Matie 8:8 - BII BILA

⁸ Mí simlacinɔ kon muli aa: «Maalii, i co o sɔvɛ le nɔm kɔlan o ya lo cɛinin te. Dimio bɛɛ n dimi ni maa o siongu, o nɔla mo sengu.

Matie 8:8 Referans Kwoze

Condii lisai 107:20

Mó yaa diomndo, mí diom kon kɔ singi nda, mó soli nda ciee-piɔ́m.

Condii lisai 33:9

Kani o soo pɛ, sɔɛi ken peelun, o dimi dɔ́ɔ́ pɛ ɲɔɔ tosan.

Matie 8:3

Mí Yeesu siɛndi baa, mó pilan ndu, mó dimi aa: «I cɛl, siongu!» Fɔ́ɔ́fɔ̀, mí nàà siaŋa va ndu-o siangu.

Nsaŋ 1:27

I bɛnda bɛɛ le yoei ndɔɛi lasamtai timbio le.»

Luke 5:8

Mɛɛ Simɔn Piɛr ce ɲɛ yɔŋnun-ndo, mó del Yeesu o labɛngunin, mó dimul ndu aa: «Maalii, vana lahakio ya co ni, lelan faŋan ya ikɛi.»

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Luke 15:21

Mí poo dimul ndu aa: ‹Pua, i cua hakio a Hala, i cua vɛlɛ hakio a nɔm, i nɔ lɛ di ma veelu ya aa po nɔm te.›

Luke 15:19

I nɔ lɛ di ma veelu ya aa po nɔm te. Bii ya maa vana nɔm baala.›

Matie 3:14

Kɛ mí Nsaŋ va kaasiaa, mó va dimio aa: «Ya bɛnda le yinɔɔ sɔlaa nɔm o ba ni, mí nɔm muungu hunɔɔ o ya lo!»

Kundalan 20:8

«Cua tinda nɔmndo mì la cuungiaa sɛ́lɔ́ɔ́ nɛɛ pilɛ niaa Aarɔn bɛ nɔm. A cuungian pɛ, la dimul pow kpovaa ho nda o hɔl le mɛmma ndɔan yɔngoo. O kon, a solul sɛ́lɔ́ɔ́ mɛnndan o pow kpovaa ho, a koesi nda a cɔlua ndaa.»

Condii lisai 10:17

Nɔm Mɛlɛka, a co yeemɛi vanaa bala fondoa tueyɔɔ, a co nda yoomuan lueiyo, a co nilan yaŋɔɔ o cɛɛŋɔnnda ndalan,

O Kandɔɔ 32:10

O kon kɔɔli, mí Yakɔb piɛi aa: «Éé Hala Abraham fuɲa ni mamaa! Hala Isaak fuɲa ni-o! Nɔm dimul-la ni aa ya muungu vanaa nia o ibuŋ o lɛŋnde nilen nin, má tosal-la dɛnɛ kɛndɔɔ.

Matie 8:7

Mí Yeesu dimul ndu aa: «I co lakɔ ndu singi.»

Matie 8:9

Kani ya co hoo-o, vanaa co ya bollen-nda co. I nɔ vanaa cɔwva ya o ba bɛngu. O ya dimul pɛ aa ‹Kɔ›, ndu kɔɛ, i dimul pɛ o celen aa ‹Hun›, ndu hin. I vem pɛ vana ni baalaa le ikɛ́-kɛ̀ tosaa, o tosa.»