Matie 9:6 - BII BILA

⁶ Nduyɛ mɛɛ mì la sina maa Po vanacieo nɔ kpaayaa le hakilan malɔɔ o lɛŋnden coo.» Mí Yeesu dimul langbanɔ falun vílɛ́i kon aa: «Cɔn, cua yala nɔmndo mà muungun o nɔm ndo.»

Matie 9:6 Referans Kwoze

Matie 9:5

I kuɛɛ hiow yɛ va bɛɛn-bɛɛn o sɔɔn miunndon mun nin, dimio aa: ‹Hakila nɔmndan la malnun haki›, a dimio aa: ‹Cɔn ma kela?›

Esai 43:25

Ya ni, ya ɲumi biondɔnnda niaalan le kaola ni ya pilaa ni, nduyɛ, i loonun ndɛnin hakila niaalan te.

2Korɛntea 2:10

Te la mal pɛ vanndo haki le tɛɛmbuu o tɛɛmbuu-o, ya bɛɛ i mal ndu haki. Kani o kɛ́-kɛ̀ ya mal pɛ haki, i mal ndu haki le niaa Krista o hɔl,

Kolɔsea 3:13

La biwnan vellaa-velle mì la tosalan kɛndɛi. Te vanndo nɔ pɛ ɲɛ o kɔl a vanndo pilɔɔ, la malnan lahaki mɛɛ Krista mal niaa haki yɛ.

Efɛsea 4:32

La va vanaa kɛndɛa, mì la kaolian vellaa-velle. La malnan lahaki maa mɛɛ Hala mal niaa haki o Krista nin yɛ.

2Korɛntea 5:20

Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

Dɛnnda kiilaa 9:34

Mí Piɛr dimul ndu aa: «Enee, Yeesu Krista singi nɔm! Cɔn ma cua vala nɔmndo.» Fɔ́ɔ́fɔ̀, mí Enee can.

Dɛnnda kiilaa 5:31

Mó heelun ndu ikɛi, mó kɔ kɛsin ndu o ba ndɔ kɛndɔɔ coo, mó siinguu ndu Masaa a Vana Ciindiaa, haliko mi Israɛlla mal yɔŋ vɔɔndo, mà mangalan, mì hakila ndalan la malnun haki.

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

Nsaŋ 10:28

I yɔngu nda yoomu fɛɛn-fɛɛndo. A vinin lɔ́ɔ́-lɔ́ɔ̀ le, nduyɛ vana-vana solinin nda ya o ba le.

Luke 5:21

Mí vanaa pɛɛkaa latɔŋnda a Faliisia a kandu yiyanndo aa: «Vana súú yɛɛ co yɛ ho sɔɔn tanan dimio a Hala o kɔɔ? Ɔ́ɔ̀ vana tiwba mò mal vana haki-o, te o co Hala ndu pilɛ kpé le?»

Marke 2:10

I yeema mi la sina maa Po vanacieo nɔ kpaayaa o lɛŋnden coo le hakilan malɔɔ.» O kon mó dimul vana nàà aa:

Marke 2:7

«Le yɛɛ langbanɔɔ ho co yɛ sɔɛi nuaa? Sɔɔn tanan o co dimio a Hala nuaa ni. Nɛ̀ɛ́ nɔla yɛ vana hakilan malɔɔ, te o co Hala ndu pilɛ kpé le?»

Matie 8:20

Mí Yeesu mulul ndu aa: «Kàá nɔ buulula nda lɔl nin-ndan, yovaa co kelaa coocoo-a bɛɛ a nɔ vɛɛnde, kɛ Po vanacieo ndu nɔ bɛɛ nɛɛ yambaa lebol te.»

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

Matie 4:24

Mí tɔ́ɔ́ ndɔɔ tiw o lɛŋnde Siri len nin kpow. Má va ndu vanaa lanàà súú-súù ka, vanaa bolii hiŋnannda, vanaa ɲinaa vɔɔnda va kɔɔli-a a vanaa kikiɲaa cuuo. A va ndu vɛlɛ vanaa falun vílɛ́iya cuuo, mí Yeesu va nda singio.

Matie 9:2

Má cuu ndu vana falun vílɛ́iyo ihini o yalaa nin. Yeesu ndóò cɔu laalan ndaa, mó dimul vana nàà kon aa: «Kindi diallon, po nuu! Hakila nɔmndan la malnun haki.»

Matie 9:7

Mí langbanɔɔ can, mó kɔannun o ndu lo.

Nsaŋ 5:8

Mí Yeesu dimul ndu aa: «Cɔn, cua ɲɛ hinia nɔmndo ma kɔɛ!»

Nsaŋ 5:27

Mó ke ndu dio le yamɛi kiolɔɔ, kani Po vanacieo o co ni.