Misee 3:12 - BII BILA

¹² Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Misee 3:12 Referans Kwoze

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

Condii lisai 79:1

Condii Asaf-e. Éé Hala, vanaa-mangalaa-isɔɔa del kɛ́ nɔmndo coo fɔ́! A cii Cɛi nɔm diandaa nɔɔliaa, a cii Yerusalɛm siinguu powta bémbélan.

Matie 24:2

Kɛ mó dimul nda aa: «La ce mɛɛ o co kpede yɛ le? I co niaa toɲaa dimul, powvo pilɛ bɛɛ lonin o powvo coo le, la co koombiaa kpow.»

Misee 1:6

Maalii dimi aa: ‹Lelan, i co Samari mingi bémbélan kposon, mì mingi ndu yondo tɔalaa rɛsɛnndo, mì pimbul powta ndɔlan o bóllo nin dí, mì soli nɛɛ o kilan lɛŋ-nda ceen déŋ.

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 17:3

Niaa vannda Yuda, niaa co keiyo piɔmnda sooloo o pembon coo yondoo nin ni. I co ɲɛ-sɔlaa niaa, ɲɛm niaan, a tombun niaan malɔɔ vannda o ba. I tosanin ken le hakila niaa tosa o lɛŋnde niaalen kpow nin-ndan.

Yeremi 22:6

Diom Mɛlɛka dimi a cɛi lemasaa Yuda-o co hoo ni aa: ‹A naŋ bɛɛ ya o hɔl maa bundɛlan Kalaad, te kon te maa tul pembon Liban, kɛ i co nɔm mingi lɛŋnde veselɛilen, kobi vannda piow-vo.

Yeremi 35:17

Lelan, diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: «Niaa vannda Yuda a niaa Yerusalɛmnda, i co niaa dɛnnda palaala ya dimul niaa lan kpow tuisi coo. Kani i soo o niaa lo, kɛ la yeŋnun te, mí veelu niaa, kɛ la cɛl te.»

Yeremi 44:2

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Kámáá la ce dɛnnda palaala yáà tuisi Yerusalɛm a kobilan Yuda kpow coo lan te! Kobila lan kpow la tambu hau, vannda piow lan.

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

Cɛɛŋɔnnda Yeremi lan 5:18

ndu co le tùú Siɔn tambu, mó siŋnun bɛ̀mɛ́lta kàá-o ni.

Esai 32:14

Cɛi bɛndu lemasaa lonin fondo, vannda piawnin kobi vɔkɔ-vɔkɔɔ co hoo nin-ndo, pembei a cɛi coocoo siŋnunnin buululan le fɛɛn a fɛɛn, sofɛlɛa yondoa vanin pisultan ndon. Cɔlua vanin billo dioo lon.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 22:5

Kɛ te la yeŋnun sɔɛi ya dimul niaa hee-e le, i mɛnan o diola nilan, sɔɛi fula ya Mɛlɛka o sondo-e co hee ni, cɛi lemasaa ho siŋnunnin bémbélan.›»