Misee 2:6 - BII BILA

⁶ «Vannda pum a co ya dimullo aa: ‹Pɛngi tombola fondoo ho! Diɔmnde i co ni le dimio aa n nɔla siɛmbula ndan kpakpalaa le.›

Misee 2:6 Referans Kwoze

Amɔs 2:12

Kɛ mí la koesi vanaa solin kan nda pila sálà-a mɔiyan, mí la kuuna vanaa-tɛɛngaa-diom Hala-a kan le diom Hala-o tɛɛnguuo.

Esai 30:10

A co vanaa ca siɔdii lacio-a dimullo aa: «La tofa ɲɛ-ɲɛ le dɛ!» A co vanaa-tɛɛngaa-diom Hala-a dimullo aa: «La dimul naa toɲaa o diom Hala-o tɛɛnguuo nin te, la dimul naa sɔɔn lisa naa-on, la tɛɛngul naa vunduma lacòòvan!

Dɛnnda kiilaa 5:40

má kɔ veelu kiilaa kalaa, má dimul vannda, má lɔaa nda. O kon kɔɔli, má kuuna nda le sɔɛi o diola Yeesu lan, má mal nda, má kɔannun.

Dɛnnda kiilaa 7:51

Mí Etiɛn hiaw laci a sɔɛi, mó dimul nda aa: ‹Niaa vanaa bolii kalaa ha, niaa dii haa toma o kɔlta niaalan nin te-a, la kendu bɔɔ nilan! Fuɲaa niaa niaa vel ni. La co Hala Kɔl-Diandaa simullo lɔ́ɔ́-lɔ́ɔ̀!

Dɛnnda kiilaa 5:28

«N kuuna niaa ndi pɛ́-pɛ́ maa la pɛɛku lɛ vannda o diola Yeesu lan te. Kɛ la tofa vɔ mɛɛ niaa pei Yerusalɛmnda pɛɛkula niaala lan nin yɛ. La yeema vɛlɛ mì la mingi naa kooma piɔ́m langbanɔ kon o lebol.»

Dɛnnda kiilaa 4:17

Nduyɛ, o bɛnda mì sɔɛi he tiw vannda tɛɛn te. Lelan, n vueinun nda mì n kuunan nda, a soaa lɛ o vana-vana lo o diola Yeesu lan te.»

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»

Amɔs 7:13

Kɛ tɛɛnguu lɛ sɔɔn Hala-on on Betɛl nanu le dɛ! Kani cɛi biilaa a cɛi lemasaa co nanu ni.»

Esekiɛl 21:2

«Po vanacieo sei, muli hɔlaa nɔmnda o ba kɛndɔɔ coo, mà tɛɛngul vanaa co a ba too-a diom Hala-o. Tɛɛngul bundɛ co yondoo nin a ba too-o aa: ‹Yaŋ nilan o sɔɔn yɔŋnunnin-ndon!›

Esekiɛl 3:26

I holnin diɛɛmule nɔmnden o sondo lenin nɔmndo, haliko ma siŋnun bobonɔɔ, o kon a nɔla lɛnin nda silaa le, kani vanaa nila kalua nda co súú ni.

Condii lisai 74:9

N co lɛ latɔɔmasele cɔ le. Vanaa-tɛɛngaa-diom Hala-a co lɛ le, nduyɛ o naa tɛɛn, vana-vana sina telen dɛnndan ndan la cuunin-ndo le.

Esai 29:10

Kani Mɛlɛka cucu kɔl dialun vílɛ́i bɛndoo niaa coo, o kinda hɔlta niaalan (niaa vanaa-tɛɛngaa-diom Hala-a), o kumbu bolii niɛi (niaa vanaa sina siɔdii lacio-a).

Amɔs 7:16

Lelan, yaŋ niko nilan o sɔɛi Mɛlɛka dimi-e, nɔm co ya hoo kuunaa aa ya tɛɛnguu sɔɔn Mɛlɛka-on a Israɛlla o kɔɔ loo. Nɔm, a kuuna ya aa ya tombola a cuavaa-imamaa Isaak-a o sondo le.

Misee 3:6

Lelan, ɲumndan ma co niaa tul, niaa vanaa-tɛɛngaa-diom Hala-a. Vana ci lɛnin levundu le. Ɲumma bɛnduan ma co tolɔɔ niaa coo, vana tɛɛnguu lɛnin sɔɔn co hunɔɔ yɔŋnɔn-ndon te. Ɲɔɔ co yɔŋnɔn maa paale delaa, mì ɲumndan ma tol niaa coo kpingbi.