Matie 8:15 - BII BILA

¹⁵ Mó pilan ndu baa, mí dialun tuwvon pɛngi. Mí ndu lefoo Piɛr kalaa can, mó ke Yeesu ɲɛdiaa.

Matie 8:15 Referans Kwoze

2Masaa 13:21

Paale pilɛ niko, a va vana vílɛ́iyo pum kumbɔɔ, kpafii má ca kunda vanaa del kan vannda coo-a hunɔɔ, má viaw vana vílɛ́i kon o sɛi Elise-o nin a kiltan. Mí dialun vana kon kɔ pilan paala Elise lan, mí vana kon muungu yoomu. Mó can ɲaali, mó sim o pelun ndɔn coo.

Luke 8:54

Kɛ mí Yeesu saa cuaambɔɔ baa, mó dimi a diom bɛndoo aa: «Cuaambɔɔ, cɔn!»

Marke 1:41

Mí ɲííye bii Yeesu a ndu. Mó siɛndi baa, mó pilan ndu, mó dimi aa: «I cɛl, siongu!»

Matie 20:34

Mí ɲííye bii ndu a nda, mó pilan nda hɔltan. Fɔ́ɔ́fɔ̀, má ca, má del ndu kɔɔli.

Matie 14:36

Má ɲɔɔlu ndu, haliko mi ndóò cɛl mi vanaa lanàá ndáà pilan bɔɔle doma ndɔɔ daama. Nduyɛ, vanaa pilan ndu domaa-a kpow, má sɔla siongɔɔ.

Matie 9:29

O kon, mó pilan nda hɔltan, mó dimi aa: «Màá o tosalan niaa mɛɛ laalan niaa co yɛ!»

Matie 9:20

Fɔ́ɔ́fɔ̀, mí vanalanɔɔ pum sɔɔnguu Yeesu a makɔɔ, vanalanɔ kon va pulɔn ivanalanɔyaa cɔu le vɔsilan tɔ́ a latiɔn, mó pilan bɔɔle doma bɛndu Yeesu-o.

Matie 8:3

Mí Yeesu siɛndi baa, mó pilan ndu, mó dimi aa: «I cɛl, siongu!» Fɔ́ɔ́fɔ̀, mí nàà siaŋa va ndu-o siangu.

Esai 6:7

Mó pilan ya sondoo a ndu, mó dimul-la aa: «Hoo pilanndo ho sondo nɔmndo, yɔŋ vɔɔn nɔmndo faŋan, hakila nɔmndan la malnun haki!»

Matie 8:14

O kon kɔɔli, mí Yeesu kɔa o Piɛr lo cɛinin, mó komal lefu ndɔ laandoo a dialun tuwvon.

Matie 8:16

Paalen delɔɔ, má cuu ndu vanaa nààla ɲinaa. Mó soaa, mí ɲinaa va vanaa kan kɔɔli-a ɲaanun. Mó singi vanaa lanàá kpow.

Marke 1:29

Ndáà fulaa o cɛi lekaando nin, má kɔa nda Nsaki a Nsaŋ o Simɔn nda Andre-a lo cɛinin.