Misee 1:6 - BII BILA

⁶ Maalii dimi aa: ‹Lelan, i co Samari mingi bémbélan kposon, mì mingi ndu yondo tɔalaa rɛsɛnndo, mì pimbul powta ndɔlan o bóllo nin dí, mì soli nɛɛ o kilan lɛŋ-nda ceen déŋ.

Misee 1:6 Referans Kwoze

Esekiɛl 13:14

I pesipesinin kpaki niaa yikpa-o, mò komba lɛŋ vuluvulu. Fonda o kilan coo-o fulanin ceen. Kpaki kon kombanin mì niaa vi o bémbélan bɛngu. O kon niaa sinanin ni maa ya co Mɛlɛka ni.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Cɛɛŋɔnnda Yeremi lan 4:1

«Kpòkóó! Vɛ̀ɛ̀ sianin sɔvɛɔn mun n looku yɛ sɔvaa, sianin diandan mun pɛɛn? Powta diandaalan la cuu saŋnɔn o sɔngila nɛila pɔmbɔlan kpow.

2Masaa 19:25

Nɔm Sennakerib, a sina vɔ le? A tui maa paandu nin pá le ya Mɛlɛka bɛɛndiaa dɛnɔɔ ho le? Paandu nin pa ya toosiaa mun ni, nihau ya co dɛnɛ kon peeloo ni. Baala nɔmndo co le kobila co o kpakilan nin-ndan mingio bémbélan ni.

Matie 24:2

Kɛ mó dimul nda aa: «La ce mɛɛ o co kpede yɛ le? I co niaa toɲaa dimul, powvo pilɛ bɛɛ lonin o powvo coo le, la co koombiaa kpow.»

Habakuk 3:13

A fula le vanaa nɔmnda ciindiaa, le vana n pɔla-o baŋaa. A yɔl masa yungu vanaa kɔlvesɛiya, má tɛɛmbuu ndu few-few.

Amɔs 5:11

A vɛlɛ, la co vana bala fondoo nɛwvo o lebol, la co ndu malun ndɔn poondaa o ba a paa-kala. Lelan, cɛila niaa tangul tan a powtan-ndan, la luenin lenin te few. Rɛsɛŋun kɛndɛ-kɛndɛn niaa tɔl mun-ndon, la kolnin mɔima ndɔan te.

Yeremi 51:37

I co Babilɔn mingi bémbélan, nɛɛ tivolla vanin-nda, mì vannda pieow kobi kalaa a siòònde, má yonda a mɔnɛi.

Yeremi 51:25

«Nɔm ya bii tɔ́ɔ́yaa ni, nɔm Babilɔn, nɔm pembii va lɛŋnden kpede tɛɛmbuuo-e, i co nɔm baa holɔɔ, mì ɲindu nɔm fulaa o powta kpovalan coo, mì mɛndul nɔm yinnde bɛndulen coo.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Esai 25:12

Niaa Moabua, Mɛlɛka koombiaanin kpakila niaalan a fondala mayoomula niaala vana tiwba luɛyɔɔ nin te lan, o koombiaanin ndan mì la deli o cundoo nin lɛŋ.

Esai 25:2

Kani a siinguu kobio ho bémbé bɛndu lapowvo, a mingi kobi mayoomoo ho bémbélan kposon. Fonda mayoomu vanaa súú celennda ha tambu, le fɛɛn nin o tengulun ndɛnin te.

2Samiɛl 17:13

Te o sɔndan pɛ mò kɔ vionnun o kobio pum nin, naa Israɛlla kpow n kɔ baa yoei o kobi kon, n nan ndu háá o pee pɔmbɔɔ, hali powvo ndu pilɛ bɛɛ lonin ndon te.»

Esai 17:1

Sɔɛi Mɛlɛka dimi le tambii Damas-e-e co hee ni: O lo ɲɛ-pɔmbɔ cobe, Damas ve lɛnin kobi le, kɛ o siŋnunnin bémbélan kposon!

Yeremi 31:5

Má mingi nakɔla n'rɛsɛnndan soli o pembon Samari coo, o kon mì vanaa lanakɔa de lan tɔnɔ.

2Masaa 18:9

O vɔsi hiɔɔlundɔɔ nin o masale Esekia le bɛngu, vɔsi kon va vɔsi ŋɔmmɛwndɔɔ o masale Osee po Ela-o len bɛngu Israɛlla coo ni, mí Salmanasar, masaa Asiri hinul kobio Samari a cɔwvo, mó tiila ndu.

2Masaa 18:10

Vɔsilan tan yáá o kon kɔɔli, má bii kobi kalaa. Vɔsi kon yɔŋnun vɔsi ŋɔmpumndɔɔ o masale Esekia len bɛngu ni, vɔsi kon koni yɔŋnun vɛlɛ vɔsi ŋɔmahiɔɔlundɔ o masale Osee len bɛngu Israɛlla coo ni. Vɔsi kon nda bii kobio Samari ni.

Amɔs 6:8

«Maalii, o co Mɛlɛka-o mɛnan a ndu pila, ɲɛ Mɛlɛka, Hala-Nɔ-Kpaayaa-Kpow-vo dimi-o co hoo ni aa: ‹Yonga cuavaa Yakɔb-a tɛɛmbuu ya kɔllo, i yeema lɛ cɛila ndala lemasalan te. Lelan, i co hunɔɔ kobio Samari a ɲɛm co lenin-ndon malɔɔ yaamɔɔa o ba.