Matie 7:15 - BII BILA

¹⁵ «La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

Matie 7:15 Referans Kwoze

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Matie 24:11

Vanaa-tɛɛngaa-diom Hala-a lacòòvaa cannin taw, mà luei vanaa bɔɔ-bɔɔ o pɔwlan nin.

Kolɔsea 2:8

La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

2Piɛr 3:17

Kɛ niaa vanaa hɛnan ya-a, la sina nin sɔɔn mun, la va o lapɔɛɛnɔn nin te, yɔŋii niaa del vanaa sina Hala le-a kɔɔli, mì la sungun o foofo kɛndɛ niaa sim-ndo.

Luke 6:26

Dangaa co le niaa, te vannda kpow a va pɛ sɔɔn nian kɛndɔn dimio, kani lende fuɲaa ndaa mamaa va dimio a vanaa-tɛɛngaa-diom Hala-a lacòòvaa ni.»

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

2Timote 4:3

Kani telen pum co hunɔɔ tiiya, kaannde kpeekpeile Mɛlɛka len le hɛnannin vannda le, kɛ nda pila vanin yeemɛi le ɲɛ hɛnannin nda-o tueyɔɔ o pɛɛkoo.

Filipea 3:2

La mandan a tunaa kan, la mandan a vanaa baalaa vɔɔnda, la mandan a faleŋaa fondoa kan.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

Luke 12:15

O kon kɔɔli, mó dimul nda kpow aa: «La caa mì la mandan le yeemɛi vɔɔnde, kani o co ka o bolofaa bɛndoo nin te vana sɔla yoomoo le.»

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Dɛnnda cɔɔmuanndan 16:13

Mí ca ɲinaa vɔɔnda pum nda yáá fulaa tambálakáà o sondo, visio o sondo a vana-tɛɛngaa-diom hala lacòòvaa o sondo, vanaa ce pɛ ɲinaa vɔɔŋaa kan aa ŋɔɔŋɔɔnda ni.

Efɛsea 5:6

La cɛl mì vana-vana hui niaa a sɔɔn fondon te, kani le tɛɛmbuula vaa lende kɔltuw Hala-o toalnin vanaa co ndu simullo-a coo ni.

Dɛnnda kiilaa 13:40

Lelan, la caa taw, yɔŋii ɲɛ vanaa-tɛɛngaa-diom Hala-a dimi a niaa o kɔɔ-o yɔŋnun niaa aa:

Nsaŋ 10:12

Kɛ vana co saa mandaa le ɲɛ-sɔlaa-o, ndu co vana mandaa n'saa kpeekpei le, o co ndu le nɔ saa le. O ce pɛ tun yondoo hunɔɔ, o ɲaanun, o mɛi saa. Tun yondoo kɔ tol nda coo, o puusiaa nda.

Matie 16:11

Te i dimul niaa pɛ aa: ‹La mandan a lɛvɛn Faliisia a Sadusea›, le yɛɛ niaa co yɛ kɛɛ bila biyɔɔ maa o co le ɲɛdiaa le ya soo lende le?»

Matie 16:6

Mí Yeesu dimul nda aa: «La mandan a lɛvɛn Faliisia a Sadusea!»

Matie 10:17

La mandan a vannda, kani a lɔalunin niaa o fondala kialaa n'yamalan, mà lɔɔ niaa o cɛila ndala lekaanndan nin.

Sakari 13:4

Paale len, te vanaa-tɛɛngaa-diom Hala-a tɛɛnguu pɛ diom Hala-o, siɛmbulan la biinin nda le vunduma ndama nda ce-an. A vownun ndɛnin domala bɛndula iyiin-ndan, le sɔɔn lacòòvan dimio le.

Esekiɛl 22:25

Vanaa-tɛɛngaa-diom Hala-a ndɔa co dúmbóó yiiyo o ndu nin maa yàlá co pɛɛliaa o ɲɛ o bii-o sɛɛsiaa-o, a o yoomula (vanndacieea) tɛɛmbuuo, o co ɲɛm sɔlan pilan a ɲɛm sɔvɛɔn poondiaa. O co vanlaandua taw-taw mɛiyo o vii piaandua nin o kobi kon nin.

Esekiɛl 13:22

Kani la co vana sandaa yoomuan solio a còòlan, nduyɛ, ya pila, i tɛɛmbuu nda kɔl te. La co vana kɔlvesɛiyo yoomuan lueiyo yɔŋii o mal kɔlvesɛi kon, mò ciindiaa yoomu ndɔɔ.

Esekiɛl 13:16

Vanaa-tɛɛngaa-diom Hala-a Israɛlla, a va diom Hala-o tɛɛnguuo a Yerusalɛm o kɔɔ-a, a va vunduan cɔu o ndu coo, mà va ndu dimullo aa kɔlɲuloo co, hali mi kɔlɲulu ve bɛɛ le-a, o pilɛ bɛɛ co lɛ le!› Sɔɛi fula Maalii Hala o sondo-e co ken ni.

Yeremi 29:32

ɲɛ Mɛlɛka dimi-o co hoo ni aa: ‹I co Semaya fula Nehelam-ndo a cuavaa ndɔa imamaa kuel, vanndo pilɛ bɛɛ lonin icali o yungu ndɔɔ nin, mò ce dɛnɛ kɛndɛ ya tosalnin vanaa nia-o le›. Sɔɛi fula Mɛlɛka o sondo-e co ken ni. Kani ndu tosa ni mì vanaa niaa simul-la, Mɛlɛka dimi lende ni.›»

Yeremi 29:21

O Mɛlɛka-Nɔ-Kpaayaa-Kpow-vo, Hala Israɛl-lo dimi a Akab po Kolaya-o, a Sedekia po Maaseya-o, a co kan niaa còòlan tɛɛngullo o diola nilan-nda-o co hoo ni: «I mal nda Nebukanɛsar masaa Babilɔn o ba, o lɔanin nda mà vi niaa o hɔl.»

Dɛnnda cɔɔmuanndan 17:6

Mí ca vuɛɛn kon, kooma vanaa diandaa a kooma seyaa Yeesu-a maa bii ndu maa mamɔi. Yáà delɔɔ ndu hɔlten, mí kɔndɔfili bɛndoo bii ya.

Dɛnnda kiilaa 13:6

Má kei o lɛŋnde ibungale va o mɛnndan tɛɛn-nden nin kpow, háá má kɔ tiiya Pafɔs. Má komal vana viamaa yavaa pum, óò siingun ndu pila vana-tɛɛngaa-diom Hala-o lon-ndo, diola ndɔlan Bar-Yeesu, Yuifinɔɔ o va ni.

1Masaa 13:18

Kɛ mí vana-tɛɛngaa-diom Hala yuuvɛi kon lamban sɔɛi he lafi-lafi, mó dimul ndu aa: «Ya bɛɛ vana-tɛɛngaa-diom Hala-o ya co maa nɔm ni, Mɛlɛka pila vim ya mɛlɛkanɔɔ le ya hunɔɔ dimullo ni maa naa n muungu naa ŋiɔn o ya lo cɛinin, mà kɔ dio ɲɛdiaa, mà kol.» Nduyɛ còòlan fúú o va ndu dimul kon ni.

Daniɛl 11:34

Telen nda vanin kon o sanga imɔnɔɔ nin-ndo, a sɔlanin malaa ɲɛ-pɔmbɔ kínɛí. Kani vannda taw a sɔɔnguunin nda ikɛi a kɔlta muuluanndan.

Matie 7:14

Kɛ dio sɔɔkɛɲɛɛo, nɛile piondonnde kɔlan la kendu coo len, ɲɛm mun yaa vana o cinda fɛɛn-fɛɛndo nin ni. Vanaa saalun lan-nda co sɛ́lɛ́ le.»

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.