Misee 1:1 - BII BILA

¹ Sɔɔn Mɛlɛka dimul Misee fula Moresɛt-o-on co mun ni. O palɛi Yotam, Ahas a Esekia a va masalen tosaa Yuda-o o dimul ndu mun ni. A Samari a á Yerusalɛm o kɔɔ o ce vundule len ni.

Misee 1:1 Referans Kwoze

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

Esai 1:1

Vundule Esai, po Amɔt-o ce o dɛnɛ tàndá Yuda-o coo a o kobio Yerusalɛm coo len. Dɛnnda lan la cɔmnun ndu o palɛi masaa Osias, masaa Yotam, masaa Ahas a masaa Esekia a va masalen tosaa o tàndá Yuda-o coo-e nin.

Osee 1:1

Sɔɛi Mɛlɛka dimul Osee po Beeri-o-e yɔŋnun hee ni. O telen kon Osias, Yotam, Ahas a Esekia kei masalen tosaa o tàndá Yuda-o coo ni. Mí Yeroboam po Yoas-o ndu va masalen tosaa Israɛl.

Amɔs 1:1

Sɔɔn Amɔs soo-on yɔŋnun mun ni, vana mandaa n'cɔloo pilɛ Amɔs va o vanaa mandaa n'cɔlua Tekoa tɛɛn ni. Sɔɔn o soo mun-ndon cɔmnun ndu a dɛnɛ Israɛlla o kɔɔ tuma Osias masaa Yuda a Yeroboam masaa Israɛl, po Yoas-o a va o masalen coo-o. Vɔsilan tan tiɔn o kon kɔɔli, mí lɛŋnden le ɲiiya.

Misee 1:5

Mun kpow n yɔŋnun le yɔŋnda vɔɔnnda cuavaa Yakɔb-a, a le hakila yungu Israɛl-lo. Nɛ̀ɛ́ vem yɛ Yakɔb Mɛlɛka simullo? Vɛ̀ɛ̀ o co Samari le? Nɛ̀ɛ́ vem yɛ Yuda balan lueiyo o piɔmnda sooloo? Vɛ̀ɛ̀ o co Yerusalɛm te?

Amɔs 6:1

Dɛnɛ palaa co niaa cum, niaa connun icali o ba niaa coo yili Siɔn-nda, a niaa connun icali o ba niaa coo o pembon Samari coo-a. A toɲa, dɛnɛ palaa co niaa cum, niaa vanaa bɛndua co o lɛŋnde co lɛŋnde taselen o lɛŋii tɔ̀i tɛɛn-nde nin-nda. O niaa lo cuavaa Israɛlla co kɔlan a kiltan ni.

Osee 8:14

Cuavaa Israɛlla pɔɛɛnun vana cɔw nda-o mà tengulun cɛila lemasalan. Yudaa tengulun kobila mayoomulan taw. Kɛ i co hunɔɔ kobila ndala lan malɔɔ yin, mì yinnden le lom cɛila lemasala lan.»

Osee 4:15

Éé niaa Israɛlla, la luɛi bɔɔ suundaa! Mbɔ̀ màá Yudaa nda va lɛ lende le! La kɔa o fonda diandaa Kilkal te, la hel Bɛt-Avɛn te. La mɛnan o diola Mɛlɛka yoomaa le!

Esai 7:9

Samari co kobi lebollo le tàndá Efraim-ndo ni, po Remalia-o yɛ, ndu co masa lebollo le kobio Samari ni. Lelan te la sim yili o laalanndo nin te, la nɔlanin simullo yili le.›»

Habakuk 1:1

Yoongu Hala cɔɔmul Habakuk, vana-tɛɛngaa-diom Hala-o-o.

2Piɛr 1:21

kani o co a yiyan ivanacieeya le vanaa-tɛɛngaa-diom Hala-a dimi sɔɔn nda dimi-on te, kɛ o kpaaya Kɔl-Diandaa bɛngu vanndacieea tɛɛnguu diomnda Hala lan ni.

2Masaa 15:5

Mí Mɛlɛka tuisi masaa Asaria nàà siaŋaa coo, má yàà ndu lándán o cɛiyo pum nin ndu pilɛ kpé. Lon o lo a nàà kon ni háá mó vu. Yotam po ndɔ va simlacinɔɔ o cɛi lemasaa nin ni, ndu va vɛlɛ simlacilen tosaa vannda coo o lɛŋnde len nin kpow ni.

2Masaa 15:32

O vɔsi diinndɔɔ nin o masale Peka po Remalia-o len bɛngu o lɛŋnde Israɛl-ten coo, mí Yotam po Osias-o siŋnun masaa Yuda.

2Masaa 16:1

O vɔsi Peka po Remalia-o suili vɔsilan tɔ́ a laŋɔmmɛw o masalen coo Israɛl-lo, mí Ahas po Yotam-ndo siŋnun masaa Yuda.

2Masaa 18:1

O vɔsi Osee po Ela-o suili vɔsilan layàá o masalen coo Israɛl-lo, mí Esekia po Ahas-o siŋnun masaa Yuda.

2Dɛnnda lemasalan 28:1

Ahas ndóò nɔ vɔsilan bidiin, mó siŋnun masaa. Mó tosa masalen Yerusalɛm vɔsilan tɔ́ a laŋɔmpum. O kela kela kɛndɛ Mɛlɛka Hala ndɔɔ o hɔl maa David fuɲa ndɔ mama le.

2Dɛnnda lemasalan 29:1

Esekia ndóò vɔsilan bidiin a laŋuɛɛnu mó siŋnun masaa. Mó tosa masalen vɔsilan bidiin a laŋɔmahiɔɔlu Yerusalɛm ciee. Abiya kala ndɔ ndóò nɔ diolan ni, cua Sakari-o o va ni.

Esai 7:1

O telen Ahas, po Yotam-ndo, po imama Osias-o va masalen tosaa o tàndá Yuda-o coo-o, mí Resin va masaa Aram-ndo hel Yerusalɛm nda Peka po Remalia va masalen tosaa Israɛl-lo, le kɔlan kobio delɔɔ coo a cɔwvo. Kɛ a tiwba le Yerusalɛm tiilaa le.

Misee 3:9

«Niaa sei! La yaŋnun sɔɛi he, niaa simlacia co cuavaa Yakɔb-a coo-a. Niaa simlacia cuavaa Israɛlla, niaa nɔ nɛyɔn dɛnɛ sandaa mí la va sandei tundɔɔ-a pɛɛn.

Esai 1:2

«Niaa co o halataalaa-a, la yaŋ nilan! Niaa co o lɛŋnden coo-a, la yaŋnun! Kani Mɛlɛka co sɔɛi. I dɔw cuawva balo, mí manda nda, mí soli nda lenin, kɛ a simul-la a nila kalulan.