Matie 9:14 - BII BILA

¹⁴ Tuma pum, mí kaandeŋaa Nsaŋ-nda hun o Yeesu lo, má ɲuna ndu aa: «Le yɛɛ nɛ naa a Faliisia n co yɛ sumndo biyɔɔ, kɛ kaandeŋaa nɔmnda nda co sum biyɔɔ le?»

Matie 9:14 Referans Kwoze

Matie 6:16

«Telen niaa co va o sumndo nin-ndo, la yii hɔlla maa vanaa muuluannda le. Kani nda, a cɛn pɛ a ɲaandiaa hɔlla le vannda cɔmndo maa o sumndo nin nda co ni. Mì dimul niaa toɲaa, a cii vɔ̀ngɔ̀ ndaa sɔla.

Nsaŋ 3:25

Mí sɛɛngianndo can kaandeŋaa Nsaŋ-nda tɛɛn nda Yuifinɔɔ pum a dɛnɛ dindinndo o kɔɔ.

Nsaŋ 4:1

Yeesu sinaa maa Faliisia tuei maa ndu Yeesu co hiovɔɔ kaandennda sɔlaa le nda yinɔɔ a Nsaŋ,

Matie 11:2

Nduyɛ, Nsaŋ lo o kaasoo, mó tuɛi a dɛnnda Krista lan o kɔɔ. Mó viam kaandeŋaa ndɔa le kɔlan ɲunaa aa:

Talelan 20:6

Vannda taw a co cɔmnɔnndo maa a lò o lediom coo, kɛ nɛ̀ɛ́ nɔla yɛ vana lò o diomnden coo-o saalɔn?

Matie 9:15

Mí Yeesu mulul nda aa: «Mialaa hin vana yil lanɔɔ sɛnɛi-yo o bɛngu coo-a nɔla pá mà yii hɔlla, te vana yil kon lanɔɔ sɛnɛi-yo co vɔ pɛ nda tɛɛn? Telen vanin mà faŋa ndu nda tɛɛn, o kon nda biinin sumndo ni.