Misee 3:3 - BII BILA

³ Lekɛ́ndɛi, a co vanaa nia yáwlan solio, má va visin ndan dioo, má va nda paalan pesio, má va nda kilikilio mɛɛ vana kili vision le vowvo o kpɛɛnɛi nin yɛ.

Misee 3:3 Referans Kwoze

Condii lisai 14:4

Mɛlɛka dimi aa: «Vanaa co dɛnnda vɔɔnda lan tosaa-a kpow a nɔ sinapɛngu le, à co kan yungu nuu dioo mɛɛ vana dia baloo nuaa yɛ-a pɛɛn. À co ya Mɛlɛka piɛi le.»

Esekiɛl 11:3

Nuaa nda co dimio ni aa: ‹N co keleŋa lacɛi tangul te. Kobio ho, kpɛɛnɛi o co ni, naa n co lenin nda vision naa n co ni.›

Sofoni 3:3

Simlacia co o kobi kalaa nin-nda, maa yàlàá co pɛɛliaa-a nda co ni, vanaa kialaa n'yamaa co lon-nda, maa tunaa yondoa dia icɔl pii-a nda co ni, idii niko a nɔ lɛ ɲɛ nda sɔam te.

Condii lisai 27:2

Vanaa yɔŋ vɔɔnda va pɛ ya hinullo le ya sɔmndo, nda vanaa nɔ kan nɛyɔn nuu-a, nda yaamɔaa nia kan, nda siɛla ni mà deli.

Esai 3:14

Mɛlɛka co yamɛi kaasoŋaa kɔlkalua a simlacia yungu ndɔɔ kiolɔɔ aa: ‹La cii tumnda n'rɛsɛnndan tɛɛmbuu, ɲɛm niaa puu vanaa bala fondoa o ba-on co niaa o laba o cɛila niaalan nin!

Esekiɛl 24:4

Vow visin kɛndɔn kpow lenin, visin hiow naŋɔɔ-on, lɔloo a congoo, pei ndi ca a paala kɛndɛ-kɛndɛlan.

Misee 2:8

Kɛ niaa niaa, mí Mɛlɛka dimul niaa aa: ‹La co siŋnɔnndo yaamɔɔa le vanaa nia, la co vanaa co fulaa o cɔwvo má va hiovɔɔ a kɔlɲuloo-a volɔɔlan solio lekɔɔ.

Talelan 30:14

Vannda pum ciŋndon nda maa mɔɔn n'cɔw, yaalelan nda maa n'mɔɔ, le vanaa ikɔɔa tiaamoo mà faŋa nda o lɛŋnden coo a le vanaa bala fondoa faŋaa vanndacieea tɛɛn.»

Esai 3:15

Le kɔlɔ yɛɛ niaa co yɛ yungu nuu ciimiaa ho, mì la va vanacieeyɛi vanaa bala fondoa nɛwvo a labɛngu? Maalii, Mɛlɛka-Nɔ-Kpaayaa-Kpow-vo ɲuna nuaa ni.›»

Amɔs 8:4

La yaŋ nilan o sɔɛi he, niaa co vanaa ikɔɔa bɛpɛlaa, mì la va yeemaa le nda ciiyo tɛɛmbuuo o lɛŋnden coo-a!