Misee 1:7 - BII BILA

⁷ Piɔmaa ndɔa kpow a piɔsinin, mì ɲɛm nda ke ndu-on kpow n ŋɔɛ o yin. I pesinin piɔmaa ndɔa nda sɛl kan-nda, kani a sala suunda ndɔɔ o cuungiaa nda ni. Le sala suunda pilɛ kon koni nda vanin vɛlɛ ni.›»

Misee 1:7 Referans Kwoze

Tɔŋ miingua 23:18

«Suunda leyulaa bɛnda mò va cuavaa laandua Israɛlla tɛɛn te, o bɛnda vɛlɛ mo va poaa Israɛlla tɛɛn te.

Osee 2:12

A toɲa, i ciinin ndu bɛ̀ɛ̀lan mì siɛmbulan la tol ndu sámáá ndɔa o hɔl kpendekele. Vana-vana kuunanin ya ken tosa le.

Dɛnnda cɔɔmuanndan 18:3

Kani vanaa-mangalaa-isɔɔa kpow a kol mɔima kɔltuwma dɛnɛ laasiɛi ndɔɔ. Masaa co o lɛŋnden coo-a vow balan o dɛnɛ laasiɛi ndɔɔ nin, mì yulaa co o lɛŋnden coo-a sul a kpaaya co o bolofaa dɔ́ɔ́ nin-ndo.»

Osee 8:6

Kani Israɛl naw téndé niaa kon fula ni. Vana cɔavaa pum cɔw ndu ni, o co hala le o co le. Lelan, le naw téndé kon Samari pesipesinnin vɔ́-vɔ́.

Dɛnnda cɔɔmuanndan 18:9

Masaa kɛ́-kɛ̀ co o lɛŋnden coo, má del ndu kɔɔli o laasianndo a o ɲɛm ndɔn kɛndɔn nin caŋnin mà cɛɛŋun le ndu telen nda canin kumnde helɔɔ o ndu lomɔɔ-o.

Yɔɛl 3:3

I tosanin dɛnnda kaamaalan o halataala a o lɛŋnden coo: koovan, yinnden a tindile ikumnden.

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.

Esai 27:9

Nuaa cuavaa Yakɔb-a sɔlanin baŋaa a tɛɛmbuu ndaa ni, tofa vɔ kɔmnde fulanin o haki nda malnin nda-o nin-nden, Mɛlɛka siinguunin powta nda cɔw máánnda soolaalan-ndan, maa powta humbula cuinun mì la cacun maa cundu lan, yɔmii soolɛi a piɔmaa nɔ tuulaa maa lepala-a la muungu lɛnin isisi lɔ́ɔ́-lɔ́ɔ̀ le.

2Dɛnnda lemasalan 31:1

Kafoo cuvɔɔ, mí Israɛlaa va lon-nda kpow a kɔa o kobila va o tàndá Yuda-o nin-ndan nin, má pesipesi powta sálàlan a sooluula va lon-ndan. Má tɛɛmbuu tombon a máánnda va o lɛŋnde len nin-ndan, a la va o tàndá Bɛnyamɛn-ndo nin-ndan kpow. Má pesipesi vɛlɛ la va o tàndá Efraim-ndo nin a o tàndá Manase-o nin-ndan kpow. O kon kɔɔli, má muungun o kobila ndalan nin, vana-vana o ndu lo.

Tɔŋ miingua 9:21

Ɲɛ niáà sooluu mí niáà pilan Hala tana-o yɛ, piɔm niáà cɔw kon a hɔlla maa naw téndé-o, mí cua ndu, mí mal ndu o yin, mí pesipesi ndu, mí cui ndu mululu, mí saŋ ndu o mɛmma pee pɔmbɔ tuusu pembei-yo-on nin.»

Tɔŋ lasálàá 26:30

La nɛinunnin ya háá mì tɛɛmbuu sooluula niaalan, mì pesi máánnda niaala niaa loam ansan coo lan, mì handu niaa a vílɛ́iya o piɔmaa niaa piɔsiɛiya coo.

1Samiɛl 5:4

Diimandɔɔ pilɔɔ vɛlɛ, má pena cɔnɔn idiiyo púŋ, má saalun vɛlɛ Dakɔn o kuumbuan lɛŋ o kesu kpema Mɛlɛka-o hɔl-ndɔ. Bungɛi daama ndíì lonin ndu ni, kani mí bolle ndɔlen le piɔsi, mí bala ndɔlan bɛɛ la yomiyomi, mí la sɛŋin o kèédei máán kon coo.

Esai 2:18

Piɔmnda kpow a ve lɛnin te.

Esai 23:17

O vɔsila belaŋɔmmɛwla lan mɛɛlulan, Mɛlɛka yiyannin kobio Tir coo. O kon, Tir muungunin vɛlɛ o tɔnɔ suunda ndɔɔ nin, o suundanin vɛlɛ a masɛi co o lɛŋnden coo-e kpede.

Esekiɛl 6:6

Nɛɛ-nɛɛ niaa co icali, kobila lan la piɔlnin vɔ́-vɔ́, fondala soolaala niaalan la tambunin háá mì máánnda niaala yɔŋ vɔɔnnda lan la piɔsi. Piɔmaa niaa yomiyominin mà cuu kpow, bonyun fuusan niaan cuinunnin mì ɲɛm niaa cɔw mun-ndon ɲum pɔ́lì.

Osee 2:14

I tɛɛmbuunin nakɔla n'rɛsɛnnda ndɔlan a nakɔla n'voosula ndɔla o va dimio aa: ‹Sámáá nia ke ya lan ni› lan. I co lan siinguu bundɔɔ mì visia yondoa de lan.

Osee 8:5

Éé niaa Samaria! La viow nin naw tova téndé niaa cɔw hoo a sianion-ndo. La tùùlú ya bɔɔ kɔllo nin. Háá lɔ́ɔ́ kuɛɛ niaa lo yɛnin bumbaa le dɛnnda vana yaala niaa coo le lan tosaa?