Misee 3:2 - BII BILA

² Kɛ dɛnɛ sandaa nɛinun niaa ni, mì la kaola dɛnɛ vɔɔndo. La co lo vannda ɲɛm ndan poondiaa o laba háá mì buu nda yáwlan a vision o paalan coo.

Misee 3:2 Referans Kwoze

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Talelan 28:4

Vanaa bii tɔŋndo le-a heelu vanaa kɔlvesɛiya ni, kɛ vanaa bii tɔŋndo-a, cɔlɔbaa nda cɔlɔba vanaa kɔlvesɛiya ni.

Condii lisai 53:4

Kɛ nda kpow, a mal nɛiyo má laasian. Vana-vana co dɛnɛ kɛndɛ tosa le, o pilɛ bɛɛ.

Rɔmnda 12:9

Kaolaa bɛnda mò va a muulɔnndo le. La kpakpala dɛnɛ vɔɔndo, mì la kaola dɛnɛ kɛndɔɔ.

Esai 3:15

Le kɔlɔ yɛɛ niaa co yɛ yungu nuu ciimiaa ho, mì la va vanacieeyɛi vanaa bala fondoa nɛwvo a labɛngu? Maalii, Mɛlɛka-Nɔ-Kpaayaa-Kpow-vo ɲuna nuaa ni.›»

2Dɛnnda lemasalan 19:2

mí Yehu vana-tɛɛngaa-diom Hala-o, po Hanani-o kɔa ndu bɔŋaa, mó ɲuna ndu aa: «Le yɛɛ nɛ n mala yɛ vana vɔɔndo ho? Vanaa Mɛlɛka nɛɛnun-nda nɔm kaola ni? Kɔltuw Mɛlɛka-o toalnin nɔm coo le ɲɛ n tosa hoo-o.

1Masaa 21:20

O kon mí Akab mulul Elii aa: «Yaamɔɔ nuu komal-la fɔ́!» Mí Elii mulul ndu aa: «Lekɛ́ndɛi, i komal nɔm. Kani nɔm pila vɔngulun o dɛnnda hɛnan Mɛlɛka le lan tosaa nin ni.

2Timote 3:3

A nɔnin iɲíí le, a vanin vanaa bii tɛɛlɔn te-a, vanaa tɛɛmbuu caanda diolan-nda, vanaa bii kɔlta ndalan te-a, vanaa kɔlvesɛiya a vanaa yeema dɛnɛ kɛndɛ le-a.

Rɔmnda 1:32

Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

Nsaŋ 18:40

Má yonda aa: «Kaali, o co ndu le! Mel naa Barabas!» Nduyɛ, vana del vannda coo-o Barabas kon va ni.

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Luke 19:14

Kɛ vanaa va o lɛŋnde ndɔlen nin-nda ndáà yeema ndu le. Má soli vannda, má kɔa ndu kɔɔli, má kɔ dimi aa: ‹N yeema mì langbanɔɔ ho tosa masalen naa coo le.›

Sofoni 3:3

Simlacia co o kobi kalaa nin-nda, maa yàlàá co pɛɛliaa-a nda co ni, vanaa kialaa n'yamaa co lon-nda, maa tunaa yondoa dia icɔl pii-a nda co ni, idii niko a nɔ lɛ ɲɛ nda sɔam te.

Esekiɛl 34:3

Nduyɛ niaa niaa, la co nɔnɔan kolɔɔ, la co kolala toosian a yiiŋii saa lan cuɛinɔnndo, la co sálàlan solio a cɔlua macuɛiya, kɛ la co saa yɔɔ diólan te.

Condii lisai 15:4

Vana kon yeema bɛɛ mò ce vana yɔŋ vɔɔndo a lehɔl te, kɛ ò ke vanaa nɔ siòòŋii Mɛlɛka-e-a bɛɛlen. O cua bɛɛ ciɛ́i kàlà-kálɛi o Mɛlɛka lo, o mangala diomndo le.

Esai 57:12

Mɛɛ ya, i co ɲɛ co «dɛnɛ sandaa» niaa-o cɔɔmuu, a dɛnnda niaala solinin niaa kpeku oo kpeku le lan.

Esekiɛl 11:7

Lelan la tuei-yɔ mɛɛ Maalii, o co Mɛlɛka-o soo yɛ, o dimi aa: Vanaa niaa niaa diw mí la mɛli nda o kobio ho nin-nda, nda co vision ni. Kobi kalaa yɛ niko, ndu co kpɛɛnɛi ni. Kɛ niaa, a co niaa soli lenin.

Esekiɛl 24:4

Vow visin kɛndɔn kpow lenin, visin hiow naŋɔɔ-on, lɔloo a congoo, pei ndi ca a paala kɛndɛ-kɛndɛlan.

Misee 2:8

Kɛ niaa niaa, mí Mɛlɛka dimul niaa aa: ‹La co siŋnɔnndo yaamɔɔa le vanaa nia, la co vanaa co fulaa o cɔwvo má va hiovɔɔ a kɔlɲuloo-a volɔɔlan solio lekɔɔ.

Misee 7:2

Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.

Misee 7:3

Tenndaa pila bala ndalan la tennda o dɛnɛ vɔɔndo tosaa nin ni. Simlacia co ɲunaa le nda salaa, vanaa kialaa n'yamaa bɛɛ kilu yamɛi fondo le, fɔ ma ce tɔnɔ ndaa lenin, vanaa kùndàá bɛɛ a co ɲɛ nda yeema-o kiolɔɔ. Lende nda kpow a co cɛlanndo ni le dɛnnda vɔɔnndan tosaa.

Esai 5:20

Dɛnɛ palaa co le vanaa co dɛnɛ vɔɔndo veeloo aa dɛnɛ kɛndɔɔ-a, má va dɛnɛ kɛndɔɔ veeloo aa dɛnɛ vɔɔndo, má mangala ɲumndan ɲɛ-tengaa, má mangala ɲɛ-tengaa ɲumndan, má mangala mɔnɛi ɲɛ yeelaa, má mangala ɲɛ yeelaa mɔnɛi!

Amɔs 4:1

«La yaŋ nilan ɲɛkɛndɛi o sɔɛi he, niaa navaa laandua Basan, niaa co icali o pembon Samari coo, mì la va vanaa bala fondoa saangiaa a vanaa ikɔɔa mɔnɛi lueiyo-a. La co piaandaa niaa dimullo-a aa: ‹La hun a man mì n kolnun man!›

Amɔs 5:15

Dɛnɛ vɔɔndo nɛinún niaa, mì dɛnɛ kɛndɔɔ hɛnan niaa! La tosa dɛnɛ sandaa nɛɛ niaa kialu yaman o dio kpaki kobio nin-nda. Bɔɔle mì Mɛlɛka, Hala-Nɔ-Kpaayaa-Kpow-vo tuinun vanaa tɔ̀a lo yoomu o polale Yosɛf len coo-a iɲíí.