Misee 1:3 - BII BILA

³ Kani la tofa vɔ, Mɛlɛka co fulaa o calta ndɔlan nin mò va tolɔɔ, o co kɔlan a nɛwvo o pembun co o lɛŋnden coo-on coo.

Misee 1:3 Referans Kwoze

Amɔs 4:13

Kani la tofa vɔ! Vana cɔw pembon a hoeiye-o, vana cɔm vanacieo yiyannda ndɔlan-ndo, vana mangala ɲɛ-tengaa paale siaa ɲumndan-ndo, ó co kelaa o pembun co o lɛŋnden coo-on coo-o, diola ndɔlan aa Mɛlɛka, Hala-Nɔ-Kpaayaa-Kpow-vo.»

Esai 26:21

Kani la tofa vɔ, Mɛlɛka co fulaa o calta ndɔlan nin le vanaa co o lɛŋnden coo-a soŋɔ̀ɔ́, le dɛnnda vɔɔnnda ndalan. Lɛŋnden le solinin kooma deli lecoo-an ceen vakpa, le vin ndɛnin vanaa nda diw lecoo-a le.

Tɔŋ miingua 32:13

Mó heelu nda o pembun lelɛŋndon coo, mó dɔaw nda balo a ɲɛm vaanun o ciɛɔn nin-ndon, mó yɔngu nda lɛma luɛi o powta kpovalan nin-ndan le deembuuo, mó dɔaw nda balo a cuɛima fula o powta bandílálan nin-ndan.

Habakuk 3:19

Mɛlɛka, o co Maalii nuu-o co yoomuma nian ni. O siinguu pelun maa pelun kial, mò tosa mí va kelaa o pembon coo. Condei he fula o sɛbɛ simlacinɔ vanaa n'condua nin. A ɲɛ-caa iyoo nda soli ndi ni.

Condii lisai 115:3

Hala naa co o halataala, o co hɛnan ndɔɔ kpow tosaa.

Esekiɛl 3:12

O kon mí kɔl Mɛlɛka-o cua ya coocoo, mí tuɛinun vɔkɔ-vɔkɔ bɛndoo ya kɔɔli aa: «Duaa co le biilu Mɛlɛka-o o fonda calta ndɔlan la co-o nin!»

Esai 25:10

Kani ba Mɛlɛka-o co o pembei he coo, lɛŋnde Moab len le nɛwnunnin a labɛngu o fonda ndɔɔ, mɛɛ vana nɛw foeende o sállo coo nuaa yɛ.

SƐBƐ YƆB-O 40:12

Tofa vɔ hau vanaa yongaa kpow ma tundu nda. Ciimiaa vɔ vanaa kɔlvesɛiya o foofo.

Tɔŋ miingua 33:29

Duaa co le niaa, niaa Israɛlla. Kani vana-vana siiman a niaa le. Vanaa Mɛlɛka ciindiaa-a niaa co ni, ndu co kɔ̀ɔ̀ cɔw co niaa manda-o ni, ndu co vɛlɛ mɔɛi cɔvii cɔlɔba le niaa-e ni. Yaamɔaa niaa sangalanin niaa, kɛ niaa la helnin o fondala yesalan coo o lɛŋnde ndalen nin.»

Sakari 14:4

Pelun ndɔn pilannin ɲinkon Pembii oliviei, i co Yerusalɛm o hɔl-ndɔ a ba paalen le can-ndo-e pɛɛn. Pembii oliviei ken tɛndanin tɛɛn kpala-kpala, kandɔɔ a ba paalen le can-ndo háá ba le del-lo, mì ból bɛndu-bɛndoo del o fonda kon. Pembei kpengei pilɛ nannunnin a ba luaŋ-ndo mì kpengei pilɛi nannun a ba too.

Amɔs 9:5

Maalii, Mɛlɛka-Nɔ-Kpaayaa-Kpow-vo co lɛŋnden pilanndo mi le va tengaa mɛɛyɛɛ. Vanaa co icali o lɛŋnde kalalen nin-nda kpow, a co o dɛnɛ palaa nin. Lɛŋnden kpow le co helɔɔ cɔfuu maa mɛnndan Nil o peelo. Le co vɛlɛ tolɔɔ maa peo Nil, o co Esipte-o.