Misee 1:16 - BII BILA

¹⁶ La suingin yiinde o lebol, la sendin tembeltan le poaa niaa niaa kaola-a taw-va. La sendin yungultan maa n'duàà, kani a kɔanin a poaa niaa o biyɔɔ nin niaa levil polon.»

Misee 1:16 Referans Kwoze

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

Yeremi 7:29

Mɛlɛka dimi aa: «Kiolun yiinde, mà viow, hel o pembon coo mà cɛɛŋun! Niaa vannda paalen nden hau, niaa tuulu ya kɔllo ni, i yeema lɛ niaa le, i kɛɛ niaa.

SƐBƐ YƆB-O 1:20

Yɔb ciiyo sɔɔn mun tueyɔɔ kpede, mó can tangban, mó sɛɛsiaa doma ndɔ bɛndoo ndu lekɔɔ, mó sendi tembello. O kon kɔɔli, mó del lɛŋ, mó baŋ vulan,

Amɔs 8:10

I mangalanin kafola niaalan dɛnnda palaalan, mì mangala condun niaan caŋndan. I tosanin mì vannda kpow a yiwnun volɔɔla biisilan o caŋ, mì vannda kpow a sendin tembeltan. I tuisin lɛŋnden dɛnɛ palaa coo mì ɲɔɔ siŋnun maa biisi pole pilɛ. Kon kpow mɛɛlunnin maa paale sanga bɛndu.

Yeremi 16:6

Vanaa bolofaa te kon te vanaa bala fondoa vunin o lɛŋnden nden nin, vana venin le nda kumbɔɔ le, vana venin le nda caŋ te. Vana-vana mɔnɛi biinin mò keŋnun vaasan lekɔɔ, te kon te mò sendin tembello le biisi ndaa le.

Yeremi 6:26

«Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.

Esai 15:2

Vannda co helɔɔ o cɛi máándo nin, a co kɔlan Dibɔn. A co kɔlan o fondala soolaalan le caŋndo, vannda hel Nebo a Medeba ma va somisominndo. Vannda kpede a sendi bolle, nda kpow a sendi siaiyon.

2Masaa 17:6

O vɔsi ŋɔmahiɔɔlundɔɔ nin o masale Osee len bɛngu, mí masaa Asiri bii Samari, mó kɔa a Israɛlaa va lon-nda o biyɔɔ nin o lɛŋnde ndɔlen nin. Mó kɔ kɛsi nda o tàndá nɔ diolan aa Halah-o nin, o peo Habɔr kɔngɔ, o lɛŋnde Kosan-nden nin a o kobila Mɛdea nin.

Tɔŋ miingua 28:41

La vialunin poaa a cuavaa laandua, kɛ a venin sumialii niaa mì la de nda tɔnɔ le. Kani vannda biinin nda ma kɔɛ a nda o cɛlen nin.

Yeremi 47:5

Vannda sendinnin tembeltan Kaasa. Vannda meinin Askelɔn kpili-kpili. Niaa vanaa lonin yoomu-a yɛ, háá lɔ́ɔ́ kuɛɛ niaa va yɛnin vaasan kioŋnɔnndo lekɔɔ?

Amɔs 7:11

Kani nuaa o co dimio ni aa: ‹Mɔɛi cɔwve co Yeroboam diyɔɔ ni. A biinin Israɛlla mà kɔɛ a nda o cɛlen nin lɛŋnde ndalen levil polon.›»

Amɔs 7:17

Lelan, tuei-yɔ sɔɛi Mɛlɛka dimi-e: ‹Laa nɔm luɛinin o suundaa o kobio ho nin. Poaa nɔmnda a cuavaa nɔmaa laandua cɛɛlunnin a vílɛ́iya o mɔɛi cɔwve bɛngu. Yondola nɔmndan la piɔwnunnin a yoolen. Nɔm pila vunin o lɛŋnde nɔɔlɛilen coo. Vannda biinin cuavaa Israɛlla mà kɔɛ a nda o cɛlen nin lɛŋnde ndalen levil pɔ́-pɔ́!›»

Yeremi 4:8

Lelan, la vownun yalala yuululan mì la koŋul, mì la hiiliaa, kani kɔltuw Mɛlɛka-o bindunin niaa le.›

Cɛɛŋɔnnda Yeremi lan 2:19

Cɔn ma lɔl yondaa pii. Tɔɔnun kɔl cɛ́kɛ́lɛ́ Mɛlɛka o hɔl. Heelu balan o ndu lo mà piɛi ndu le cuavaa nɔmaa co vuo o nɛilan coo a yiaan-nda.