptea tɔ̀a yɛ.

Misee 3:4

Lelan, a koŋulnin Mɛlɛka o lani, kɛ o mululnin nda le. O mululnin nda mundoo, le dɛnnda vɔɔnnda nda tosa lan.»

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»