Misee 1:2 - BII BILA

² «Niaa sei! Niaa vannda súúlan kpow, la yaŋnun. Yaŋnun, nɔm lɛŋnden a ɲɛ-ɲɛ co lenin. Maalii, o co Mɛlɛka-o lonin o calta ndɔla diandaalan nin mò kɔɔsal niaa.

Misee 1:2 Referans Kwoze

Esai 1:2

«Niaa co o halataalaa-a, la yaŋ nilan! Niaa co o lɛŋnden coo-a, la yaŋnun! Kani Mɛlɛka co sɔɛi. I dɔw cuawva balo, mí manda nda, mí soli nda lenin, kɛ a simul-la a nila kalulan.

Condii lisai 11:4

Mɛlɛka co o Cɛi ndɔ Diandaa nin, o halataala kpɛŋɛ ndɔ lemasaa co ni. O co lon mò va cuàà n'vanndacieea tofaa lɛŋ. Hɔlta ndɔlan la co nda mɛɛndanndo.

Dɛnnda cɔɔmuanndan 3:22

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.›»

Dɛnnda cɔɔmuanndan 3:13

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.»

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Habakuk 2:20

Mɛlɛka caando co lende le, o co o cɛi ndɔ diandaa nin, lɛŋnden kpow le bɛnda mì le mei ndu o hɔl.

Yonas 2:7

Mi toal o mɛmma ihɛllan bɛngu, nɛɛ pembon cɛn tum-nda dí. Ciee-piɔ́m ndóò va nin sɔkɔma ndɔan kindaa ya kɔɔli le lɔ́ɔ́-lɔ́ɔ̀. Kɛ nɔm Mɛlɛka Hala nuu, ma kɔ soli ya o soon bɛndu kon nin.

Yeremi 22:29

Lɛŋnde nilen, niaa vanaa co o lɛŋnde nilen nin-nda, la tuei-yɔ ɲɛ Mɛlɛka dimi-o.

Condii lisai 50:7

Hala co dimio aa: ‹Yungu nuu, la yaŋnun, mì soo. Niaa Israɛlla, i tɛndanin seilen a niaa o kɔɔ, ya co Hala ni, Hala niaa pɛɛn.

Dɛnnda cɔɔmuanndan 3:6

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.»

Dɛnnda cɔɔmuanndan 2:29

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.›»

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Dɛnnda cɔɔmuanndan 2:11

Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»

Malasi 2:14

Mì la muungu ɲunaa aa: ‹Ko le yɛɛ nɛ o co yɛ naa tosallo lende?› Kani Mɛlɛka pila co seiyo niaa tɛɛn niaa lanɔ n yil o felengiyɛi nɔmnde nin-ndo ni. Ndu yɔŋnun vanalanɔ n yiilu kpemaa-o ni. Kɛ a lo o lediom coo le, má hui ndu.

Yeremi 29:23

Mààla nda co tosaa o lɛŋnde Israɛl-ten nin-ndan la co lan ni: a co suundaa a laandaa caanda, mà va còòlan dimio a ya o sondo. Nduyɛ, i vim nda le. I sina ken kpow, i co lesei.» Sɔɛi fula Mɛlɛka o sondo-e co ken ni.

Yeremi 6:19

Lɛŋnden, yaŋnun. I co dɛnɛ palaa tuisi vannda ha coo, tɔnɔ yiyannda ndalan co kon ni. Kani a yeŋ nilan o tɔŋ nuu le, má kɛɛ sɔɔn nun.

Condii lisai 50:12

Te yiaan máà va ya pɛ nɛiyo, i ve niaa bɛɛ ɲɛ-ɲɛ dimul te, kani ceendo a ɲɛm co lenin-ndon kpow, ya nɔ ni.

Condii lisai 50:1

Condei. Condii fula o condun Asaf-on nin-nde. «Hala-Hiow-Ɲɔɔn-Kpow-vo soo. O veelu vanaa co o lɛŋnden coo-a, cɔnɔnndo nɛɛ paalen le can-nda, kɔlan háá nɛɛ le del-la.

Condii lisai 28:2

I va pɛ nɔm diomndo solullo le nɔm tɛɛlɔnndo, i heelu pɛ balan o Fonda nɔm diandaa, a yandi, tuei ya diom.

Condii lisai 24:1

Condii David-e. Mɛlɛka nɔ lɛŋnden a ɲɛm co lecoo-on ni, ndu koni nɔ vɛlɛ ceendo a ɲɛ-ɲɛ co lecoo ni.

Tɔŋ miingua 32:1

«Nɔm halataalaa, yaŋ nilan mì soo. Niaa vanaa co o lɛŋnden coo-a, la yaŋ nilan o sɔɔn co ya fula o sondo-on.

Masaa kialaa n'yamaa 11:10

Mí kaasoŋaa kɔlkalua Kalaad dimul Yɛfte aa: «Mɛlɛka co naa lesei, n cua ciɛ́ɔn le ɲɛ n dimul naa-o tosaa.»

1Masaa 22:28

Mí Misee mɛnalan ndu aa: «Taa muungu nanu kɛndia a á kɔlɲuloo pɛ few, mɛɛ o co Mɛlɛka le vem ya nɔm sɔɔn mun tɛɛngullo le!» Mó dimul vɛlɛ vannda aa: «Niaa vannda súúlan kpow, la yaŋnun.»

2Dɛnnda lemasalan 18:27

O kon mí Misee mɛnalan ndu aa: «Taa muungu pɛ nanu kɛndia a o kɔlɲuloo nin few, mɛɛ o co Mɛlɛka le vem ya nɔm sɔɔn mun tɛɛngullo le!» Mí Misee dimul vɛlɛ vannda aa: «Niaa vannda súúlan kpow la yaŋnun mì la va lesei!»

Esai 18:3

Niaa vanaa co o ceendo coo-a kpow, niaa co icali o lɛŋnden coo-a kpow, la tofa vɔ lɛfɛ nda co heeloo o pembon coo-o. La yaŋ-ndɔ nilan mì la tuei bulu co hɔŋnɔnndo-o!

Esai 50:7

Kɛ Maalii Hala co ya malaa, lelan i tembu labɛɛ le, le kɔlɔ kon ya veesiaa hɔlaa niaa ni, kani i sina maa siɛmbula biinin ya mì cuu labɛɛ le.

Yeremi 42:5

Má mulul Yeremi aa: «N tosanin sɔɔn Mɛlɛka Hala nɔmndo dimulnin nɔm le naa tɛɛngullo-on. Ndu Mɛlɛka kon co sei toɲaa a sei sandaa le mɛnan naa n co hoo-o ni.

Talelan 8:4

«Niaa vanndacieea sei! Niaa ya co veeloo ni. O niaa lo ya co sɔɛi nuaa ni.

Yonas 2:8

Tuma yoomoo va faŋanndo ya o milinndo, mí yiyan a nɔm Mɛlɛka o kɔɔ, o kon mí piɛile nilen le hel háá o nɔm ndo, o calta nɔmndan nin dí.