Matie 8:16 - BII BILA

¹⁶ Paalen delɔɔ, má cuu ndu vanaa nààla ɲinaa. Mó soaa, mí ɲinaa va vanaa kan kɔɔli-a ɲaanun. Mó singi vanaa lanàá kpow.

Matie 8:16 Referans Kwoze

Fulaa 15:26

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

Luke 4:40

Paalen léè delɔɔ, mí vanaa-vanaa ndáà nɔ vanaa lanàà súú-súù ka-a a hun a nda o ndu lo, mó handu nda balan coo a pilɛn-pilɛnnda, mó singi nda.

Matie 14:14

Ndóò fulaa o dɛ̀ndɔ̀ɔ́ nin, mó ca vannda sɛ́lɛ́ bɛndoo, mí ɲííye bii ndu a nda, mó singi namtaa va lon-nda.

Dɛnnda kiilaa 5:15

Mí vannda kandu hunɔɔ a vanaa lanàá o nɛilan coo, má va nda yɛɛmbuuo o ɲɛla hinialan coo a o valalan coo, o kon te Piɛr ndóò va pɛ hiovɔɔ, vundule ndɔlen léè pilan vana pum o nda tɛɛn.

Marke 5:8

Kani nuaa Yeesu va ndu dimullo ni aa: «Ɲina vɔɔndo, fula langbanɔɔ ho nin!»

Matie 12:22

O kon kɔɔli, má cuu ndu bobonɔ sumɛi ɲina vɔɔndo va kɔɔli-o. Mó singi ndu, mí bobonɔ kon kandu dɔ́ɔ́ sɔɛi a cɔu.

Marke 2:3

Má cuu ndu vana falun vílɛ́iyo pum, vannda nda hiɔɔlu cua ndu ni, má hun a ndu.

Matie 9:2

Má cuu ndu vana falun vílɛ́iyo ihini o yalaa nin. Yeesu ndóò cɔu laalan ndaa, mó dimul vana nàà kon aa: «Kindi diallon, po nuu! Hakila nɔmndan la malnun haki.»

Marke 9:25

Yeesu cɔu sɛ́lɛ́ bɛndoo dengelanndo, mó soaa a ɲina vɔɔn kon, mó dimul ndu aa: «Ɲina vɔɔn kuuna vana tueyɔɔ a sɔɛi-yo, i co nɔm dimul, fula poombɔɔ ho nin, muungu lɛ ndu nin te dɛ!»

Matie 8:33

Mí vanaa va nda mandaa-a ɲaanun, má kɔa ciee, má kɔ dimul vannda dɛnɛ yɔŋnun-ndo kpede. Kɛ taama-taama o yɔŋnun a langbaa ɲinaa vɔɔnda va nin-nda-o.

Matie 8:15

Mó pilan ndu baa, mí dialun tuwvon pɛngi. Mí ndu lefoo Piɛr kalaa can, mó ke Yeesu ɲɛdiaa.

Luke 4:41

Mí ɲinaa vɔɔnda bɛɛ va fulaa vanaa siama nin, ma va deŋio aa: «Po Hala-o n co ni!» O kon, mí Yeesu kpaa nda, o cɛl mà soo le, kani má sina maa Krista o co ni.

Luke 13:12

Mɛɛ Yeesu ce ndu, mó veelu ndu, mó dimul ndu aa: «Vuɛɛndo, namtale nɔmnden le cuu.»