Misee 1:8 - BII BILA

⁸ «Lelan, ya Misee i cɛɛŋunnin, mì hiiliaa, i balunin pelun fondo, mì kela kɔɔle fondo. I cɛɛŋunnin maa tivoli, mì hiiliaa maa soninkɔnɔ.

Misee 1:8 Referans Kwoze

Esai 22:4

Lelan ya dimi ni aa: «La faŋa hɔlaa niaa ya kɔɔli, la mal-la mi caŋ taw-taw. La kindikindin le ya ɲɔɔloo le dɛnɛ palaa tol vanaa niaa co o kobi nuu nin-nda coo-o le.

Yeremi 9:19

Lelan niaa vanlaandua, la yaŋ nilan o diom Mɛlɛka-o, mì nila niaalan la tuei sɔɔn co ndu fulaa o sondo-on. La pɛɛku cuavaa niaa laandua caŋ biisio, la pɛɛkuan caŋ kalaa vellaa-velle aa:

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Yeremi 4:19

«Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.

Esai 21:3

Lelan, caŋnda co ya nɛiyo mì va ɲiiya nákà-nàkà, ɲɔɔ co ya nɛiyo taw mɛɛ demboo nɛi vanalanɔ o volɔɔ nuaa yɛ. Ɲɛsuan ma kindun ya ten-ten a ɲɛ ya tueyɔɔ-o. I co ɲiiyaa nákà-nàkà a ɲɛ ya cɔu-vo.

Esai 16:9

Le ken ya co caŋndo o tumnda n'rɛsɛnndan Sibma coo ni, maa vannda Yaesɛr. Niaa co Hɛsbɔn-nda a niaa co icali Eleale-a, i pɔɔliaanin niaa a mɛmɛma niaan! Kani vɔkɔ-vɔkɔ kɔlkɛndɛ niaa cuu o malun niaa kow-von a o tɔlɔɔla niaa kɛndu lan coo.

Esai 13:21

Lon ɲaiyea yondoa kilanin bɛ̀mɛ́lta ndalan ni, hua vanin a piaa cɛilan nin ndon ca, soninkɔnɔa a kilanin calta ndalan ndon, cuinaa toovia vanin huuloo icilianciliannde lon.

Condii lisai 102:6

Mɛɛ ya lo yondaa tei, mí ɲaw, mí muungu paalan kposon.

SƐBƐ YƆB-O 30:29

I siŋnun puapilɛ tivolla, mí siŋnun vɛlɛ vanayɛi hua.

1Samiɛl 19:24

Mí ndu bɛɛ solin volɔɔlan lekɔɔ maa caanda, mó muungu diom Hala-o tɛɛnguuo Samiɛl o hɔl. Mó del lɛŋ kɔɔle fondo, mó niinu ihini lon kpɛŋ, mó lɔl vɛlɛ pii. Lelan vannda dimì ni aa: «Mò va maa vana-tɛɛngaa-diom Hala-o Saul bɛɛ siŋnun ni?»

Esai 13:22

Sulukua vanin kuuliaa o cɛila kɛndɛ-kɛndɛla ndɔlan nin, tivolla vanin busɔɔ o cɛila lemasalan nin. Tuma ndɔɔ co nin le tiiyaa, nduyɛ palɛi ndɔɛi bendunin te.

Esai 32:11

Lelan, la ɲiiya a siòònde, niaa vanlaandua buulan te-a! La yɔŋnun yoloma-yoloma, niaa vanlaandua saalan haa isɔɔ le-a! Niaa pila yungan, la solin volɔɔlan lekɔɔ, la lo tumnda fondo mì la kandan caŋnda!

Esekiɛl 32:18

«Po vanacieo sei, somisomin sɛ́lɛ́ bɛndoo Esipte coo. Tuisi nda a cuavaa vanaa-mangalaa-isɔɔa kpaaya bɛndua latulu o puuloo bɛngu lɛŋ di-di, nɛɛ vanaa co tolɔɔ o soon yingilaa nin-nda co-a.

Misee 2:4

Paale len le hun tiiya pɛ, vannda diminin taloo a niaa o sondo, mà soli condii imɔnɛi aa: ‹Mbɔ̀ naa n cuu itambu! Yondola naalan a ɲɛm nan cuu naa hiɔlɔn. Yaamɔaa naa cii mun piɔvan. Le yɛɛ nda co yɛ naa mun hiɔlɔɔ o ba?›

2Masaa 18:13

O vɔsi tɔ́ a o hiɔɔlundɔɔ nin o masale Esekia len bɛngu, mí Sennakerib masaa Asiri hinul kobila va o kpakilan nin o tàndá Yuda-o nin-ndan kpow a cɔwvo, mó bii lan.

Ɛstɛr 4:1

Mardosee ndóò sinaa dɔ́ɔ́ dɛnnda va lan yɔŋnɔnndo lan kpow, mó sɛɛsian volɔɔlan lekɔɔ, mó vownun yalala yuululan, mó vownun pultan o lebol. Mó fula kobio balɔɔ, mó va yondaa kpélén a mɔnɛi.