Misee 2:4 - BII BILA

⁴ Paale len le hun tiiya pɛ, vannda diminin taloo a niaa o sondo, mà soli condii imɔnɛi aa: ‹Mbɔ̀ naa n cuu itambu! Yondola naalan a ɲɛm nan cuu naa hiɔlɔn. Yaamɔaa naa cii mun piɔvan. Le yɛɛ nda co yɛ naa mun hiɔlɔɔ o ba?›

Misee 2:4 Referans Kwoze

Habakuk 2:6

Vanaa nda bii kan-nda kpede simulnin nda, mà dɔw nda danga, mà dimul nda aa: «Dangaa co le niaa! La co caanda kafalan tosallo, mì la va ɲɛ-sɔlaa ndaa cuungiaa, mì la va vɛlɛ hiovɔɔ laci a vannda delɔɔ coo. Telen kuɛɛ niaa mal-lɛnin dɛnndan-ndan?

Misee 1:15

Niaa vanaa co icali Maresa-a bɛɛ, Ya Mɛlɛka, i co niaa malɔɔ kuubanɔ celen o ba, mì masaa latɔ́ɔ́a Israɛl a kɔ vionnun o buululan Adulam nin pɔ́.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Esai 24:3

Lɛŋnden kpow le tambunin, ɲɛ-ɲɛ co lecoo o yungannin kpow. Kani Mɛlɛka o sondo sɔɛi he fula ni.

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Tɔŋ miingua 28:29

La vanin kɔlan a nɛiyo nuwviaa a paale kalalen mɛ̀ɛ́-mɛ̀ɛ́ vanaa sumɛiya kɔa a nɛiyo nuwviaa o ɲumndan nin nuaa yɛ. Ɲɛ-ɲɛ niaa vanin tosaa, o biinunnin bila niaa o ba le. Lepalaa-lepala, à vanin niaa delɔɔ coo a niaa ɲɔɔn poondiaa o laba, vana-vana venin le niaa baŋaa le.

Kundalan 23:7

O kon, mí ndu Balaam soaa o ɲamakalalen nin aa: «I va Aram mí Balak veelu ya nanu. I va o tàndá n'pemboo nin nɛɛ paalen le can-nda, mí masaa Moab cuu ya nanu. Mó dimul-la aa: ‹Hun dow ya polale Yakɔb len danga, hun ma hun vueinun Israɛlla le ya.›

Marke 12:12

Simlacia Yuifia va nɛilan nuwviaa le ndu biyɔɔ, kɛ mí siòònde bii nda a sɛ́lɔ́ɔ́. Kani má bii bila maa le nda Yeesu ndóò dimi tale kon ni. Má faŋan ndu kɔɔli, má kɔannun.

Sofoni 1:2

«I co ɲɛ-ɲɛ basɔɔ o lɛŋnden coo selemenden! Diom ya Mɛlɛka soo-o co kon ni.

Misee 2:10

La cɔn mì la kɔɛ! Kani lɛŋnden nden le co fonda pɛngia le, le cuu nɔɔliaa a hakila niaalan. Le hee, la sanganin taw-taw.›

Amɔs 5:17

Lɔ́ɔ́ ya keinin niaa tɛɛn-ndo, vannda cɛɛŋunnin o nakɔla n'rɛsɛnndan kpow nin. Ya Mɛlɛka dimi lende ni.›»

Amɔs 5:1

«Òó niaa cuavaa Israɛlla, la yaŋ nilan o sɔɛi he, sɔɛi ya co hee dimio niaa coo-e. Condii dɛnɛ palɛi sɔɛi ken i co ni!

Yɔɛl 1:13

«Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.

Yɔɛl 1:8

Lelan, niaa yungu nuu, la somisomin mɛɛ vanalanɔ felengoo vownun volɔɔla biisilan le pɔnɔ ndɔ ifelengiyaa caŋndo nuaa yɛ.

Esekiɛl 16:44

Tofa vɔ, vanaa dimia latalea kpow a dimulnin nɔm taloo ho aa: ‹Mɛɛ kalacuaa va yɛ, lende koni cua ndɔɔ bɛɛ va ni.›

Esekiɛl 2:10

Mó timbi sɛbɛ simbulaa kon ya o hɔl, o va o sɛvaa lenin a lekɔɔli. Cɛɛŋɔnndan, ŋɔɔcianndan a somisominndan la va lasɛvaa lecoo ni.

Yeremi 14:18

Te i kɔɛ pɛ yondoo nin, vanvílɛ́iya tuŋ ya saalun ni, a cɔwvo co diwvo-a. Te i kɔɛ pɛ ciee, vanvílɛ́iya tuŋ ya ca ni, vanaa-tɛɛngaa-diom Hala-a a vanaa-solia-lasálàá co kelanndo o lɛŋnden nin, ɲɛ-ɲɛ bɛɛ a co bila biyɔɔ le.»

Yeremi 4:13

«Má cè vanaa tɛɛmbua kalaa hunɔɔ maa yumbuyumbu piɔɔ helaa bɛndu! Ɲɛla ɲaanannda cɔwla ndalan la keleŋa maa hoeyii fùkù-fùkù. Soa ndɔa hiow keleŋaa a kovɛa. Naa n kɔndu dɛnɛ fɔ́!»

Esai 14:4

o kon la soli condei he le masaa Babilɔn mamɔɔ aa: ‹Kpòkóó, dɛnɛ bɛndu tosan dɛ! Masa kɔlvesɛiyo co lɛ le! Kɔlvesɛiyo cuu few!

SƐBƐ YƆB-O 27:1

O kon mí Yɔb cua vɛlɛ sɔɛi, mó dimi aa:

2Dɛnnda lemasalan 35:25

Mí Yeremi soli condii biisiei le Yosia. Háá hau, vanaa solia n'condua, vanpiaandua a vanlaandua kpow a co vɔ condii ken solio o biisilan coo le loonɔnndo a Yosia o kɔɔ. Mí sɔɛi ken siŋnun namoo o lɛŋnde Israɛl-ten nin. Condun mun n co n'sɛvaa o sɛbɛla condun labiision nin.

2Samiɛl 1:17

Mí David soli condii biisiei he Saul nda Yonatan po ndɔ coo.

Kundalan 24:15

Mó soaa vɛlɛ o ɲamakalalen nin a: «Sɔɛi fula ya Balaam po Beɔr-o o sondo-e co hee ni: Ya vana dɔaw sɔɔn taasi-o co sɔɛi ni.

Kundalan 24:3

Mó soaa vɛlɛ o ɲamakalalen nin aa: «Sɔɛi fula ya Balaam, po Beɔr-o o sondo-e co hee ni: Ya vana dɔaw sɔɔn taasi-o co sɔɛi ni.

Kundalan 23:18

Mí Balaam soaa vɛlɛ o ɲamakalalen nin aa:: «Cɔn ma yaŋ nilan, Balak! Po Sipɔr-o, mei-yɔ kpili ma tuei!

Yeremi 6:12

Tuma ya mululunnin vanaa co o lɛŋnden nin-nda-o, cɛila ndalan la kɔanin vanaa celen o ba, mì ciɛɔn ndan a laandaa ndaa bɛɛ lo le caanda. Sɔɛi fula Mɛlɛka o sondo-e co ken ni.

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Misee 1:8

«Lelan, ya Misee i cɛɛŋunnin, mì hiiliaa, i balunin pelun fondo, mì kela kɔɔle fondo. I cɛɛŋunnin maa tivoli, mì hiiliaa maa soninkɔnɔ.

Yeremi 9:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La keela kɔllo mì la veelu vanlaandua caa caŋndo-a, mì la dimul nda mà hin. La yɔɔ kiilaa vanaa hiow caŋndo caa-a kɔɔli, mà hin.