Matie 9:13 - BII BILA

¹³ La kɔ nuwviaa kɔlɔ sɔɛi he aa: ‹Vannda ɲííye tuinɔnndo hɛnan ya ni, o co sálàlan solio le.› Kani o co vanaa sandaa le ya hin veelu le, kɛ vanaa lahakia.»

Matie 9:13 Referans Kwoze

Marke 2:17

Mí Yeesu tuɛi sɔɛi ken, mó dimul nda aa: «O co vanaa connun kɛndia-a le a nɔ makoo a vana singiaa le, kɛ a co a nààlan-nda. O co vanaa sandaa le ya hin veelu le, kɛ vanaa lahakia.»

Luke 19:10

Kani Po vanacieo hin le vanaa va o lou nin-nda nuwviaa, mò ciindiaa nda.»

Osee 6:6

Lou o lediom coo hiow ya hɛnan a sálàla n'cɔlulan. Hala sinaa co fisa a sálàla loamaalan solio.»

Luke 5:32

O co vanaa sandaa le ya hin veelu le, kɛ vanaa lahakia, haliko ma mal yɔŋ vɔɔndo, ma mangalan.»

Matie 12:7

Te niáà bii pɛ kɔlɔ sɔɛi he bila aa: ‹Vannda ɲííye tuinɔnndo hɛnan ya ni, o co sálàlan solio le›, la ve vanaa tɛɛmbuu haa isɔɔ le-a yaala le.

Talelan 21:3

Kela sandaa a dɛnɛ toɲaa tosaa hiow Mɛlɛka hɛnan a ndu sálàlan solullo.

2Piɛr 3:9

Mɛlɛka tamala le sɔɛi o dimi-e peeloo maa mɛɛ vanaa pum a yiyan yɛ le. Biuvɔnndo o biwnun niaa ni, o yeema mì vana pilɛ bɛɛ lo le, kɛ o yeema mì vannda kpow a mangalan.

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Matie 3:2

mó va dimio aa: «La mal yɔŋ vɔɔndo mì la mangalan, kani masale halataala len le co le tiiyaa.»

Dɛnnda kiilaa 5:31

Mó heelun ndu ikɛi, mó kɔ kɛsin ndu o ba ndɔ kɛndɔɔ coo, mó siinguu ndu Masaa a Vana Ciindiaa, haliko mi Israɛlla mal yɔŋ vɔɔndo, mà mangalan, mì hakila ndalan la malnun haki.

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Matie 4:17

Cɔn nin a telen kon, mí Yeesu kandu yondaa, mó va dimio aa: «La mal yɔŋ vɔɔndo mì la mangalan, kani masale halataala len le tiiyaa.»

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Matie 3:8

Mɛɛ la cɔm niko o dɛnnda niaalan nin maa la mangalan lekɛ́ndɛi dɛ!

Dɛnnda kiilaa 20:21

I veelu Yuifia a vanaa co N'Yuifi le-a le vulan baŋɔɔ Hala o labɛngunin, a le Maalii naa Yeesu laalanndo.

Matie 21:42

O kon mí Yeesu dimul nda aa: «Kabi bɛɛ la ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni? Mɛlɛka o ba dɛnɛ kon fula ni. Dɛnɛ kaamaa bɛndoo co kon naa o hɔl ni.›

Matie 12:3

Kɛ mí Yeesu mulul nda aa: «La ci ɲɛ David tosa-o o sɛvaa le, ɲɛ o tosa telen yiaan ma va ndu nɛiyo nda vanaa va ndu kɔɔli-a-o?

Marke 12:26

Le dɛnɛ vanvílɛ́yaa muungoo yoomu yɛ, la ci o sɛvaa o sɛbɛ Moise-o nin ɲɛ Hala dimul ndu o bɔɔ leyinndo ikɛi-yo le aa: ‹Ya co Hala Abraham-ndo ni, Hala Isaak-o a Hala Yakɔb-o.›

Nsaŋ 10:34

Mí Yeesu mulul nda aa: «O co o sɛvaa o tɔŋ niaa nin maa Hala dimi aa: ‹halaa niaa co ni.›

Matie 19:4

Mó muli aa: «Vɛ̀ɛ̀ la ci o sɛvaa maa vanapɔnɔɔ nda vanalanɔɔ le Vana cɔw ɲɔɔn-ndo ndóò cɔw o tasendɔ le?

Matie 12:5

Te kon te, la ci o sɛvaa o tɔŋndo nin te maa vanaa-solia-lasálàá va tɔŋ paale pɛngiaa tɛɛmbuuo o Cɛi-Hala-o nin, kɛ a ve kasi delɔɔ le?

Luke 10:26

Mí Yeesu mulul ndu aa: «Yɛɛ co yɛ o sɛvaa o tɔŋndo nin? Vɛ̀ɛ̀ n bii yɛ ndu bila?»

Marke 12:33

Vana kaola ndu pɛ a kɔllo kpow, a kɔlkaloo kpow a á kpaayaa kpow, mì vana kon kaola vɛlɛ caanda maa ndu pila, kon hiow sálàla loamaalan kpow a sálàla súú-súù ka.»

Luke 5:31

Mí Yeesu cua sɔɛi, mó mulul nda aa: «O co vanaa co kɛndia-a le nɔ makoo a dɔtɔlɔnɔɔ le, kɛ vanaa lanàá.