Matie 7:21 - BII BILA

²¹ «O co vanaa co ya veeloo aa: ‹Maalii, Maalii›-a kpede le a luɛinin o masale halataala len nin te, kɛ vanaa co hɛnan Fuɲa ni co o halataala-o tosaa-a daama a luɛinin ni.

Matie 7:21 Referans Kwoze

Rɔmnda 2:13

O co le tɔŋndo tueyɔɔ le vana sɔla dío Hala o hɔl te, kɛ vanaa co tɔŋndo biyɔɔ-a, nda Hala kenin dio ni.

Luke 6:46

«Le yɛɛ niaa co yɛ ya veeloo aa: ‹Maalii, Maalii›, la co ɲɛ ya co niaa dimullo-o tosa le?

Nsaki 1:22

La va vanaa biyaa isɔɔa, la vá vanaa yaŋnannda daama le. Te la yaŋnun pɛ daama, mɛɛ niaa pila co huinɔnndo ni.

Luke 11:28

Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»

Tite 1:16

Vanaa kan a tiwba mà dimi maa a sínà Hala, kɛ mà kɛɛ ndu o dɛnnda ndalan nin. A nɛinun bɔɔ vannda, vanaa nila kalua nda co ni, a tiwba dɛnɛ kɛndɛ kɛ́-kɛ̀ tosaa le.

Hebreea 4:6

Vanaa keleŋa sɔɛi Hala-e tueyɔɔ-a bii ndi le. Lelan a luei o pɛngi Hala dimi kon sɔɛi ndɔɛi-yo nin te. Le hee vanaa celen a nɔla vɔ mà luɛi.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Dɛnnda cɔɔmuanndan 3:5

O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.

1Piɛr 4:2

haliko o va lɛ yoomu a yeemɛi n'faluei le, kɛ o hɛnan Hala-o nin le telen tɔ̀ lo ndu le tosaa o falon nin-ndo.

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Nsaŋ 3:5

Mí Yeesu mulul ndu aa: «I co nɔm toɲaa dimul, te vanacieo vilun a mɛnndan, mò velun a Kɔl Hala-o le, o nɔla luɛyɔɔ o masale Hala len nin te.

Matie 18:3

mó dimi aa: «I co niaa toɲaa dimul, te la mangalan mì la muungu maa cuaambɔa pɔmbɔa le, la lueinin o masale halataala len nin te.

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

Marke 3:35

Vana-vana tosa pɛ hɛnan Hala-o, ndu co puapilɛ nuu, yema nuu a kala nuu ni.»

1Tesalonikea 5:18

la vá Hala balikaa mello o dɛnndan kpow nin. Hɛnan Hala-o co kon le niaa o Yeesu Krista nin ni.

Efɛsea 6:6

La tósa vallo nda o hɔl telen nda nɔ niaa hɔlten coo-o daama le nda hɛnanndo le, kɛ la tosa hɛnan Hala-o a kɔlta niaalan kpow maa cɛa Krista-a.

1Piɛr 2:15

Kani hɛnan Hala-o co ni, mì la tosa dɛnɛ kɛndɔɔ le diɔmaa co haa sɔɔn vɔɔnndon dimio a niaa o kɔɔ-a sondolan kindaa.

Matie 25:21

Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.›

1Tesalonikea 4:3

Ɲɛ Hala yeema-o co ni mì la va vanaa diandaa, mì la mal dɛnnda suundɛilan,

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

Luke 13:25

Telen vana cɛiyo cannin mò kinda dioo-o, la lonin o bɛ́ɛ̀. La kandunin dioo lɔɔ a dimio aa: ‹Maalii! Kumbil naa dioo.› Kɛ mò mulul niaa aa: ‹I sina nɛɛ niaa fula le.›

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Luke 18:25

Kani ɲɔɔmɛɔ keiyo o tɛɛngii siɛndɛle sɔandaalen nin hiow va bɛɛn-bɛɛn a vana bolofaa luɛyɔɔ o masale Hala len nin.»

Marke 9:47

Te hɔlte nɔmnden le co tosa mà mal nɛiyo ni, mɛɛ kala len, kani o co fisa mà luɛi o masale Hala len nin a hɔlten len pilɛ, a hɔltan nɔu tan tiɔn mà viow nɔm o ɲánndávàà.

Matie 19:24

Mì cɔɔlu niaa ndi dimul, ɲɔɔmɛɔ keiyo o tɛɛngii lesiɛndɛi nin hiow va bɛɛn-bɛɛn a vana bolofaa luɛyɔɔ o masale Hala len nin.»

Matie 18:35

Mí Yeesu dimi vɛlɛ aa: «Lende koni Fuɲa ni co o halataala-o tosanin a niaa ni, te la mel puapilɛa niaa haki a kɔlta niaalan kpow le.»

Nsaŋ 15:23

Vana nɔ pɛ nɛyɔn nuu, mɛɛ o nɔ vɛlɛ nɛyɔn Fuɲa nuu.

Matie 26:42

Mí Yeesu faŋan vɛlɛ faŋan diinndɔɔ, mó kɔ piɛi Hala aa: «Pua, te o nɔla tosan mì taala kólaa sangaa ho faŋan ya ikɛi le, maa fɔ mi i kol a ndu, maa hɛnan nɔmndo tosan!»

Matie 16:17

O kon mí Yeesu dimul ndu aa: «Dɛnɛ kɛndɔɔ co le nɔm Simɔn po Yonas-o, kani o co vanaciee le cɔm nɔm dɛnɔɔ ho le, kɛ Fuɲa ni co o halataala-o.

Nsaŋ 14:7

Te la sina ya pɛ, mɛɛ la sinanin vɛlɛ Fuɲa nuu. Nduyɛ sunsun, la sinà ndu, la ce ndu.»

Nsaŋ 5:17

Kɛ mí Yeesu dimul nda aa: «Haa hau, Fuɲa nuu co hiovɔɔ laci a vallo tosaa, ya bɛɛ i co vallo.»

Matie 26:39

O kon mɛɛ o kɔɛ tiŋ laci, mó del o kuumbuan lɛŋ, mó piɛi Hala aa: «Pua, too nɔla pɛ tosan, cɛl mi i kol a taala kólaa sangaa ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Matie 18:19

Mì dimul niaa vɛlɛ toɲaa maa te vanaa ŋiɔn o niaa tɛɛn a cɛlan pɛ o lɛŋnden coo le ɲɛ-ɲɛ ɲunaa o piɛilen nin, Fuɲa ni co o halataala-o kenin nda ndu.

Matie 25:10

Telen nda va kon kɔlan man piondɔɔ-o, mí vana lanɔ sɛnɛiyo tiiya. Mí felengia ŋuɛɛnua va a bɛɛndiannda-a luɛi nda ndaa latulu o ciɛi kafo liilaa lanɔ sɛnɛi kon nin, mí vannda kinda dioo.