Matie 7:2 - BII BILA

² Kani yamɛi niaa co caanda kilullo-e kilulunnin niaa ni. A ɲɛ niaa co tuuvo nda tuunin niaa ni.

Matie 7:2 Referans Kwoze

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Marke 4:24

Mó dimul nda vɛlɛ aa: «La mandan a ɲɛ niaa co tueyɔɔ-o. A tuunin niaa a ɲɛ niaa co tuuvo-o, mà cɔɔlu vɛlɛ handɔɔ lecoo.

Luke 6:38

La ke caanda, haliko mi niaa bɛɛ sɔla o keo. A tuululnin niaa ɲɔɔn ɲɛkɛndɛi o bɔlɔla domala niaalan nin. Hiiluu, mà diŋila, mì n coŋ, kani o ɲɛ niaa co tuuvo nin-ndo nin nda tuulunin niaa ni.»

Abdia 1:15

Kani paale Mɛlɛka kialunin yamɛi vanaa-mangalaa-isɔɔa kpow len le co nin le tiiyaa. A tosalnin niaa mɛɛ niaa tosal caanda yɛ. Yɔŋ vɔɔn niaa tosa-o mingulunnin niaa.»

Dɛnnda cɔɔmuanndan 18:6

La tosal ndu mɛɛ ndu tosal caanda yɛ, la mingul ndu dɛnnda o tosa lan vangalaa lediin. La bingulan mɔima nɛyaa-nɛyan súúlan tan tiɔn o taala ndu va caanda talallo-o nin.

2Korɛntea 9:6

La yiyan maa vana saŋ pɛ ɲɛ-pɔmbɔ, ndu koawnin ɲɛ-pɔmbɔ. Vana saŋ pɛ taw, ndu koawnin taw.

Masaa kialaa n'yamaa 1:7

Mí Adoni-Besɛk yonda coocoo aa: «Masaa belaŋɔmmɛw, a nda kili suon bɛndun laban a suon bɛndun labɛngon-nda va kúúon cɔwviaa nɛɛ yáà dia ɲɛdiaa-a ni. O ya tosa-o, ndu kpafii Hala mingul-la nuaa ni.» Má kɔa a ndu Yerusalɛm, lon o kɔ vu ni.

Yeremi 51:24

I mingulnin Babilɔn-nda a vanaa co o lɛŋnde len nin-nda dɛnɛ vɔɔn kɛ́-kɛ̀ nda tosal Siɔn.» Sɔɛi fula ya Mɛlɛka o sondo-e co ken ni.

1Samiɛl 15:33

Kɛ mí Samiɛl dimul ndu aa: «Mɛɛ mɔɛi nɔmii cɔwve mɛi vanlaandua bɔɔ-bɔɔ kɔɔla fondo yɛ, lende koni kala nɔm co hau lo kɔɔ fondo vanlaandua tɛɛn ni.» Mí Samiɛl dii ndu Mɛlɛka o hɔl Kilkal lon.

Condii lisai 109:17

Sɔɔn dangan o dimi ni, màá n mingulan ndu pila! O yeema sɔɔn duaan te, màá duaa kɔ ndu levil!

Esai 33:1

Dɛnɛ palaa co le nɔm co caanda tɛɛmbuuo-o, vana tɛɛmbuu vɔ nɔm too. Dɛnɛ palaa co le nɔm co caanda huiyo, vana hui-yɔ nɔm too. Lɔ́ɔ́ n ciinin caanda tɛɛmbuu-o, nɔm bɛɛ vana tɛɛmbuunin nɔm! Tuma n ciinin caanda hui-yo, nɔm bɛɛ vana huinin nɔm!

Yeremi 34:17

Lelan diom Mɛlɛka dimi-o co hoo ni aa: O niaa tɛɛn, vana-vana ndóò bɛnda mì ndóò solin o sondo maa puapilɛ ndɔɔ co ndu o ba o cɛlen nin-ndo co o ba ndɔɔ coo. Kɛ la bii sɔɛi nii le, lelan sɔɛi fula ya Mɛlɛka o sondo-e co hee ni: Ya, i co niaa mɔɛi cɔwve tuisi coo, yima fofolan a nàà n'kɔnyaa. O kon masɛi co o lɛŋnden coo kpow-ve canin niaa, mà ɲiiya a siòònde.

Matie 6:14

Kani te la mal pɛ vannda haki le tɛɛmbuula ndalan, Fuɲa niaa co o halataala-o bɛɛ malnin niaa haki.

Fulaa 21:24

Vana pɛl pɛ vanndo hɔlten, ndu bɛɛ a piɔl ndu hɔlten. Vana bɛŋi pɛ vanndo ciŋnde, ndu bɛɛ a bɛŋi ndu ciŋnde. Vana yem pɛ vanndo baa, ndu bɛɛ a yem ndu baa. Vana yem pɛ vanndo pelei, ndu bɛɛ a yem ndu pelei.

Masaa kialaa n'yamaa 5:27

Mó lawlaw, mó pimbulu, mó mulumulun ndu o pelon bɛngu, Ndu o pelon bɛngu, mó lawlaw, mó pimbulu, nɛɛ o lawlaw-va, lon o pimbulu ni, mó malnun kɔl.

2Samiɛl 21:5

Mí Kabaɔnnda mulul ndu aa: «Saul ndóò yeema le naa ciiyo few, mì ndóò diw naa kpow, hali vana pilɛ ndóò mɛinin yoomu o naa tɛɛn o lɛŋnde Israɛl-ten nin te.