Matie 9:26 - BII BILA

²⁶ Mí tɔ́ɔ́ kon tiw o bungɛi ken nin kpow.

Matie 9:26 Referans Kwoze

Matie 4:24

Mí tɔ́ɔ́ ndɔɔ tiw o lɛŋnde Siri len nin kpow. Má va ndu vanaa lanàà súú-súù ka, vanaa bolii hiŋnannda, vanaa ɲinaa vɔɔnda va kɔɔli-a a vanaa kikiɲaa cuuo. A va ndu vɛlɛ vanaa falun vílɛ́iya cuuo, mí Yeesu va nda singio.

Marke 1:45

Kɛ langbanɔ kon fulaa dɔ́ɔ́, mó kandu ndi keelaa a yondaa le vannda ndi dimullo. Le kɔlɔ kon, Yeesu ndóò nɔla lɛ luɛyɔɔ o kobi oo kobi nin te, fɔ o vionnɔnndo nin. O cieon kɔɔli, o lɛŋnde veselɛilen nin ndóò lo nin ni, mì vannda ndáà fula nɛɛ-nɛɛ ka le kɔlan o ndu lo.

Dɛnnda kiilaa 26:26

Masa ya co sɔɔn mun dimullo-o sinà dɛnndan ndan, lelan i tiwba mì soo ndu o hɔl a tiindanndo. Nduyɛ, i laalan maa o kɛ́-kɛ̀ co ndu mial te, kani o co dɛnnda hiow o vionnɔn nin te.

Marke 6:14

Mí masaa Herɔde tuɛi sɔɛi ken, kani Yeesu ndóò kela nin tɔ́ɔ́ taw. Mí vannda va dimio aa: «Nsaŋ Vana-yinaa tendu fulaa vanvílɛ́iya tɛɛn, o fula ciee-piɔ́m mó muungu yoomu, lelan o nɔ kpaayaa le dɛnnda kaamaalan tosaa nuaa ni.»

Matie 9:31

Kɛ ndáà fulaa dɔ́ɔ́, má sɛŋi ndu tɔ́ɔ́ o tɛɛn kon nin kpede.

Marke 1:28

O kon, mí tɔ́ɔ́ ndɔɔ keleŋa tiw cɔ́-cɔ́ o tàndá Kalile-o nin kpow.

Luke 4:14

Mí Yeesu muungu Kalile a kpaaya Hala Kɔl-Diandaa. Mí tɔ́ɔ́ ndɔɔ sɛŋin o lɛŋnde len nin kpow.

Luke 4:37

O kon, mí tɔ́ɔ́ Yeesu-o tiw nɛɛ-nɛɛ ka o tàndá kon nin kpow.

Luke 5:15

Kɛ mí tɔ́ɔ́ ndɔɔ cɔɔlu sɛŋin, mí vannda cuungian sɛ́lɔ́ɔ́ le ndu nilan yaŋɔɔ a le nda singio a naala ndalan.

Luke 7:17

Mí vannda sɛŋi dɛnɛ Yeesu tosa kon-ndo o tàndá Yuda-o nin a o sɔndɔkɔltaa balu lon-ndan nin kpow.