Misee 2:12 - BII BILA

¹² Mí Mɛlɛka dimi aa: «A toɲa, i mɔɔsiaanin niaa kpow, niaa cuavaa Yakɔb-a pɛɛn. I mɔɔsiaanin niaa nɛɛ pilɛ, niaa Israɛlaa tɔ̀a lonin yoomu-a pɛɛn. I mɔɔsiaanin niaa o hèéo nin maa n'saa, maa cɔlua nda mal o bil puiyaa nin-nda, mì la siŋnun vɛlɛ sɛ́lɛ́ bɛndoo sɔkɔ-sɔkɔ.

Misee 2:12 Referans Kwoze

Esekiɛl 36:37

Nuaa Maalii Hala dimi ni aa: «I cɛlnin vɛlɛ mì cuavaa Israɛlla piɛi ya le nda dɛnɛ kɛndɔɔ tosallo. I vangalanin vanndacieea ndaa maa kunda n'cɔlu.

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

Misee 7:14

Sim vanaa nɔmnda laci a tinda vana mandaa n'saa o ba, vanaa co kɛ́ nɔmndo-a pɛɛn. À co nda pilɛ kpé yondoo nin, o tɔlɔɔla iyɔmndan tɛɛn. Mɛɛ n tosa lɔ́ɔ́ kon a nda yɛ, kɔ a nda o yondola puiyaalan Basan nin a o lan o tàndá Kalaad-o nin.

Misee 5:7

Cuavaa tɔ̀a Yakɔb-a vanin vanaa súúla celeŋaa sɛ́lɛ́ bɛndua tɛɛn mɛɛ yàlàá va visia yondoa tɛɛn nuaa yɛ, mɛɛ yàlà téndóó va kunda cɔlua letùúa tɛɛn nuaa yɛ. Nɛɛ-nɛɛ o kei pɛ, o kpuva, o sɛɛsiaa, vana co mo hɛlu ndu ɲɛ o ba le.

Amɔs 1:12

Lelan, i co yinnden malɔɔ mì le lom kobio Teman, mì le lom vɛlɛ cɛila lemasalan Bɔsra.»

Esekiɛl 37:21

Mà dimul nda aa nuaa Maalii Hala dimi ni aa: «La tofa vɔ ya! I co cuavaa Israɛlla cua vanaa-mangalaa-isɔɔa nda kɔɛ tɛɛn-nda tɛɛn, mì soli nda ba-ba fee, mì mɔɔsiaa nda, mì mingi nda o lɛŋnde ndalen nin.

Esekiɛl 34:31

Niaa saa nia, niaa saa co o hòóla nilan nin-nda, vanndacieea niaa co ni, ya co Hala niaa ni. Ya Maalii, ya co Mɛlɛka-o soo nuaa ni.»

Esekiɛl 34:22

Le hee, i ciindiaanin saa nia haliko a va lɛ pungapungaa (vannda o ba) le. I kialunin yamɛi saa téndóó nda saa téndóó tɛɛn.

Esekiɛl 34:11

Kani nuaa Maalii, o co Mɛlɛka-o dimi ni aa: «Ya pila co nin va saa nia hɔlla landɔɔ coo ni, ya pila o ba nda co nin va ni.

Yeremi 23:3

O kon mì ya pila nuwviaa a tɔ̀a lo-a o lɛŋii yáà sɛŋi nda-e nin kpow, mì mingi nda o hèé ndaa nin. I vangalanin nda lon mà kui taw.

Esai 34:6

Mɔɛi cɔvii Mɛlɛka-e co i lɔngɔlannde a koovan, i co i lindan lingili a cuɛima n'visian, i co i lindaa a kooma saa téndéa a ma cuinaa toovia, i lɔngɔlian a cuɛima vongama saa kóndóa. Kani cɔlua sálàá co Bɔsra le sálà Mɛlɛka-o solio, vannda co o lɛŋnde Edɔm-nden nin taw le nda diwvo.

Esai 27:12

O palɛi ken nin, Mɛlɛka lɔaanin kullon mì n cɛɛlun, kandɔɔ o pee bɛndoo, kɔlan tiiya háá o pee pɔmbɔɔ Esipte, o kon niaa cuavaa Israɛlla, a cɔwviaanin niaa a pilɛn-pilɛnnda!

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Yeremi 3:18

O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»

O Kandɔɔ 36:33

Mɛɛ o vi, mí Yobab, po Sera fula Bɔsra-o koma sul masaa o fonda ndɔɔ.

Esai 5:17

Saa téndéa vanin billo dioo o ciee pɔm kon nin mɛ̀ɛ́-mɛ̀ɛ́ nda dia bil puiyaa yondoo nin yɛ. Mialla dianin ɲɛm tambɛi vanaa bolofaa mɛinin-ndon.

Misee 2:13

Vana co niaa nɛiyo bulullo-o co kɔlan niaa laci. La sɔla baŋaa, la co tɛɛngei bulio, mì la va keiyo lon, mì la va fulaa. Masa niaa co kɔlan niaa laci, Mɛlɛka pɛɛn, o co simndan niaa laci-o.»

Misee 4:8

Kɛ nɔm, pembei Yerusalɛm, nɔm co hoo maa bàndó le lɛŋnden kpalillo-o, o lo cobe ma muungu o masale nɔmnde paandulen coo. Yerusalɛm siŋnunnin vɛlɛ kobi lebollo le masalen kpow.›»

Misee 5:8

Màá ba nɔmndo hel léngbén le yaamɔaa nɔmnda fukpaa! Màá cii nda mɛɛ nda co kpede!»

1Dɛnnda lemasalan 1:44

Bela vuo, mí Yobab po Sera fula Bɔsra-o koma sul masaa o fonda ndɔɔ.

Esekiɛl 34:13

I solinin nda vanaa súúla celennda tɛɛn, mì soli nda o lɛŋnde nin, mì mɔɔsiaa nda, mì mingi nda o lɛŋnde ndalen nin. I dɔawnin nda balo o pembon Israɛl coo, o peelan kɔngɔ a o fondala vana nɔla calle nin o lɛŋnden nin-ndan nin.

Sofoni 3:20

O telen kon, i minginin niaa nanu. A toɲa, i minginin niaa nanu mì siinguu niaa vanaa tɔ́ɔ́ bɛndu-a a vanaa bɛndua o vanaa súúla celeŋaa co o lɛŋnden coo-a kpow tɛɛn. I tosanin kon tuma ya mangalanin dɛnɛ niaa niaa pila o hɔl-lo. Dion ya Mɛlɛka soo-o co kon ni.»