Matie 8:11 - BII BILA

¹¹ Mì dimul niaa, vanaa bɔɔ-bɔɔ a fulanin a ba paalen le can-ndo a á ba paalen le del-lo, mà de o tabali pilɔɔ nda Abraham, Isaak a Yakɔb o masale halataala len nin.

Matie 8:11 Referans Kwoze

Efɛsea 3:6

Dɛnɛ viannan kon co hoo ni: le Yoongu kɛndɔɔ, mí vanaa co N'Yuifi le-a sɔla kɛ́ pilɔɔ nda Yuifia latulu, má siŋnun ɲɛ pilɔɔ o dialun pilɔn nin, má sɔla kpema o yiilul nda-o latulu o Yeesu Krista nin.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Luke 12:37

Dɛnɛ kɛndɔɔ co le vanaa baalaa kan, a vana nda bɛndoo komalnin cumullo telen o hunnin-ndo-a! A toɲa, mì dimul niaa, ndu pila cuɛinunnin volɔɔla valtan, mò kɛsi nda le dioo, mò piɔw nda ɲɛdiaa.

Kolɔsea 3:11

Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Dɛnnda kiilaa 10:45

Mí vanaa laalaŋaa fula Yuifia tɛɛn, má liila ndu-a dɔawnun kɔndɔfili taw le cɔ nda ce mí Hala Kɔl-Diandaa toal vanaa ve N'Yuifi le-a coo-o.

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Esai 59:19

O kon, a kenin diola Mɛlɛka lan a biilu ndɔɔ bɛɛlen, kandɔɔ nɛɛ paalen le del-la háá nɛɛ le can-nda. Hali yaamɔɔ hun bɛɛ súlùlù maa mɛmma pee bɛndu, kɔl Mɛlɛka-o toawnin ndu mò ɲaanun.

Dɛnnda cɔɔmuanndan 7:6

o polale Asɛr len coo vannda vaalan tɔ́ a latiɔn (12 000), o polale Nɛftali len coo vannda vaalan tɔ́ a latiɔn (12 000), o polale Manase len coo vannda vaalan tɔ́ a latiɔn (12 000),

2Tesalonikea 1:5

Tɔɔmasele kon cɔm ni maa yamɛi Hala-e sandu, kani biwnɔn niaa co kon-ndo tosanin ni mì la siŋnun vanaa bɛnda le luɛyɔɔ o masale Hala len nin-nda, masale niaa co leen sangaa sɔlaa kɔɔli len pɛɛn.

1Korɛntea 15:20

Kɛ nihau, Krista tendul, ndu yɔŋnun vana tasoo fulaa vanvílɛ́iya tɛɛn ni.

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Luke 16:22

Paale pilɛ, mí vana bala fondo kon vu. Mí mɛlɛkaa yaa ndu Abraham ikɛi. Mí vana bolofaa bɛɛ vu, má kumbu ndu.

Matie 3:2

mó va dimio aa: «La mal yɔŋ vɔɔndo mì la mangalan, kani masale halataala len le co le tiiyaa.»

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Esai 52:10

Mɛlɛka soli ba cɔm dindin ndɔɔ-o ceen vanaa-mangalaa-isɔɔa kpow o hɔl. Vanaa co o lɛŋnden mɛɛlulan kpede-a canin cinda Hala naa.

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Condii lisai 98:3

O loonun le kaola o kaola yungu Israɛl-lo, mó loonun kɛndɛi ndɔɛi. Vanaa co o lɛŋnden mɛɛlulan di-a ce cinda Hala naa.

Condii lisai 22:27

Vanaa bala fondoa dianin mà pim, vanaa co Mɛlɛka nuwviaa-a sangalanin ndu. Màá la viow yoomu!

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

O Kandɔɔ 22:18

Vanaa-mangalaa-isɔɔa súúlan kpow o ceendo coo a sɔlanin duaa cuavaa nɔmnda o ba bɛngu. Kani nɔm Abraham, a bii sɔɛi nii.»

O Kandɔɔ 12:3

Vanaa dɔawnin nɔm duaa-a, i dɔawnin nda duaa. Kɛ vanaa dɔawnin nɔm danga-a, i dɔawnin nda danga. O nɔm kɔɔli vanndacieea o ceendo coo kpow a sɔlanin duaa ni.»

Esai 49:12

La tofa vɔ nda, a cɛn nɛɛ levil ma va hunɔɔ, a pum co hunɔɔ fulaa a ba luaŋ-ndo, a ba paalen le del-lo, a pum co hunɔɔ fulaa o lɛŋnde Sinim-nden nin.

Matie 8:10

Yeesu tueyɔɔ ndu sɔɔn mun dimio, mí ɲɔɔ hɛnan ndu a langbanɔ kon. Mó dimul vanaa va ndu kɔlan kɔɔli-a aa: «Mì dimul niaa toɲaa, hali Israɛl, i seelun-ndɔ vana nɔ laalan bɛndu vaa nuaa le.

Matie 21:41

Má mulul ndu aa: «O diwnin vanaa diuvaa n'vanndacieaa kan o venin a iɲíí le, mò yɔngu vanaa baalaa celen nakɔ kalaa le mandaa, á kenin ndu tɔnɔ nakɔɔ o telen bɛnda-o-a.»