Misee 2:8 - BII BILA

⁸ Kɛ niaa niaa, mí Mɛlɛka dimul niaa aa: ‹La co siŋnɔnndo yaamɔɔa le vanaa nia, la co vanaa co fulaa o cɔwvo má va hiovɔɔ a kɔlɲuloo-a volɔɔlan solio lekɔɔ.

Misee 2:8 Referans Kwoze

Condii lisai 55:20

Màá Hala tuei sɔɔn ndan, mò tuisi nda siɛmbulan, ndu co Masaa kabi sindɛ-o! Kani vanaa kan mangalanin kela ndaa le, a nɔ siòòŋii Hala le.

2Samiɛl 20:19

Kobi kɔlɲuloo a kobi lo o diomnden coo-o kobi naa co o lɛŋnde Israɛl-ten nin ni. Kɛ ndu nɔm yeema le tɛɛmbuuo ni. Kobi kon co o pilɛ o kobila Israɛlla kɛsi kɔllo coo lan tɛɛn. Le yɛɛ nɛ n yeema yɛ le kɛ́ Mɛlɛka-o tɛɛmbuuo?»

Yeremi 12:8

Polale vanaa nia simul-la mɛɛ yàlàá kungulan o bundɔɔ nin yɛ, a co ya pɛɛliaa coo. Lelan, i yeema lɛ nda le.

Misee 3:2

Kɛ dɛnɛ sandaa nɛinun niaa ni, mì la kaola dɛnɛ vɔɔndo. La co lo vannda ɲɛm ndan poondiaa o laba háá mì buu nda yáwlan a vision o paalan coo.

Misee 3:3

Lekɛ́ndɛi, a co vanaa nia yáwlan solio, má va visin ndan dioo, má va nda paalan pesio, má va nda kilikilio mɛɛ vana kili vision le vowvo o kpɛɛnɛi nin yɛ.

Misee 7:2

Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.

Misee 7:3

Tenndaa pila bala ndalan la tennda o dɛnɛ vɔɔndo tosaa nin ni. Simlacia co ɲunaa le nda salaa, vanaa kialaa n'yamaa bɛɛ kilu yamɛi fondo le, fɔ ma ce tɔnɔ ndaa lenin, vanaa kùndàá bɛɛ a co ɲɛ nda yeema-o kiolɔɔ. Lende nda kpow a co cɛlanndo ni le dɛnnda vɔɔnndan tosaa.