Matie 9:15 - BII BILA

¹⁵ Mí Yeesu mulul nda aa: «Mialaa hin vana yil lanɔɔ sɛnɛi-yo o bɛngu coo-a nɔla pá mà yii hɔlla, te vana yil kon lanɔɔ sɛnɛi-yo co vɔ pɛ nda tɛɛn? Telen vanin mà faŋa ndu nda tɛɛn, o kon nda biinin sumndo ni.

Matie 9:15 Referans Kwoze

Dɛnnda cɔɔmuanndan 19:9

Mí mɛlɛkanɔɔ dimul-la aa: «Sɛva aa: ‹Dɛnɛ kɛndɔɔ co le nda, vanaa sɔla veeloo le ɲɛdiaa kafo yiyaa nɔ Saa téndóó-a.› O kon mó dimul-la aa: ‹Sɔɔn toɲan Hala-on co mun ni.›»

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

Dɛnnda cɔɔmuanndan 21:2

Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Dɛnnda kiilaa 14:23

O kunda vanaa Hala-a kɛ́-kɛ̀ nin, má kɛsi simlacia, má piɛi Hala, má bii sumndo, má sɔaa nda Mɛlɛka nda laalan-ndo o ba.

1Korɛntea 7:5

Pɔnɔɔ a lanɔɔ bɛnda mà kɛyan cɛinin te, fɔ dɔ́ɔ́ ma cɛlan le telen bingi cuaa le piɛilen. Kɛ nduyɛ, te telen kon cuu dɔ́ɔ́ pɛ, a muungu diom pilɛ, yɔŋii Setana tɔɔndan nda, kani a tiwnin kɔlta ndalan ba le.

Nsaŋ 16:6

Kɛ le mɛɛ ya dimul niaa lende yɛ kɔlta niaalan la co o sangaa nin ni.

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

2Korɛntea 11:27

I sanga, mí yɔkpa, i va lɔan lahɔl telenndan lapum, yiaan a bolole vesɛilen le va ya palaa. Lɔ́ɔ́ lepum, i va sumndo biyɔɔ, hoeiye va ya biyɔɔ, i va a fɛ́lio.

Matie 9:14

Tuma pum, mí kaandeŋaa Nsaŋ-nda hun o Yeesu lo, má ɲuna ndu aa: «Le yɛɛ nɛ naa a Faliisia n co yɛ sumndo biyɔɔ, kɛ kaandeŋaa nɔmnda nda co sum biyɔɔ le?»

Matie 9:16

Vana-vana cue pɛngɛi kola sɛnɛiyo ma hol ndi pɛɛmaa o volɔɔ cuɛinan paandoo le, kani te pɛngɛi kola sɛnɛii ken i kindu pɛ volɔɔ cuɛinan paandu kon, ɲɔɔ cɔɔlu sɛɛsa taw.

Marke 2:19

Mí Yeesu mulul nda aa: «Caaŋaa vana yil lanɔɔ sɛnɛi-yo nɔla pá sumndo biyɔɔ telen vana lanɔ sɛnɛi kon co nda ikɛi-yo? Taa co vɔ pɛ latulu nda vana lanɔ kon, a nɔla sumndo biyɔɔ le.

Marke 2:20

Kɛ paale vanin mì vana lanɔɔ faŋan nda tɛɛn, o telen kon nda co sumndo biyɔɔ ni.

Luke 5:34

Mí Yeesu mulul nda aa: «Telen vana yil lanɔɔ sɛnɛi-yo co caaŋaa ndɔa ikɛi-yo, vɛ̀ɛ̀ la nɔla pá caaŋaa ndɔa kan dimul ma bii sumndo?

Luke 5:35

Kɛ palɛi pum co hunɔɔ tiiya, mì vana vuɛɛn sɛnɛi kon faŋan nda ikɛi. O kon, mà bii sumndo.»

Luke 17:22

O kon, mó dimul kaandeŋaa ndɔa aa: «Telen pum co hunɔɔ tiiya, la yeemanin le Po vanacieo cɔu paale pilɛ, kɛ la cinin paale len te.