Misee 2:1 - BII BILA

¹ «Dɛnɛ palaa co nda cum, vanaa túù tuula vɔɔnndan, ma yíì vannda dúmbúlan o kpelela ndalan coo icɔl-la. Paalen le sɛ dɔ́ɔ́ pɛ, a peelu sɔɔn nda tuu mun-ndon.

Misee 2:1 Referans Kwoze

Condii lisai 36:4

Sɔɔn lacòòvan a sɔɔn huiyaa n'vanndon kínɛí n fula ndu o sondo ni. Dɛnɛ kɛndɔɔ tosaa solul lɛ ndu kpeku oo kpeku le.

Esai 32:7

Vana huiya n'vanndo ndu, dɛnnda ndɔlan yɔŋ vɔɔndo tuŋ. Tuula vɔɔnndan kínɛí o tuu o kɔl ndɔɔ nin ni, le vanaa ikɔɔa mɔnɛi lueiyo a sɔɔn lacòòvan, hali vana bala fondo kon nɔ bɛɛ dio o sɔɛi ken nin.

Nahum 1:11

O nɔm Ninive nin vana kon fula ni, vana va kon tuuvo le Mɛlɛka ciŋilanndo-o, ó va kon tuula tɛɛmbualan bɛɛndiaa-o pɛɛn.

Rɔmnda 1:30

congulan, Hala simullo, caanda yeowlan, yongaa, sangalanndo, yɔŋ vɔɔn bɛndu-bɛndoo a nila kalulan a vanaa velu nda-a.

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Esai 59:3

Kani bala niaalan la co lalɔngɔlɛilan a koovan, suon niaan n co n'nɔɔlɛiyon a dɛnnda vɔɔnndan, cɔcɔn niaan co còòlan dimio, mì diɛɛmui niɛi va ɲiimu-ɲiimu fondoo.

Talelan 4:16

Kani nda nda, taa tosa dɛnɛ vɔɔndo le, a hínì ma lɔl te. Taa yɔl vanacieo le, kpenndaa nda kpennda lahɔl ni.

Talelan 3:27

Taa nɔ pɛ seo, kɛ́ɛ̀ le vana co o bahavɛiyo nin-ndo kɛndɛi tosallo le.

O Kandɔɔ 31:29

Yáà nɔla mì yáà tosal niaa dɛnɛ vɔɔndo, kɛ Hala fuɲa nɔmndo soo ciɛi icɔl o ya lo, mó dimul-la aa ya caa, ya dimul nɔm ɲɛ-ɲɛ le, o va sɔɛi kɛndɛ o va sɔɛi vɔɔn.

Dɛnnda kiilaa 23:12

Diimandɔɔ idiiyo, mí Yuifia pum yii dúmbóó, má mɛnan Hala o hɔl maa a dinin te, a kolnin vɛlɛ ɲɛ-ɲɛ le te a dii Pol te.

Nsaŋ 19:11

Mí Yeesu muli aa: «A nɔ kpaaya kɛ́-kɛ̀ ya coo le, te o co mò kennun nɔm fulaa o halataala le. Lelan, vana mal-la nɔm o ba-o hiow tɛɛmbuu a nɔm.»

Tɔŋ miingua 28:32

Vanaa-mangalaa-isɔaa pum biinin poaa niaa a cuavaa niaa laandua o cɛlen nin, la lonin tofaa o nɛi le hɔ́aa kan muungoo niaa o ibuŋ háá mi la sanga, la nɔlanin ɲɛ-ɲɛ tosa le muungu ndaa le.

Dɛnnda kiilaa 23:15

Lelan, la cɛlan niaa vanaa kialaa n'yamaa lelɛŋnda, mì la kɔ dimul simlacinɔ simlacia vanaa cɔvaa kɛmɛa, mò cuu niaa Pol, mì la dimi maa la yeema mì la tofa sɔɛi ndɔɛi lenin. Naa yɛ, n co pɔɔ toosian le ndu diyɔɔ lɔ́ɔ́ pá mò hun tiiya nanu.»

Talelan 12:2

Mɛlɛka nàŋ kɔl a vana tosaa dɛnɛ kɛndɔɔ-o, mò yaala vana nɔ tuula vɔɔnndan-ndo.

Luke 20:19

Fɔ́ɔ́fɔ̀, mí vanaa sɛvaa latɔŋnda a bolii vanaa-solia-lasálàá can nɛilan nuwviaa le ndu biyɔɔ. Kani má bii bila maa le nda ndóò dimi tale kon ni. Kɛ mí siòònde bii nda a vannda.

Marke 15:1

Ɲɔɔ tengaa, mí bolii vanaa-solia-lasálàá tundu nda simlacia, vanaa pɛɛkaa latɔŋnda a vanaa bɛndua tɔ̀a kpow. Má viam vannda, má yii Yeesu, má kɔa a ndu, má kɔ mal ndu Pilate o ba.

Esekiɛl 11:2

Mí Mɛlɛka dimul-la aa: «Po vanacieo sei, vannda ha co tuula yɔŋ vɔɔnndan a silala vɔɔnndan yɔngoo o kobio ho nin ni.

Ɛstɛr 9:25

Kɛ mɛɛ Ɛstɛr fula masaa o hɔl, mí masaa sɛva le dɛnɛ vɔɔn Haman ndóò tuu kon le Yuifia tuisio coo-o mingio ndu pila o lebol, má landu ndu o yɔmndo nda poaa ndɔa.

Ɛstɛr 5:14

O kon, mí Serɛs laa ndɔ a caaŋaa ndɔa kpow a dimul ndu aa: «Mɛɛ baŋ yɔmndo bandei dunndo beleŋuɛɛnu, o kon siɔdii púŋ, a dimul masaa, vana pena ndu Mardosee kalaa landɔɔ lon. À landu pɛ ndu, nɔm kɔɛnnun niko a ɲaaloo fɛkɛi le ɲɛdiaa sɔvɛɔ dio niaa masaa.» Mí tuula lan la hɛnan Haman, mó cɛl mì yɔmndo baŋnun.

Ɛstɛr 3:8

Mí Haman dimul masaa Sɛrsɛs aa: «Vannda pum co a sɛŋiannda vannda tɛɛn o tàndàla co o masale nɔmnden nin-ndan nin. Tɔŋnda ndalan la co ɲɛ pilɛ tɔŋnda caanda le, à bii vɛlɛ tɔŋnda masaa le. Nduyɛ, taa mal nda pɛ o ba ndaa coo lende, o co dɛnɛ kɛndɛ le.

SƐBƐ YƆB-O 24:14

Ɲɔɔ và vɔ yifidii, mì vana diyaa n'vanndo cɛn, mò dii vana bala fondoo a vana ikɔɔ, o kon ɲumndan ma tol pɛ, o kɔɛ vuilen.

Talelan 14:22

Mì vanaa nɔ yiyannda vɔɔnndan-nda pɔw nɛiyo, kɛ vanaa nɔ yiyannda kɛndɛlan-nda nɔ sakpoyɛi ni, nda lo o lediom coo ni.

Esai 29:20

Kani masaa kɔlvesɛiya a cuunin kpow, vanaa mam vannda-a ve lɛnin te, vanaa va lɔan lahɔl le dɛnɛ vɔɔndo tosaa-a kpede a diwnunnin.

Esekiɛl 33:26

La co mɔɔn niaan cɔwvon tiindanndo, la co dɛnɛ nɔɔlɛiyo tosaa, o niaa tɛɛn vana-vana co suundaa a lanɔ pilaa! Yee a kon kpow la co vɔ yiyanndo maa ɲɛ niaa fasɛi lɛŋnden nden le co ni?»

Esekiɛl 38:10

Nuaa Maalii, o co Mɛlɛka-o dimi ni aa: «Paale len, yiyannda vɔɔnndan la luɛinin nɔm o kɔl, mà tuu le dɛnɛ vɔɔndo tosaa.

Esekiɛl 46:18

Simlacinɔɔ bɛnda mò cua ɲɛ-ɲɛ o ɲɛm co kɛ́ɔ le vanaa tɔ̀a-on coo mo hɛlu nda yondola ndalan o ba le. Kɛ o bɛnda mò cua ɲɛm o melnin poaa ndɔa kɛ́ɔ-von o ɲɛm ndɔn ndu pilan coo, haliko vana-vana fola lɛŋnden o vanaa nia tɛɛn te.»

Misee 6:12

Vanaa bolofaa co o kobio ho nin-nda kafalan kposon nda cal coo ni. Còòlan tuŋ vanaa co icali lenin-nda co keiyo hɔŋndo ni, huiyo kínɛí nda co vannda a diɛɛmuei nda lasondo ni.

Sakari 7:10

La luéì vanalanɔ pɔnɔ ndɔ vi-o a vííyo mɔnɛi le. La sáángiàà miallo a vana bala fondoo le. La túúnùn o lakɔl le dɛnɛ vɔɔndo tosalanndo vellaa-velle le.

1Masaa 21:7

O kon mí Yesabɛl laa ndɔ dimul ndu aa: «Vɛ̀ɛ̀ o co nɔm te co masaa Israɛl te? Cɔn ma de ɲɛdiaa, mà vannun a kɔlkɛndɔɔ. I co nɔm nakɔ n'rɛsɛn Nabɔt Yisrɛeliinɔ-o ke.»

SƐBƐ YƆB-O 15:35

Vana tuunun pɛ dɛnɛ vɔɔndo o kɔl, ndu kom dɛnɛ palaa. Ɲɛ co fula o dembe ndɔɔ nin-ndo huinin ndu pila.»

Condii lisai 36:5

O kpele ndɔɔ coo o tuu tuula vɔɔnndan icɔl ni, o cɛl le faŋanndo o nɛila vɔɔnndan coo le. O mel yɔŋ vɔɔndo le.

Condii lisai 58:3

Kafalan niaa co tosaa ni. Mɛɛ hɛnan niaa co yɛ niaa co tosaa ni. Dɛnnda kɔlvesɛilan niaa co tiwvo o lɛŋnden coo ni.

Esai 3:14

Mɛlɛka co yamɛi kaasoŋaa kɔlkalua a simlacia yungu ndɔɔ kiolɔɔ aa: ‹La cii tumnda n'rɛsɛnndan tɛɛmbuu, ɲɛm niaa puu vanaa bala fondoa o ba-on co niaa o laba o cɛila niaalan nin!

Esai 5:8

«Dɛnɛ palaa co le vanaa co cɛilan kpɔɔndiaa-a, le vanaa co ciɛɔn handɔɔ o ciɛɔn coo háá ma cii fondaa hiɔlɔɔ kpow, le calle nda pilɛ o lɛŋnden nden nin-nda!