Matie 8:18 - BII BILA

¹⁸ Yeesu mɛɛndanndo sɛ́lɛ́ óò balu ndu-o, mó dimi le taŋɔɔ kɔngɔɔ leeloo.

Matie 8:18 Referans Kwoze

Luke 8:22

Paale pilɛ, mí Yeesu luɛi o dɛ̀ndɔ̀ɔ́ nin nda kaandeŋaa ndɔa, mó dimul nda aa: «N taŋnun o dalaa kɔngɔɔ leeloo.» O kon, má can kɔlan.

Nsaŋ 6:15

Yeesu sinaa maa a va ndu hunɔɔ baŋɔɔ mì ndóò siŋnun masaa, mó kɔannun vɛlɛ o pembei coo ndu pilɛ kpé.

Marke 4:35

Paalen delɔɔ ɲinkon, mí Yeesu dimul kaandeŋaa ndɔa aa: «N taŋnun o kɔngɔɔ pilɔɔ!»

Matie 14:22

O kon kɔɔli, mí Yeesu dimul kaandennda le luɛyɔɔ o dɛ̀ndɔ̀ɔ́ nin, mà hiow ndu laci le muungoo o kɔngɔɔ pilɔɔ. O telen kon, mó dimul vannda le muungoo o la nda lo.

Marke 8:13

O kon kɔɔli, mó faŋan ndon, mó luɛi o dɛ̀ndɔ̀ɔ́ nin le taŋɔɔ o kɔngɔɔ pilɔɔ.

Marke 6:45

Sɔɔn mun cuvɔɔ dɔ́ɔ́, mí Yeesu baŋ kaandeŋaa ndɔa helɔɔ o dɛ̀ndɔ̀ɔ́ nin le ndu hiovɔɔ laci o kɔngɔɔ pilɔɔ, a kpengii kobio Bɛtsaida, o kon mì ndu pila koma lo sɛ́lɔ́ɔ́ mingio.

Marke 5:21

Mí Yeesu taŋ o kɔngɔɔ pilɔɔ o dɛ̀ndɔ̀ɔ́ nin. Mɛɛ o taŋ lɛhau dɔ́ɔ́, mí sɛ́lɛ́ bɛndoo cuungian ndu ikɛi. A va o mɛmma ihɛllan kɔngɔ.

Matie 8:1

Yeesu tolɔɔ pembei, mí sɛ́lɛ́ bɛndoo kɔa ndu kɔɔli.