Misee 3:11 - BII BILA

¹¹ Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Misee 3:11 Referans Kwoze

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Misee 3:5

«Ɲɛ Mɛlɛka dimi le vanaa-tɛɛngaa-diom halaa lacòòvaa co vanaa ndɔa laasiaa-a-o co hoo ni: ‹Te vana ke nda dɔ́ɔ́ pɛ ɲɛ nda miaanun-ndo, à dimi yoongu kɔlɲuloo. Kɛ te vana ke nda mel nda ɲɛdiaa o sondo le, à ciŋilan vana kon a sɛɛngianndo.›

Yeremi 7:4

La kɛsi kɔltan o sɔɔn lacòòvan coo mì la dimi le aa: ‹Cɛi-Mɛlɛka-o co nanu ni, Cɛi-Mɛlɛka-o, Cɛi-Mɛlɛka-o›.

1Piɛr 5:2

la manda kunda saa Hala-a, a co niaa o ba bɛngu-a, ò va maa baŋɔɔ le nda baŋ niaa le, kɛ o va a yeemɛi niɛi mɛɛ Hala yeema yɛ. Ò va vɛlɛ a hɔlte ɲɛ-sɔlaa le, kɛ a kɔlkɛndɔɔ.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

Misee 7:3

Tenndaa pila bala ndalan la tennda o dɛnɛ vɔɔndo tosaa nin ni. Simlacia co ɲunaa le nda salaa, vanaa kialaa n'yamaa bɛɛ kilu yamɛi fondo le, fɔ ma ce tɔnɔ ndaa lenin, vanaa kùndàá bɛɛ a co ɲɛ nda yeema-o kiolɔɔ. Lende nda kpow a co cɛlanndo ni le dɛnnda vɔɔnndan tosaa.

Esai 48:2

Kani la co diolan puuvo aa: «Vanaa co o kobi diandaa nin-nda.» Mì la co Hala Israɛl-lo tiindanndo coo, Hala nɔ diolan aa Mɛlɛka-Nɔ-Kpaayaa-Kpow-vo pɛɛn.

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

1Samiɛl 8:3

Kɛ poaa ndɔa kan ve tosa mɛɛ fuɲa nda va tosaa yɛ le. Nda nda, volion ndáà luɛi hɔlten ni, má va ɲɛm vannda va nda yɔngoo-on biyɔɔ le yaman lacòòvan kiolɔɔ.

Kundalan 16:15

Mí Moise tuulu kɔl taw-taw, mó dimul Mɛlɛka aa: «Cɛl sálà ndaa le. Kabi bɛɛ i bii ɲɛ-ɲɛ nda le, hali sofɛlɛ taaninndo i bii ndu vana pilɛ o ba o nda tɛɛn te. I tosal vɛlɛ vana dɛnɛ vɔɔn o nda tɛɛn te.»

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

1Timote 3:3

o yɔngún mɔiyan te, o va vana lacɔlɔba le, kɛ mò va vana cii sɔngɔlan-ndo a vana kɔlɲuloo. O va vana nɔ hɔlte ɲɛ-sɔlaa-o le.

Amɔs 9:10

Vanaa lahakia o vanaa nia tɛɛn kpow a vunin o mɔɛi cɔwve bɛngu. Vanaa kan kpeekpei, a co kan dimio-a aa: ‹Dɛnɛ palaa sɔɔnguunin naa macɛlu le, o tulnin naa coo le.›»

Osee 4:18

A cii dɔ́ɔ́ pɛ man kolɔɔ a labɛɛla, a saan suunda nda soolaa n'piɔmndo. Dɛnnda lasiɛmbulan simlacia ndaa yeema ni.

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

Matie 3:9

La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Sofoni 3:3

Simlacia co o kobi kalaa nin-nda, maa yàlàá co pɛɛliaa-a nda co ni, vanaa kialaa n'yamaa co lon-nda, maa tunaa yondoa dia icɔl pii-a nda co ni, idii niko a nɔ lɛ ɲɛ nda sɔam te.

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Esekiɛl 22:12

Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.

Talelan 17:23

Ɲɛm kean sɔɔsɔɔ-on hɛnan vanaa kɔlvesɛiya biyɔɔ ni, le dɛnɛ sandaa faŋaa o fonda ndɔɔ.

Esai 5:23

Le vanaa bii luɛyɔɔninndo le vana vɔɔndo dio yɔngoo-a, a laasiaa di vanaa tɛɛmbuu isɔɔ le-a ma yaala nda-a!

Yeremi 23:17

Vanaa co ya mamɔɔ-a co dimio aa: ‹Mɛlɛka dimi aa kɔlɲuloo vanin le niaa ni.› Vanaa co kan yiyannda nda pila lan kínɛí tolɔɔ kɔɔli-a co dimio aa: ‹Dɛnɛ palaa komalnin niaa le.›

Yeremi 26:7

Mí vanaa-solia-lasálàá, vanaa-tɛɛngaa-diom Hala-a a vanaa-vanaa va lon a tuɛi Yeremi sɔɔn mun dimio o bɛ́ɛ̀ Cɛi-Hala-o nin.

Esekiɛl 34:2

«Po vanacieo sei, tɛɛngul simlacia Israɛlla diom Hala-o. Tɛɛngul nda ndu mà dimul nda, simlacia kan pɛɛn aa: Nuaa Maalii, o co Mɛlɛka-o dimi ni aa: ‹Dɛnɛ palaa co le simlacia Israɛlla co nda pila baloo dɔwnɔnndo-a. Vɛ̀ɛ̀ vanaa mandaa n'saa bɛnda mà yɛɛ saa ndaa billo dioo le?

Osee 4:8

Vanaa-solia-lasálàá co tɔnɔɔ sɔlaa o yɔŋnda vɔɔnnda vanaa nia nin. Ɲɔɔ ndu pilɛ kpé nda yeema ni: mì vanaa nia va hiovɔɔ laci a hakilan tosaa.

Amɔs 5:14

Le hee, la kindin mì la tosa dɛnɛ kɛndɔɔ, la tosa dɛnɛ vɔɔndo le, haliko mi la lo yoomu. O kon, mì Mɛlɛka, Hala-Nɔ-Kpaayaa-Kpow-vo va niaa ikɛi, maa mɛɛ niaa pila co dimio yɛ.

Malasi 2:9

Lelan ya co tosa ni mì siɛmbulan la bii niaa Israɛlla kpow o hɔl, mà kelun niaa yii. Kani la tui sɔɛi nii le, la va vɛlɛ vannda hiyanndo o tɔŋndo biyɔɔ nin.»

Kundalan 22:7

Mí kaasoŋaa kɔlkalua Moab a kaasoŋaa kɔlkalua Madian a cua ɲɛm kɛndɛ-kɛndɔn le Balaam vana vianaa yavaa yoo, má kɔa a mun. Mɛɛ nda tiiya o Balaam ndo, ma tuisi sumialle, má downun ndu kona mɛɛ Balak congun nda yɛ.

Yeremi 5:12

A soo sɔɔn lacòòvan a Mɛlɛka o kɔɔ, a co dimio aa: «Mɛlɛka co le! Dɛnɛ palaa kɛ́-kɛ̀ komalnin naa le, cɔw hinulnin naa le, yima biinin naa le.

Sofoni 3:4

Vanaa kuundiannda a vanaa yiyaa ladúmbúa vanaa tɛɛngaa-diom-Hala-a ndɔa co ni. Vanaa-solia-lasálàà ndɔa co ɲɛ siŋnun teengen le Hala-o lebɛɛ ke le, a co tɔŋndo tɛɛmbuuo.