Matie 8:26 - BII BILA

²⁶ Mó dimul nda aa: «Le yɛɛ niaa co yɛ a siòònde? Laalan niaa dɔɔnan dɛ!» O kon, mó can, mó kpaa hoeiye a mɛnndan, mí ɲɔɔ mei o lepilɔɔ doŋ.

Matie 8:26 Referans Kwoze

Condii lisai 65:7

Nɔm simi pembon yili a yoomuma nɔmndan ni, kani vana kpaaya bɛndoo n co ni.

Condii lisai 89:9

Éé Mɛlɛka, Hala-Nɔ-Kpaayaa-Kpow-vo! Ɔ́ɔ̀ vana nɔ kpaayaa maa nɔm-ndo? A vownun lo o lediom coo maa lavolɔɔ.

Matie 6:30

Te Hala cuɛi-yɔ pɛ billo yondoo nin, o co hau kɛ mò hun va siɔdii viowɔn o yin-ndo, vɛ̀ɛ̀ o kɛɛ yɛnin niaa vanndacieea cuɛyɔɔ hiovɔɔ billo coo? Mbɔ̀ laalan niaa dɔɔnan bɔɔ!

Rɔmnda 4:20

Sika bii ndu mò kɛɛ kpema Hala yiilu ndu-o laalan te, kɛ mí laalan ndɔɔ luei ndu yoomuan, mó biilu Hala.

Matie 16:8

Yeesu biyɔɔ sɔɛi nda va ken-nde bila, mó dimul nda aa: «Le yɛɛ niaa co yɛ dimio niaa pila tɛɛn aa: ‹Le bulu naa n cue loo o co dimio nuaa ni›? Laalan niaa dɔɔnan bɔɔ dɛ!

Dɛnnda cɔɔmuanndan 10:2

Sɛbɛ pɔmbɔɔ pum va ndu o ba o kumbiaa. Mó kɛsi pelii ndɔɛi ba kɛndɛi o mɛmma ihɛllan coo, i ba mɛlle o lɛŋnden coo.

Habakuk 3:8

Vɛ̀ɛ̀ mò va maa a peela bɛndulan Mɛlɛka tambu kɔl nuaa ni? Mò va maa a peelan n tuulu kɔl ni? Vɛ̀ɛ̀ a mɛmma a ihɛllan n dɔwnun tumbé ni má va helɔɔ o soa nɔmnda coo a o ɲɛla ɲaanannda nɔmnda kpaayala soa nan-ndan coo-o?

Nahum 1:4

O kɔngɔlan mɛmma ihɛllan, mí ma vela sɛ́ɛ́n. Ndu veeliaa peelan kpow ni. Bil puiyaa Basan a hoo o pembei Karmɛl yɛngullo vesa kékélé. Yandɔɔ billo Liban ɲɔfɔliaa.

Esai 63:12

Ndu hiilu ba ndɔ ivanabɛnduyaa Moise o o ba kɛndɔɔ coo ni, mó tɛnda mɛmma ihɛllan nda o hɔl, le tɔ́ɔ́ bɛndu fɛɛn a fɛɛndo sɔlaa.

Matie 8:27

Mí kɔndɔfili bɛndoo bii vanaa kan kpow, má va dimulanndo aa: «Vanaciee súú yɛɛ co yɛ hoo? Hali hoeiye a mɛnndan ma bii sɔɛi ndɔɛi!»

Matie 17:20

Mí Yeesu mulul nda aa: «Kani la nɔ laalan bɔɔ le. I co niaa toɲaa dimul, niáà nɔ pɛ laalanndo maa kulii mutarde, niáà nɔla mi niáà dimul pembei he aa: ‹Faŋan o fondaa ho, mà kɔɛ o nda›, mì ndíì faŋan. Ɲɛ-ɲɛ niáà bumbanin tosa le.

Luke 4:35

Mí Yeesu deŋul ɲina vɔɔn kon aa: «Mei ma fula langbanɔɔ ho nin!» Mí ɲina vɔɔn kalaa mal langbanɔ kon lɛŋ vannda kpow o hɔl, mó faŋan ndu kɔɔli, o yɔŋ ndu ɲɛ-ɲɛ le.