Matie 9:8 - BII BILA

⁸ Sɛ́lɛ́ va lon-ndo cɔu dɛnɛ kon, mí siòònde bii nda, má biilu Hala le vanndacieea kpaaya vaa lende yɔngoo.

Matie 9:8 Referans Kwoze

Luke 7:16

Mí siòònde bii vannda kpow, má mel Hala balika, má dimi aa: «Vana-tɛɛngaa-diom Hala kaamaa hin o naa lo», má dimi vɛlɛ aa: «Hala hin vanaa ndɔa mala!»

Matie 15:31

Lɔ́ɔ́ sɛ́lɛ́ bɛndu kon ce boboa sɔɛi, vanaa falun vílɛ́iya siongɔɔ, namtaa kɔlan sakpo a vanaa sumɛiya cɔu-vo, mí kɔndɔfili bɛndoo bii nda, má candu Hala Israɛlla.

Dɛnnda kiilaa 4:21

O kon, mí simlacia kialaa iyamaa lelɛŋnda kɔngɔlan nda vɛlɛ, o kon kɔɔli, má mal nda. A ci nɛi oo nɛi nda tuisi nda sangaa coo le. Kani vannda kpow a va Hala candɔɔ le dɛnɛ oo tosan kon-ndo.

Luke 23:47

Bolle vanaa cɔvaa kɛmɛa cɔw ɲɛ yɔŋnun-ndo, mó biilu Hala, mó dimi aa: «A toɲa, vana sandaa langbanɔɔ ho va ni.»

Luke 17:15

Vana pilɛ va nda tɛɛn, Samarinɔɔ o va ni. Mɛɛ o saalun maa o sengu, mó muungu pila nɛɛ Yeesu va-a a Hala balikaa mello coocoo. Mó kɔ del o kuumbuan Yeesu o labɛngunin, mó mel ndu balika.

Marke 2:12

Fɔ́ɔ́fɔ̀, mó can vannda kpow o hɔl, mó cua ɲɛ ndɔ hinia, mó fulan. Mí kɔndɔfili bɛndoo bii nda, má biilu Hala a dimio aa: «Kabi bɛɛ, n ci vɔ dɛnɛ vaa nuaa le.»

Kalatea 1:24

Má va Hala biiloo a ya o kɔɔ.

Nsaŋ 15:8

La yɔngu pɛ komɔɔ kɛndɔɔ taw, mì la siŋnun kaandeŋaa nia, Fuɲa nuu sɔla biiloo.

Luke 13:13

Mó handu ndu balan coo. Fɔ́ɔ́fɔ̀, mí vuɛɛndo sim sakpo, mó va Hala sangalaa.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Dɛnnda kiilaa 21:20

Mɛɛ nda tuei sɔɔn mun, má candu Hala. O kon kɔɔli, má dimul Pol aa: «Puapilɛ naa, a ce mɛɛ Yuifia taw a siŋnun vanaa Krista-aa yɛ, nda kpow a co vɛlɛ tɔŋndo biyɔɔ ɲɛkɛndɛi.

Marke 7:37

Mí kɔndɔfili bɛndu-bɛndoo bii nda, má va dimio aa: «Dɛnnda kaamaalan tuŋ o tosa ni, hali boboa, mò tosa mà tuei, mà soo.»

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Matie 12:23

Mí kɔndɔfili bɛndoo bii sɛ́lɛ́ va lon-ndo, má va dimio aa: «O co po David-o le co hoo le?»

Matie 5:16

Ɲɛ-tengaa niaa bɛnda mò tenga lende vannda o hɔl, haliko ma ce dɛnnda niaala kɛndɛlan, o kon mà biilu fuɲa niaa co o halataala-o.»

Matie 9:7

Mí langbanɔɔ can, mó kɔannun o ndu lo.

Luke 2:20

O kon kɔɔli, mí vanaa mandaa n'saa muungun. A va Hala biiloo, ma va ndu candɔɔ le dɛnnda nda tuei má ca lan kpow, mɛɛ mɛlɛkanɔɔ ndóò dimul nda yɛ.

Luke 17:18

A tɔ̀a kpede, vana-vana hin mò hun mel Hala balika le, fɔ miallo ho!»

Luke 18:43

Fɔ́ɔ́fɔ̀, mó ca maa paandu. Mó bii kɔlan Yeesu kɔɔli a Hala candɔɔ. Vannda kpow cɔu dɛnɛ kon, má biilu Hala.

2Korɛntea 9:13

Le mɛɛ niaa co baala kɛndɔɔ ho tosaa yɛ, vannda biilunin Hala le sɔɔn niaa bii mì la va cɔmndo maa la co kelaa o Yoongu kɛndɛ Krista-o coo-o. A melnin vɛlɛ ndu balika le bala niaa co mɔɔsiaa nɛɛ pilɛ, mì la va ɲɔɔn pɔvianndo-on, a le tùú niaa co vanaa celen kew-vo.

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.