Misee 2:7 - BII BILA

⁷ Mò va maa dangaa co cuavaa Israɛlla coo ni? Vɛ̀ɛ̀ Mɛlɛka sanga a biuvɔnndo ni? Vɛ̀ɛ̀ lende o dema tosa ni? Ya yɛ, vɛ̀ɛ̀ i dímì sɔɔn kɛndɛ a vana co kela sandaa-o le?

Misee 2:7 Referans Kwoze

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Yeremi 15:16

Mí candu sɔɔn nɔmndon, o kon mí dia mun. N co ya kɔllo nɛŋio, kani le nɔm ya co ni, nɔm Mɛlɛka, Hala-Nɔ-Kpaayaa-Kpow-vo.

Condii lisai 15:2

Fɔ vana co kelaa o nɛi toɲaa coo-o. O co dɛnnda sandaalan tosaa, mò va toɲaa dimio a kɔl ndɔɔ kpede-o.

Sakari 4:6

Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

Osee 14:9

Éé niaa cuavaa-imamaa Efraim-nda! Kpeku yɛɛ nɛ ya nɔ yɛ vɛlɛ a piɔmnda? Ya, i mululnin niaa mì landu niaa hɔlla coo. Maa yɔm siprɛs puiyaa ya vanin le niaa ni, ya o ba kɔmnde niaalen le vanin fulaa ni.

Esai 50:2

Lɔ́ɔ́ ya hin-ndo, le kɔlɔ yɛɛ vana ve nanu le? Tuma ya veelu-o, le yɛɛ nɛ vana cɛl te? Mò va maa o bingi ba nuu co, mì bumba niaa baŋa ni? Vɛ̀ɛ̀ i nɔ yoomuma bɔɔ le baŋaa le? Tofa vɔ, i kɔngɔlan pɛ, i veeliaa mɛmma ihɛllan, i veeliaa peelan kokolo, suwva vi le kolɔɔ iyeemaa, a sɛ le mɛmma lepɛŋndan.

Talelan 28:18

Vana kela pɛ o sandei nin ndu sɔla cindaa. Kɛ vana co kelaa o nɛila tuunduanndan tan tiɔn coo-o ndu, te o del baa le, o del baa pilɔɔ.

Talelan 10:29

Nɛila Mɛlɛka lan la kanda vanaa sandaa maa kpaki, kɛ mì la tɛɛmbuu vanaa kɔlvesɛiya.

Talelan 10:9

Vana kela pɛ o sandei nin, o vannun yili, kɛ vana kela pɛ kela tuunduɛiyo, niinu ndɔɔ fulanin ceen.

2Timote 3:5

A vanin Hala vow a lahɔl, kɛ mà kɛɛ kpaaya Mɛlɛka kpeekpeiyo. Faŋan vanaa vaa lende kɔɔli.

2Korɛntea 6:12

N kɛɛ niaa kaola naa cɔm te, kɛ mí la kindal naa kɔlta niaalan.

Rɔmnda 7:13

Vɛ̀ɛ̀ mì ɲɛ naŋ-ndo ndu siŋnun piɔ́mndo le ya? Kɛì-kɛì bɛɛ! Kɛ le hakio sinanndo maa ndu co hakio ni, mó kei o ɲɛ naŋ-ndo nin haliko mo tosa mì vi. O nɛi kon coo tɔŋndo cɔm vana ni maa ɲɛ vɔɔn bɛndoo pila hakio co ni.

Nsaŋ 8:39

Má mulul ndu aa: «Abraham co fuɲa naa ni.» Mí Yeesu dimul nda aa: «Te cuavaa Abraham-nda niaa co ni, mɛɛ la tosa dɛnndan maa Abraham.

Matie 3:8

Mɛɛ la cɔm niko o dɛnnda niaalan nin maa la mangalan lekɛ́ndɛi dɛ!

Misee 3:9

«Niaa sei! La yaŋnun sɔɛi he, niaa simlacia co cuavaa Yakɔb-a coo-a. Niaa simlacia cuavaa Israɛlla, niaa nɔ nɛyɔn dɛnɛ sandaa mí la va sandei tundɔɔ-a pɛɛn.

Yeremi 2:4

Yungu Yakɔb-o, la yaŋ nilan o diom Mɛlɛka dimi-o. Niaa yungula fula o cɛi Israɛl-lo nin-ndan, la yaŋnun.›

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Talelan 14:2

Vana kela pɛ o sandei nin ndu ke Mɛlɛka bɛɛlen, kɛ vana kela pɛ o laasianndo nin mɛɛ ndu luei Mɛlɛka yii le.

Talelan 2:7

Ndu malaa co o mandaa o ba le vanaa co sakpo-a ni. Ndu co kɔ̀ɔ̀ cɔwvo le vanaa co kelaa o sandei nin-nda ni.

Condii lisai 119:65

Éé Mɛlɛka! Tosal-la vana baala nɔmndo kɛndɛi mɛɛ n yii kpemaa yɛ.

Kundalan 11:23

Mí Mɛlɛka ɲuna ndu aa: «Mò va maa hiwvo ba Mɛlɛka-o hiw bingilen ni? Nɔm pila co cɔ sisa te sɔɛi nii co peelɔn, te i co peelɔn te.»

Condii lisai 119:68

A naŋ, dɛnɛ n co tosaa-o naŋ vɛlɛ, pɛɛku ya hɛnan nɔmndo.

Condii lisai 18:26

Mɛlɛka, te vanndo lo pɛ o lediom coo a nɔm, nɔm bɛɛ lo o lediom coo a vana kon. Te vana kela pɛ kela toɲaa a nɔm, nɔm bɛɛ kela kela toɲaa a ndu.