Misee 2:3 - BII BILA

³ Lelan Mɛlɛka dimi ni aa: ‹I co kpundɛ bɛndoo tuisi vanaa kan coo. La nɔlanin kɛsei solio lebɛngu le. La cue lɛnin bollen lɔ́ɔ́-lɔ́ɔ̀ o kelaa nin te, kani telen dɛnɛ palaa co o nɛi.›

Misee 2:3 Referans Kwoze

Amɔs 5:13

Lelan telenndo ho, vana nɔ taasio-o, meinɔnndo o meinun ni kpili. Kani telen vɔɔndo telenndo ho co ni.

Yeremi 8:3

Piɔ́mndo vanaa tɔ̀a lonin yoomu o polale vanaa vɔɔŋaa kan kpow tɛɛn-nda hiawnin yeema a yoomoo, nɛɛ ya sɛŋinin nda o fondala yɛ́-yɛ́lan-nda pɛɛn.» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

Yeremi 18:11

Nɔm Yeremi, soo niko o vannda Yuda a o Yerusalɛmnda lo, mà dimul nda aa: «Mɛlɛka dimi aa: ‹I cii kiolɔɔ, i co dɛnɛ palaa toosiaa le niaa, yiyannda vɔɔnndan pila la co ya o kɔl a niaa ni. Vana-vana mangala kela ndɔ vɔɔndo. Lende ni dɛ! Vana-vana yɛlɛma tiŋ kela ndɔɔ.›»

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Cɛɛŋɔnnda Yeremi lan 5:5

Vanaa tol naa yɛlen-nda co naa tovɔɔ. N yɔkpa nin, kɛ pɛngi co le naa le.

Cɛɛŋɔnnda Yeremi lan 2:17

Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.

Efɛsea 5:16

Telen oo telen niaa sɔla pɛ dɛnɛ pum le tosaa, la tosà, kani palɛi naa n co hee nin-nde i niŋ te.

Rɔmnda 16:4

A pisi yoomula ndalan le ya-a. O co ko ya le co nda nuavalio yilɔɔ le, kɛ vanaa laalaŋaa co n'yuif le-a kpow bɛɛ.

Misee 2:1

«Dɛnɛ palaa co nda cum, vanaa túù tuula vɔɔnndan, ma yíì vannda dúmbúlan o kpelela ndalan coo icɔl-la. Paalen le sɛ dɔ́ɔ́ pɛ, a peelu sɔɔn nda tuu mun-ndon.

Amɔs 2:14

Hali vana nɔla kiltan taw-vo bɛɛ sɔlanin nɛɛ viannannda le. Hali vana nɔ yoomuan-ndo tiwnin ba le ɲɛ-ɲɛ tosaa a yoomuma ndɔan te. Hali kuubanɔ cɔwvo nɔlanin yoomu ndɔɔ baŋaa le.

Cɛɛŋɔnnda Yeremi lan 1:14

O nɔ hɔlten o hakila ya tosa lan coo. O cii lan yii nɛɛ pilɛ ndu o ba, mó handu ya lan o congú. La hel-la háá o labolo dí, Mɛlɛka cii ya yoomuan soli pó. O mal-la vanaa ya nɔla simullo le-a o ba.

Yeremi 43:2

mí Asaria po Hosaya-o, Yohanan po Karea-o, a vanaa sondola kalaa va kan lon-nda kpow a cua sɔɛi, má dimul Yeremi aa: «Ɲɛ-ɲɛ n co hoo dimio, còòlan fúú! Mɛlɛka Hala naa dimul nɔm le naa kuuna lakɔ caltan Esipte le.»

Yeremi 36:23

Telen oo telen Yehudi ndóò cii pɛ bungan n'yáá te kon te n'hiɔɔlu dimi, masaa ndóò kelu bungan mun a mɔɛi pɔmbɔɛi, o viow o yin. Lende o lo ndu kilikilio a bungan ni háá, mó cii sɛbɛ kalaa lomɔɔ kpede.

Yeremi 34:17

Lelan diom Mɛlɛka dimi-o co hoo ni aa: O niaa tɛɛn, vana-vana ndóò bɛnda mì ndóò solin o sondo maa puapilɛ ndɔɔ co ndu o ba o cɛlen nin-ndo co o ba ndɔɔ coo. Kɛ la bii sɔɛi nii le, lelan sɔɛi fula ya Mɛlɛka o sondo-e co hee ni: Ya, i co niaa mɔɛi cɔwve tuisi coo, yima fofolan a nàà n'kɔnyaa. O kon masɛi co o lɛŋnden coo kpow-ve canin niaa, mà ɲiiya a siòònde.

Yeremi 27:12

Sɔɛi pilɛi ken koni ya dimul Sedekia masaa Yuda ni aa: «La cɛl sanga masaa Babilɔn co niaa tuisi coo-o, la tosal ndu baalaa a vanaa ndɔa, mì la baŋa yoomu niaa.

Esai 5:19

Nda co dimio ni aa: ‹Màá Hala keleŋa nin vali ndɔɔ tosa, maa o tosa ndu cɔ́-cɔ́ haliko mi n ce vɔ nin vali ndɔ kon a lehɔl! Mbɔ̀ dɛnɛ Hala Diandaa Israɛlla tuu hoo le tosaa-o tosan-ndɔ nin mì n sina vɔ!›

Esai 3:16

Mɛlɛka dimi aa: «Le co cuavaa laandua Siɔn co vanaa heelannda-o, le kɔla nda kɔa a kɛson kindio a á tofa heelanndo lan, le kɔla nda kɔa a nɛiyo ɲɛɛngi-ɲɛɛngi a bamban co nda o labɛngu-on biiŋoo vɔkɔlɔ-vɔkɔlɔ-o,

Tɔŋ miingua 28:48

la tosalnin yaamɔaa Mɛlɛka viamnin mà bii niaa-a vallo a yiaan, a bolole vesɛilen, a fɛ́lio, a pɛŋnden. La nɔnin ɲɛ-ɲɛ o ba le. Yaamɔaa kan lonin niaa yɔlɔn n'cilinndon baa o labolo háá ma cii niaa diw kpede.

Amɔs 3:1

«Niaa cuavaa Israɛlla, la yaŋ nilan ɲɛkɛndɛi o sɔɛi he, sɔɛi Mɛlɛka dimi hee niaa coo-e, ì ó dimi hee yungula o soli Esipte lan kpede coo-e. Nuaa o dimi ni aa:

Amɔs 3:2

‹O yungula co o lɛŋnden coo lan kpow tɛɛn, niaa pilɛ kpé ya hɛli ni. Lelan, i co niaa hunɔɔ kɔɔsɔɔ ɲuna le dɛnnda niaala vɔɔnndan kpow.

Esai 29:20

Kani masaa kɔlvesɛiya a cuunin kpow, vanaa mam vannda-a ve lɛnin te, vanaa va lɔan lahɔl le dɛnɛ vɔɔndo tosaa-a kpede a diwnunnin.