Matie 7:7 - BII BILA

⁷ «La piɛi, a kenin niaa. La nuwviaa, la saalunnin. La lɔɔ dioo, a kumbilnin niaa.

Matie 7:7 Referans Kwoze

Matie 21:22

Ɲɛ-ɲɛ niaa piɛi pɛ a laalanndo, la sɔlanin ndu.»

1Nsaŋ 3:22

Ɲɛ-ɲɛ naa n ɲuna ndu pɛ, n sɔla ɲɛ kon ndu o ba, kani n co tɔŋnda ndɔlan biyɔɔ, mì n va dɛnnda hɛnan ndu lan tosaa.

Nsaŋ 15:7

Te la lo o ya nin pɛ, mì sɔɔn nun lo niaa o lakɔl, la piɛinin ɲɛ-ɲɛ niaa yeema, mò cɛlnun niaa.

Marke 11:24

Lelan i co niaa dimul, ɲɛ-ɲɛ niaa ɲuna pɛ o piɛilen nin, la laalan maa la cii ndu sɔla, o yɔngunnin niaa.

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Matie 6:33

La nuwviaa vɔ fɔlɔn masale Hala len a dɛnɛ sandaa ndɔɔ. O kon, ɲɛm mun kpow n hendulun niaa lecoo.

Matie 7:8

Kani vana-vana piɛi pɛ, ndu sɔla. Vana nuwviaa pɛ, ndu saalun. Nduyɛ vana lɔaa dioo-o nda kumbil ni.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Hebreea 11:6

Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.

Talelan 8:17

Vanaa kaola ya-a, ya bɛɛ i kaola nda. Vanaa co ya nuwviaa-a co ya saalɔnndo.

Condii lisai 10:17

Nɔm Mɛlɛka, a co yeemɛi vanaa bala fondoa tueyɔɔ, a co nda yoomuan lueiyo, a co nilan yaŋɔɔ o cɛɛŋɔnnda ndalan,

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Matie 18:19

Mì dimul niaa vɛlɛ toɲaa maa te vanaa ŋiɔn o niaa tɛɛn a cɛlan pɛ o lɛŋnden coo le ɲɛ-ɲɛ ɲunaa o piɛilen nin, Fuɲa ni co o halataala-o kenin nda ndu.

Amɔs 5:4

«La tuei-yɔ sɔɛi Mɛlɛka dimul cuavaa Israɛlla-e: ‹La nuwviaa ya mì la va yoomu!

Nsaki 5:15

Piɛile laalannden le singinin vana naá, mì Mɛlɛka mingi ndu o pelon coo. Te o tosa pɛ hakilan, la malnunnin haki.

Condii lisai 27:8

I nɔ kɔllo o sɔɔn n dimi-on coo aa: «La nuwviaa hɔlaa nia.» Hɔlaa nɔmda ya co nuwviaa ho nuaa ni, Mɛlɛka!

Luke 18:1

Mí Yeesu dimul kaandeŋaa ndɔa taloo le nda cɔmndo maa o bɛnda mà va Hala piɛiyo lɔ́ɔ́-lɔ́ɔ̀, maa a vu n'dial te.

Matie 7:11

Niaa vanaa vɔɔnda ha, te niaa sinà pɛ le cuavaa niaa ɲɛm kɛndɔn keo, vɛ̀ɛ̀ Fuɲa niaa co o halataala-o ndu kɛɛ yɛnin le vanaa ɲunanin ndu-a ɲɛm kɛndɔn keo?

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Condii kɛndɛ-kɛndɛi 3:2

Lelan, i cannin mì kela nuwviaa o kobio nin, mì kela o lɔ́ɔ́lan nin a o nɛilan coo, i nuwviaanin vanapɔnɔ kɔl nuu kaola-o. I co ndu nuwviaa taw, kɛ i co ndu saalɔn te.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Condii lisai 119:12

Balika Mɛlɛka, má pɛɛku ya hɛnan nɔmndo.

Condii lisai 86:5

Kani nɔm Maalii mal vana haki ni, a naŋ, a nɔ kɛndɛi taw le vanaa co nɔm piɛiyo-a.

Condii lisai 70:4

Màá vanaa co ya mamaɔɔ ihia-hiai-ya kpow a muungu a siɛmbulan!

Condii lisai 69:32

Sangala kon hiow Mɛlɛka hɛnanndo a ndu sálàla n'nawlan solullo, kon hiow ndu hɛnan a ndu naw tova nɔ leelan a buukulan-ndo sálàá solullo.

1Masaa 3:5

Mí Hala cɔmnun ndu o lɔma sɔlaan nin icɔllo Kabaɔn ndon, mó ɲuna ndu aa: «Piɛi ya ɲɛ n yeema mì ke nɔm-ndo»

Condii lisai 10:4

Vana kɔlvesɛiyo co sɔɛi a Mɛlɛka, o co dimio aa: «Hala yɔŋ vana ɲɛ le tɛɛmbuu le. Hala co le!» Yiyannda ndɔlan kpow la co lan ni.

Rɔmnda 3:11

Vana-vana kindu kɔl te, vanndo pilɛ bɛɛ co Hala nuwviaa le.

Luke 13:25

Telen vana cɛiyo cannin mò kinda dioo-o, la lonin o bɛ́ɛ̀. La kandunin dioo lɔɔ a dimio aa: ‹Maalii! Kumbil naa dioo.› Kɛ mò mulul niaa aa: ‹I sina nɛɛ niaa fula le.›

Condii lisai 34:4

La n lisan Mɛlɛka naa niaa latulu. N sangalan diola ndɔlan diom pilɛ!

Condii lisai 37:4

Siinguu Mɛlɛka vana n dɔawnun ɲaale nin-ndo, mò yɔngu nɔm ɲɛ kɔl nɔmndo yeema-o.

Esai 30:19

A toɲa, niaa vannda Siɔn, niaa co icali Yerusalɛm-nda, la koŋul-lɛnin te. La yonda pɛ, o tosalnin niaa kɛndɛi, o tueinin niaa diom, o mululnin niaa mulul kɛndɛ.

O Kandɔɔ 26:32

Paale pilɛle len, mí buɛyaa Isaak-a hun dimul Isaak aa a komal mɛnndan o soon kólaa nda va tovɔɔ-o nin.