Misee 3:4 - BII BILA

⁴ Lelan, a koŋulnin Mɛlɛka o lani, kɛ o mululnin nda le. O mululnin nda mundoo, le dɛnnda vɔɔnnda nda tosa lan.»

Misee 3:4 Referans Kwoze

Esai 1:15

La siɛndi nin bɛɛ balan o ya lo, i faŋalnin niaa hɔlla. Hali la vangala bɛɛ piɛilen taw-taw, i yeŋnin niaa lani le. Kani bala niaalan la co lalɔngɔlɛilan a koovan.

Talelan 1:28

la veelunin ya le niaa malaa, kɛ ya bɛɛ i cɛlnin te. La nuwviaanin ya, kɛ la seelunnin ya le.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Condii lisai 18:41

A co nda tovɔɔ ya laci, i co vanaa nɔ nɛyɔn nuu-a diwvo.

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Matie 7:22

Vanaa bɔɔ-bɔɔ a dimulnin ya paale len aa: ‹Maalii, vɛ̀ɛ̀ o co o diola nɔmndan te naa n tɛɛngul vannda sɔɔn Hala-on te? Vɛ̀ɛ̀ o co o diola nɔmndan te naa n tow ɲinaa vɔɔnda, mí n tosa dɛnnda kaamaalan taw le?›»

Esai 3:11

Dɛnɛ palaa co le vana kɔlvesɛiyo! Sangaa co ndu cum! Kani o sɔlanin tɔnɔ vali bala ndɔlan la co tosaa-o.

Nsaŋ 9:31

N sina maa Hala mulul vanaa lahakia piɛilen te. Kɛ vana biilu Hala pɛ mo tosa hɛnan ndɔɔ, o mulul vana kon piɛilen.

Luke 13:25

Telen vana cɛiyo cannin mò kinda dioo-o, la lonin o bɛ́ɛ̀. La kandunin dioo lɔɔ a dimio aa: ‹Maalii! Kumbil naa dioo.› Kɛ mò mulul niaa aa: ‹I sina nɛɛ niaa fula le.›

Sakari 7:13

Mó dimi aa: Le tùú ya va nda veeloo má kɛɛ le nilan yaŋɔɔ-o, nda bɛɛ a veelunin ya, kɛ i yeŋnin nda lani le. Ya Mɛlɛka-Nɔ-Kpaayaa-Kpow-vo soo nuaa ni.

Yeremi 33:5

Fondo fúú niaa cɔlɔbanin Babilɔnnda le kpaakio tangullo le kobi niaa biyɔɔ ni. Kani telen niaa kuelnin nda-o, i kuinin vanvílɛ́iya cɛilan nin a kɔl ni fulaa bɛndoo. I mululnin kobi kalaa kɔɔ le dɛnnda kɔlvesɛila nda tosa lan.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Talelan 28:9

Te vanndo kinda pɛ nilan haliko o tuɛi tɔŋndo le, piɛile ndɔlen le siŋnun ɲɛ vɔɔn bɛndoo.

1Samiɛl 8:18

O kon paale vanin, mì la koŋul le sei masa niaa hɛlinin kon-ndo biyɔɔ o Mɛlɛka lo. Kɛ Mɛlɛka vowlulnin niaa sondo le.»

SƐBƐ YƆB-O 27:9

Te dɛnɛ pala tol pɛ ndu coo, vɛ̀ɛ̀ Hala tuɛi pá koŋul ndɔɔ?

SƐBƐ YƆB-O 35:13

A toɲa, fondo fúú koni nda co koŋullo ni, kani Hala co tueyɔɔ le, Hala Vana-Kpaayaa co bɛɛ ken sondo vow le.

Yeremi 11:11

Lelan o Mɛlɛka dimi-o co hoo ni aa: ‹I co nda dɛnɛ palaa tuisi coo, a nɔlanin fulaa lebɛngu le. A mɛlinin yeelan o ya lo, kɛ i yeŋnin nda lani le.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Misee 3:7

Vanaa dimi sɔɔn vaa siɔdii-a kpow a viannin hɔlla, mì siɛmbulan la bii vanaa viamaa yavaa. Kani Hala mulul lɛnin nda le.

Misee 7:13

Lɛŋnden le dɔawnunnin yɛɛvɛ le kela vɔɔn vanndacieea co lecoo-a.